Ey do‘stim, habibining vafotidan keyin yana 80 yil yashagan Anas ibn Molik roziyallohu anhuning ushbu gaplariga e’tibor ber: «Rasululloh sollallohu alayhi vasallam menga bir sir aytdilar. Hozirgacha uni hech kimga aytganim yo‘q. Hatto onam Ummu Sulaym bu haqida so‘raganida unga aytmaganman». (Buxoriy) Do‘st so‘zda ham, amalda ham, yurishda ham, turishda ham do‘stiga sodiq bo‘ladi. Uning sirlarini o‘zining sirlaridan ko‘ra maxfiy saqlaydi. Do‘stim, sen va o‘zim uchun Allohdan Anas ibn Molikning sadoqatini so‘rayman. Na sakson yillik uzun umriga va na mehribon volidasiga Rasululloh sirini aytib qo‘ymagan Anasning sadoqatini.
Dinda chinakam yasha, yuzasida suzib yurma! Do‘stim, din ijtimoiy tarmoqlarda bir domlaning 1-2 daqiqali ma’ruzasini joylab qo‘yish yoki yo‘lda ketayotganda yaxtak kiygani esiga tushib qolib, o‘zini-o‘zi rasmga olish, keyin uni sahifasiga joylab, tagidan ma’nosini o‘zi ham tushunmaydigan arabiy so‘zlarni yozib qo‘yish emas! Din mashinada baland ovozda Qur’on eshitib ketish ham emas! Din bu - hayot! Unda yashaladi! Haqiqiy ma’noda yashaladi, yuzaki emas! Din o‘ng yuziga urilganda chapini tutib beradigan «qo‘y» bo‘lishga chaqirmaydi. U erkak-u ayolni birdek hayoga chaqiradi. Robbisiga osiy bo‘lish va sunnatlarni tark etishdan hayo qilishga chaqiradi. O‘zimga, so‘ngra senga yurish-turishimizni o‘nglashni nasihat qilaman! Bugunimiz kechagi kunimiz kabi bir xil bo‘lib qolmasin. Yeyish, ichish, uxlash, axlatlarini chiqarish, nasl qoldirish - bular hayvonlarning ham qo‘lidan keladigan ishlar. Sen bilan men haromlardan saqlanib, behuda o‘yin- kulgilardan ibodat tomon yuz buraylikki, Allohning O‘zi bizga yetarli vakil bo‘lsin!
2023-03-04 12:20:37
#vaqt_qadri Shoir aytganidek: Garchi piyodamiz, garchi otliqmiz, Kim yaxshi, kim esa yomonotliqmiz. Qanchalar fursatni o'tkazdik zoye, Allohning oldida yomonotliqmiz...