Ota-Onam duolari qo'llaydi... Boshim baland, yulduzdan ham, o | Kundaligim
Ota-Onam duolari qo'llaydi...
Boshim baland, yulduzdan ham, oydan ham,
Kam emasman man-man degan boydan ham,
Hatto oltin undiraman loydan ham,
Bir sirim bor lek aytmasam bo'lmaydi.
Ota-Onam duolari qo'llaydi.
Omad chopar nimagaki qo'l ursam,
Charchamayman qancha uzoq yo'l yursam,
Baxt gapirar men gapirmay jim tursam,
Aytmay desam yurak qurg'ur to'lmaydi
Ota-Onam duolari qo'llaydi.
Baxt izlayman oshimdagi toshimdan,
Dur tovlanar yig'lasam ko'z yoshimdan,
Olmos yumshoq tosh yumshoqdir boshimdan,
Sahrolarda gul eksam gul so'lmaydi
Ota-Onam duolari qo'llaydi.
Qish bo'lsa ham pok dilimda bahor bor,
Tun bo'lsa ham lek uyimda nahor bor,
Yuragimda mehr to'lgan anhor bor,
Shular borki ko'ngil bog'im o'lmaydi
Ota-Onam duolari qo'llaydi.
Zohid Ziyo art ko'zingda namingni,
Ortga tashla dilingdagi g'amingni,
Duolari to'ldiradi kamingni,
Bugun quvonch menga salom yo'llaydi
Ota-Onam duolari qo'llaydi...
Zohid Ziyo
@Kichkintoy_qiz_22
