ЖӨНЕЛИССИЗ ТАКСИ ХЫЗМЕТИ УШЫН ЛИЦЕНЗИЯ АЛЫЎ ТӘРТИБИ Өзбекстан Республикасы Транспорт министрлигиниң 2022-жыл 28-декабрь күнги Е-1318-санлы хатына муўапық, Өзбекстан Республикасы Президентиниң 2021-жыл 7-майдағы "Автомобиль транспортында жолаўшылар тасыў хызметин тәртипке салыўды және де жеңиллестириў ис-иләжлары ҳаққында" ғы ПҚ-5108-санлы қарарында жолаўшы тасыўда пайдаланылатуғын автотранспорт қуралларының реңи ҳәм арнаўлы сериялы мәмлекетлик белгиси бойынша орнатылған әмелдеги талаплар 2023-жылдың 1-январь күнине шекем тоқтатып турыў белгиленген. Усыған көре, Министрлер Кабинетиниң 2011-жыл 18-майдағы "Жөнелиссиз таксилер хызметин тәртипке салыў ис -иләжлары ҳаққында"ғы 139-санлы қарар талапларынан келип шыққан ҳалда, 2023-жыл 1-январдан баслап юридикалық шахслар тәрепинен жөнелиссиз таксилер лицензия карточкасын рәсмийлестириўде арнаўлы қарар талапларына әмел етиўиңизди сораймыз. Жөнелиссиз такси хызмети менен шуғылланыўшы юридикалық шахслар 2023-жыл 1-январдан баслап төмендеги көрсетпелерге әмел етилиўи талап етиледи: - автотранспорт қуралының төбесине орнатылған тоқ сары реңли фонорға "TAXI" таныў белгисин орнатыў; - шахмат тәртибинде жайластырылған қара квадратлардан ибарат болған композиция ҳәм автотранспорт қуралының алдынғы есиклериндеги "Т" ҳәриби; - автотранспорт қуралының алдыңғы есигиндеги юридикалық шахс-тасыўшының аты; -жөнелиссиз таксилер ушын мөлшерленген арнаўлы сериядағы автотранспорт қуралының мәмлекетлик белгиси. ҚР Транспорт министрлиги мәлимлеме хызмети ➥ @KARAKALPAKINFORMUZ — Kún dawamında barlıq jańalıqlar! 965 views15:22