2023-04-12 13:38:17
МАГАТЭ Қазақстан АЭС салуға дайын деп отырЕлімізге ақпан айының соңында МАГАТЭ миссиясы өкілдері мен халықаралық сарапшылар келіп кетті. Олар Қазақстанның ядролық-энергетикалық инфрақұрылымы мен әлеуетімен, алғашқы салынатын АЭС құрылысы бойынша жүргізіліп жатқан дайындық жұмыстарымен танысты.
Ядролық инфрақұрылымды кешенді шолу жөніндегі миссия МАГАТЭ-нің халықаралық сарапшылармен бірлесіп, әртүрлі елдегі озық тәжірибе туралы терең талдау жүргізуіне мүмкіндік береді. Бұл миссия – INIR деп аталады.
Бұл миссия дайындаған кез келген ұсынысты орындау миссияны өткізуге өтініш берген мүше мемлекеттің қалауында болады. Ұлттық ядролық инфрақұрылымды дамытуға ықпал ететін INIR миссиясының нәтижесі кемшіліктерді жою бойынша іс-қимыл жоспарын әзірлеуге көмектеседі.
Сонымен, ядролық инфрақұрылымға толыққанды кешенді шолу жасаған сарапшылар тобы төрт күндік миссия нәтижесінде Қазақстан Атом энергиясы жөніндегі халықаралық агенттіктің (МАГАТЭ) ядролық инфрақұрылымды шолу жөніндегі алдыңғы миссиясының ұсынымдарын орындауда едәуір ілгерілеушілік барын жеткізді.
Энергетика министрлігінің айтуынша, INIR миссиясының жұмыс тобы ядролық энергетикалық бағдарламаны үйлестіру, атом электр станциясын қаржыландыруды түсіну, апатқа қарсы жоспарлау және радиоактивті қалдықтармен жұмыс істеу бойынша ұсынымдарды Қазақстан толығымен іске асырғанын атап өткен.
https://dalainside.kz/04/manyzdy/12/2023/912/
1.7K views10:38