Karyera Life

2021-01-12 12:30:02 Akmal Kadirov Dev #baxt Ochish/sharhlash

2021-01-06 16:14:06 Қодирий эмаслар ҳақида

Абдулла Қодирий "Ўтган кунлар" нашридан кейин ўша давр учун анча катта пул ҳисобланган қалам ҳақи олади. Ёзувчининг ўғли Ҳабибулла отасидан велосипед олиб беришини сўрайди. Қодирий қуйидаги сўзларни айтиб рад этади:
"Ўғлим, мен сенга велосипед олиб беришга қурбим етади, лекин атрофга қара - халқ юпун, ялангоёқ, ярим оч кун кечирмоқда. Мен сенга велосипед олиб беришдан уяламан, менинг ўғлим сифатида оч, юпун ва ялангоёқ ҳолдаги миллатдошларинг олдида велосипед миниб юришдан сен ҳам уялсанг керак". Ochish/sharhlash

2021-01-05 21:36:35 Ochish/sharhlash

2021-01-03 00:56:03 Ochish/sharhlash

2020-12-31 20:32:33 ​​ Diqqat. Diqqat.

Avvalo, yangi yilingiz bilan!
2020-yilda mutolaa qilgan eng oxirgidan bitta avvalgi kitobim bu – Kel Nyuportning ''Diqqat: Chalg'ituvchi dunyoda muvafaqqiyat sirlari'' asari bo'ldi.

Bilasizmi, 2 oycha avval twitterni 'deactivated' rejimiga o'tkazib qo'ygandim. Bir kun instagramdan twitterdagi obunachim ''nega tweet joylamay qo'ydingiz'' ma'nosida xabar yozdi. Men twitterdan foydalanmay qo'yganimdan beri ishlarim va o'qishlarimda ancha ijobiy o'zgarishlar bo'layotganini aytdim. Buni butunlay samimiylik bilan gapirgandim. Mo'jiza(!) twitterni qurbon qilganim uchun menga muvafaqqiyatlar yo'ldosh bo'la boshadimikin, deb o'ylab qoldim

Kel Nyuportning kitobini o'qib, nega shunday bo'layotganini bildim. Men diqqatimni tweetimga qancha ''like'' bosilishi-yu, unga qanday izoh yozishlariga va yana shu kabi fikrlarga chalg'itmay, aksincha, uni bir joyga jamlab ishlayotgandim. Buni muallif tilida ''teran ish'' desak ham bo'ladi.

Sayyoramizda o'zining mukammal faoliyati orqali nom qoldirgan va qoldirajak ko'plab odamlarni birlashtirib turuvchi bir xususiyat bor: ular bor diqqatini boshlagan ishlariga qaratadilar va hech qanday chalg'ishlarsiz bajara oladilar!

Aslini olganda ham, bajarayotgan ishlaringizni tahlil qiling. Hamma qila oladigan, ammo sizga bir chaqalik foydasiz ishlardan tiyiling. ''Iqtisodimizda kerakli kadr bo'lib qolish uchun murakkab narsalarni tezda o'rganish mahorati talab etiladi''. Shuni anglagan holda, teran ishlang. Sayoz ishlash sizga yarashmaydi. Mukammallikka intiling. Butun e'tiboringizni qilayotgan ishingizga qarating.

Eng katta chalg'ituvchi siz uchun nima? Shaxsiy muammolar, telva -teskari fikrlar, a balki ijtimoiy tarmoqdir. Voz keching. Shunchaki ular haqida o'ylashni keyinga qoldiring. Men shunday qildim: telegram uchun AppBlock dasturini o'rnatib aniq vaqt belgiladim (30 daqiqa/1kunda), facebook(deyarli), instagram, twitterdan umuman foydalanmay qo'ydim. Chunki ularsiz yashashim mumkin va ular qimmatli vaqtimni sarflashimga arzishmaydi! Vaqtingizni va diqqatingizni qanaqadir ijtimoiy tarmoqlarga sarflamang. O'rniga yangi skillarni o'rganing, imtihoningizga tayyorlaning, yaxshi ishlang, kasbiy muvafaqqiyatga erishing. Sizga ishonaman, siz eplaysiz.

''Sizning kimligingiz nimani his qilishingiz, bajarishingiz, yaxshi ko'rishingiz va e'tiboringiz qaratilgan narsalarning umumiy yig'indisidir''.

Sizning dunyoyingiz bu o'zingiz yaratgan dunyodir. Yangi yilda o'zingiz uchun shunday dunyo yaratingki, u sizning kamolotingiz va muvafaqqiyatingizga, oilaviy xotirjamligingizga  guvoh bo'lsin.

P.S. Kitobni o'qimang. Dunyoda buyuk insonlar, o'z ishining ustalari, daholar ko'payib ketadi Ochish/sharhlash

2020-12-30 11:25:11 ​​''Ta'sirchan Inson" esingizdami? Review yozayotgan edim. Mana bugun tugatdim. Aytganimdek, juda ham long-long-long-read bo'ldi. Shunchaki asar mazmunini to'liqriq ochib bergim keldi. Axir, asar shunga arziydi hamda! Kitobni o'zini o'qishni ham qattiq tavsiya qilaman! Hayotingizni yorqin tomonga o'zgartirib yuborishi ham mumkin. Mayli, ko'p gapirmay. Quyidagi reviewda o'zingiz o'qib oling:

"Ta'sirchan Inson" asariga fikrlarim

happy reading!

@kitobqurti Ochish/sharhlash

2020-12-30 08:00:08 Ochish/sharhlash

2020-12-26 23:08:10 ​Oʻzingizga boshlangʻich, xatolar qiluvchi, tajribasiz boʻlish ruxsatini bering. Har narsada. Ochish/sharhlash

2020-12-23 13:20:15 Бизнес ҳақида.

Бир неча ой олдин чекка тумандан курсдошим қўнғироқ қилди. Университетни битиргандан бери у ҳақида эшитмаган эдим. Россияга бориб ишлаб келаётганлиги, лекин чегара ёпиқлиги учун уйда ишсиз қолиб кетганлигини айтди. Карантин ҳолатида мактабга ўқитувчи бўлиб ишга кириш ҳам имконсиз эди. Унга иш топишга ёрдам беролмасамда, кичик бизнес бошлашни тавсия қилдим. Илтимос қилганидан сўнг ундаги имкониятларни баҳолаб кўрдик.

Қўлида бор нарсаларни сўраб олдим. Унда қуйидагилар бор эди:

1. Онасининг ноутбуги
2. Деҳқончилик ва устачилик учун ишчи қуроллари
3. Учта қўй


Қўлидан келадиган нарсалар:

1. Машина ҳайдаш
2. Компьютерларга Windows ва дастурлар ўрнатиш
3. Оғир қўл меҳнатлари

Демак, қўлида бир дона ноутбук ва унга дастур ўрнатишни биладиган кадр бор. Дастлабки инвестиция 3 дона қўй.

Энди ҳудуд ва аудитория билан қизиқиб бошладик. Унинг туманида компьютерларга дастур ўрнатадиган алоҳида кичик сервис йўқ экан. Асосан компьютер сотадиган дўкондагилар ўрнатиб беришади. Демак, ўз-ўзидан чекка туманда бунга талаб бўлиши аниқ.

Иккинчи қизиққан маълумотимиз жой масаласи бўлди. Унинг бахтига бозор олдида, аҳоли гавжум жойда 25 м2лик дўкон ойига 700 минг сўмга ижарага топилди.

Учта қўй сотилиб, пули дўконга ишлатилди. Стол ва стуллар, флешкалар, дисклар харид қилинди, интернет уланди. ЯТТ рўйхатдан ўтказилиб, банкда ҳисоб очилди.

Биринчи куннинг ўзида компьютерим секин ишлаяпти деб сервисга 3та мижоз кирди. Яна бир мижоз флешкамни формат қилиб бергин, вирусга тўлиб кетди деб кирди. Ундан ташқари жуда кўп телефонимга программа ўрнатиб бер ёки тозалаб бер деган талаб билан келишди.

Демак, смартфонлар учун ҳам иш олиб борилади. Ундан сўнг талабдан келиб чиқиб хизматлар олдига ксерокопия ва принтер қўшилди. Windowsни муаммосиз ўрнатгандан сўнг компьютер сотадиган дўконлар ҳам мижозларини унга жўнатиб бошлашди.

Биринчи ойнинг ўзида соф даромад 1 750 000 Сўмни ташкил этди.

Бирма-бир биз учун жуда оддий деб қаралган бир қатор кичик хизматлар қўшилди. Ишга улгуролмай қолганда яна бир жиянини олдига ёрдамчи қилиб ишга олиб, унга 1 500 000 Сўм маош тўлаб бошлади.

Ҳозирда, курсдошимнинг айтиши бўйича бир ойлик соф фойда 7 миллион сўмга етибди. Россияда ишлаганда оиласига бир ойда 400 доллар пул жўнатар экан.

Демак, учта қўй, битта ноутбук ва компьютерга windows ёзишни биладиган ўртоғим билан кичик бизнес бошланди. Натижада ўзи ишлик бўлди, битта одамни иш билан таъминлади, давлатга солиқ тушуми кўпайди, аҳолига қулай хизмат таклиф қилинди.

Дўстим ишни очиб бошлагандан бери ўрганишдан тўхтамаяпти. Windows ўрнатишдан ташқари, яна ўнлаб дастурларни ўрганди, бугун ҳатто Android телефонларни прошивка қилаётган экан. Шунингдек, у доимий китоб ўқишдан ҳам тўхтамаяпти. Йўқ десамда, кеча битта қўй сўйиб Тошкентга раҳмат сифатида жўнатиб юборибди.

Дўстим ҳақида ўйлаб туриб Ҳенри Форднинг қуйидаги ибораси эсга тушди:

“Ўйлашни ва ишлашни билган одамнинг муваффақияти муқаррар...“




@allaevuzb Ochish/sharhlash

2020-12-22 14:55:39 Hamma orzusidagi kitob... Ochish/sharhlash