Kotler hayratda

2022-11-28 09:44:53 Talablarga binoan ;) Ochish/sharhlash

2022-11-27 21:29:02 Xizmat ko’rsatish sohasida eng asosiy qoidalardan biri

Ko’pchiligimiz vaqti-vaqti bilan restoran, kafega borib turamiz. Aniq bilamiz-ki, hamma joyda mahsulot(taom) deyarli bir xil sifat darajasida.

Lekin nega biron joy bizga yoqadi-yu, boshqasi yo’q?

Xizmat ko’rsatish darajasi tufayli, to’g’rim?! Bunda asosiy qoida nima? Jilmayish, xushmuomalalik - bular gigienik darajada shundoq ham bo’lishi kerak.

Xizmat ko’rsatishda eng asosiy qoidalardan biri esa - insonni kuttirmaslik.

Agar mijoz uzoq kutishga majburmi, unday holda xizmatni qismlarga bo’lib bering:
- Avval idishlarni qo’ying
- Bir muddatdan keyin ichimlik olib keling
- Yana bir necha daqiqalardan so’ng nonni.

Bular birdaniga dasturxonga tortish mumkin bo’lgan narsalar. Ammo shunday qilsangiz, salat yoki taom tayyor bo’lgunicha mijoz kutib qoladi. Qismlarga bo’lib bersangiz - hammasi joyida ;)

@kotlerhayratda Ochish/sharhlash

2022-11-26 17:40:40 Bir dona mahsulot shuncha joyni egallayapti. Nega?

E’tibor bering, Coca Cola (yoki Pepsi) o’zi bir dona mahsulot bo’lishiga qaramay, javonning eniga yarmini, bo’yiga esa barcha qatorlarni egallab turibdi.

Bir dona joyga qo’ysa bo’lmasmidi? Baribir odamlar o’zi qidirib keladi-ku Coca Colani (yoki Pepsini)?

Yo’q! Chunki brend taniqliligi va savdoingiz to’g’ridan to’g’ri javonda qancha joy egallab turishingizga bog’liq.

Ishonasizmi, yo’qmi, shu bir dona mahsulot egallab turgan joyni necha foizga kamaytirsangiz, savdosi deyarli shunchaga pasayadi.

Xulosa, asosiy mahsulotingiz bilan ko’proq joyni egallang. Bor joyingizni barcha mahsulotlar orasida teng proporsional bo’lib tashlanang. Chunki ayrim mahsulotlar bor-ki, qancha ko’p joy olmasin, odamlar uni ma’lum hajmdan ko’proq iste’mol qilmaydi.

@kotlerhayratda Ochish/sharhlash

2022-11-26 15:48:32 Menga, jamoaga va biznes egasiga juda yoqqan loyiha

Nega? Chunki unda muhabbat va rostgo'ylik bor. "Jarangdor", inglizcha yoki ruscha, "zo'r", "kreativ" nomlar o'rniga, oddiygina nom tanladik.

Zapchast! Shunday deb atalar edi bu yo'nalish.

Biz esa mutloq yangi nom berdik - Avtobo'lak. Bu oddiy so'z - butun boshli kategoriyani ifodalaydi. Xuddi "Pampers"ga o'xshab ;)

@kotlerhayratda Ochish/sharhlash

2022-11-26 15:45:03 Ochish/sharhlash

2022-11-24 08:54:43 Shahar transport aydentikasi (yo'q)

Shahar transporti turli xil ranglarda bo'lishi to'g'ri emas. Yashil avtobus bor, elektr avtobuslari bor - umuman boshqa rangda, endi express paydo bo'ldi - ko'k rang bilan.

Hammasi bir xil uslubda, aydentikada bo'lishi kerak. Avtobusning motor yoki akumulyatorda ishlashi uning rangiga ta'sir qilmasligi kerak. Shuningdek, tezkor yoki standart marshrutda yurishi ham.

Ayrim kichik o'zgachaliklari bo'lishi mumkin. Masalan, yon tarafida E-Bus degan yozuv, yoki Express degan yozuvi. Ammo kiyimlari butkul boshqacha bo'lishi...

@kotlerhayratda Ochish/sharhlash

2022-11-23 18:50:35 JCH efiridagi reklamalar. Reklama beruvchilar uchun xulosa

Bugun ilk bor futbol bo’yicha JCH ko’rdim, oxirgi 20 daqiqasini. O’yin tugaganidan keyin reklamalar boshlandi. Rossa ko’p ekaney. Birma-bir ko’rdim va reklama beruvchi sifatida ayrim fikrlar paydo bo’ldi.

JCh efirid har bir brendning vazifasi qanday qilib bo’lsa ham e’tiborni o’ziga tortish va eslab qolinishi (ta-daaaam).

Buning uchta yo’li bor ekan:

- Kreativlik. Lekin brend pozitsiyasi bunga yo’l qo’ymasligi mumkin. Yoki kreativlik yo’qligi

- Takroriylik (yohud chastota). Barcha ko’rgan reklamalarimdan Artelni va qandaydir iKs ( ) taksi xizmatini eslab qoldim.

Nega? Chunki ular boshqalardan farqli o’laroq, bir necha marta takror-takror reklama berishgan. Artel mayli, bir marta ko’rsam ham eslab qolishim mumkin edi. Lekin haligi taksi yodimda qolishi uchun u o’z pulini sarflashi kerak edi, va vazifa bajarildi.

Lekin! Agrobank chastotasi eng yuqori edi. Ammo ular imkoniyatni qo’ldan boy berishdi. Eeeng primitiv xato - barcha mahsulotlarni bir yerga tiqishtirish. Natijada birontasi ham eslab qolinmadi.

- Uchinchi yo’lni Olcha topibdi. Reklama ishlashi uchun men (tomoshabin) o’zini tiya olmaydigan taklif berishi kerak ekan. Shunda ham sharti bor, agar reklamangizni ko’rsamgina, taklifni qabul qilishim mumkin. Men esa ko’rdim. Olcha hoziroq ilovani yuklab olsangiz - 50,000 so’m sovg’a qilarkan. Yaxshi.

Xullas, reklama beruvchi sifatida yuqoridagi maslahatlar sizga foydali bo’lishi mumkin. Rahmat.

@kotlerhayratda Ochish/sharhlash

2022-11-22 20:51:56 Marketing kurslariga boring. Faqat qaysi biriga?

Marketing, digital, iqtisodiyot kabi kurslarga borishdan charchamang. Oldin ular kam edi. Hozir bepul leksiyalar, pulliklari, uzoq vaqt-u, tezlari, onlayn yoki oflayn - juda ko’p. Barchasiga, ayniqsa, bepullariga albatta boring.

Eng sifatlilari Rossiya va Ukraina kurslari deb hisoblayman. Rossiyada reklamachilar uchun, Ukrainada esa marketologlar uchun yaxshi kurslar va mutaxassislar bor.

Narxi ham O’zbekistondagi bilan bir xil, yoki arzonroq ham. Oladigan foydangiz esa ancha farqli. Ishoning, undan keyin “puch gap” leksiyalarni ancha farqlab qolasiz.

@koterhayratda Ochish/sharhlash

2022-11-10 21:31:47 Masofaviy ishlash - ish emas

Men ishberuvchi sifatida masofaviy ishni juda yoqtirmayman. Albatta, kompaniya yetuk pog’onalarga erishib, jarayonlar, vazifalar, vaqt trekinglari avtomatlashganda - shunda masofaviy ish haqida o’ylab ko’rish mumkin.

Ammo bizning mas’uliyatsizligimiz, yengillik berilsa undan ortig’iga o’tib ketishimiz, uylarimizdagi holatlar bugun uydan turib ishlashga yo’l qo’ymaydi.

Oflayn ishda loyihalar tezroq bitadi. Izohlar osonlikcha va tushunarli tarzda yetkaziladi. Jonli jamoaviy sinergiyaga yetadigani yo’q.

@kotlerhayratda Ochish/sharhlash

2022-11-08 21:05:09 Hamma narsaga ruxsat so’rayvermang

Marketing menejerlarida katta muammo bor. Har bir ishga ruxsat so’rash va mas’uliyatni olmaslik.

Agentlik bilan ishlaysizmi, o’zingizmi, loyihalarni ipidan ignasigacha rahbariyat tasdiqlashini kutmang. Oling, qiling, keyin ko’rsating.

Agar “menga ko’rsatmasdan hech nima chiqarma” degan buyruq bo’lsa (bu tabiiy va normal hol) - unda ishni chiqarishdan oldingina ko’rsating.

Ya’ni falon ishni boshlasam maylimiiii deb emas. O’sha loyihani bajarib, faqat e’lon qilishdan oldin birrov ko’rsatib qo’ying.

Xullas, ma’suliyatni o’zingizga oling.

@kotlerhayratda Ochish/sharhlash