Jahon.uz

2021-12-17 19:20:58 Шимолий кореяликларга 11 кун давомида кулиш ва ичиш тақиқланди

Шимолий Кореяда Ким Чен Ирнинг ўлимини хотирлаш маросими чоғида жамоатчиликка ҳеч қандай хурсандчилик аломатларини кўрсатмасликни буюрди.

Ким Чен Ир Шимолий Кореяни 1994 йилдан 2011 йили вафотигача бошқарган, сўнгра унинг ўрнига учинчи ва кенжа ўғли, ҳозирги етакчи Ким Чен Ин келган.

Унинг ўлимидан 10 йил ўтиб, Шимолий Корея аҳолиси 11 кунлик мотам эълон қилишга мажбур қилинмоқда, бу муддатда уларга кулиш ва спиртли ичимликлар ичиш тақиқланади.

@jahon_uzz Ochish/sharhlash

2021-12-17 10:05:19 Мактаб ўқувчилари 28 декабрдан каникулга чиқади

Халқ таълими вазирлигига кўра, мактаб ўқувчилари учун II чоракнинг сўнгги куни 27 декабрга тўғри келиб, 28 декабрь куни қишки таътилнинг илк куни саналади.

Таътил 14 календарь кун, яъни 2022 йил 10 январгача давом этади.

Дарслар 2022 йилнинг 11 январидан бошланади.

@jahon_uzz Ochish/sharhlash

2021-12-17 09:34:27 “Ўзбекнефтгаз” АЖ заправкаларида бензин нархи 6500 сўм қилиб белгиланди

Жамоатчиликнинг эътирозлари ортидан “Ўзбекнефтгаз” АЖ томонидан бензин (АИ80) нархларнинг арзонлаштирилиши босқичма-босқич амалга оширилиши йўлга қўйилди.

“Ўзбекнефтгаз” АЖга қарашли АЁҚШларда бугун, 17 декабрдан бензин 6890 сўмдан арзонлаштирилиб, ҳар бир литри учун 6500 сўм нархда сотувга чиқарилди.

Республика ҳудудидаги “Ўзбекнефтгаз” АЖнинг барча АЁҚШларда бензин шу белгиланган нархда сотилади.

@jahon_uzz Ochish/sharhlash

2021-12-17 08:12:22 Тадбиркорларга узлуксиз равишда (24/7 режимда) валюта айирбошлаш хизматларини кўрсатишга рухсат берилади

Ўзбекистон Республикаси Президентининг "Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида"ги Қарори лойиҳаси муҳокамага қўйилди.

Қарордаги чора-тадбирларга мувофиқ, 2022 йилда "норасмий валюта операциялари вужудга келишини олдини олиш, шунингдек, хизматларни узлуксиз равишда (24/7 режимда) кўрсатиш имконини яратиш мақсадида хусусий тадбиркорларга валюта айирбошлаш хизматларини кўрсатишга рухсат бериш" белгиланган.

Шунингдек, молиявий хизматлар кўрсатиш билан шуғулланувчи тадбиркорлик субъектларига кредит уюшмаси хизматлар бозорига кириш имкониятларини яратиш режалаштирилган.

Ушбу ҳужжатга масъул этиб Марказий банк,
Иқтисодий тараққиёт ва камбағалликни қисқартириш вазирлиги, Молия вазирлиги кўрсатилган.

@jahon_uzz Ochish/sharhlash

2021-12-16 18:41:11 Олимпиада чемпиони Акбар Жўраев жаҳон чемпионига айланди

Тошкентда ўтказилаётган оғир атлетика бўйича жаҳон чемпионатида -109 кг вазн тоифасида Токио-2020 Олимпиадаси ғолиби Акбар Жўраев ўз вазнида мутлақ жаҳон чемпионлигини қўлга киритди.

Акбар даст кўтаришда 195 кг, силтаб кўтаришда 238 кг, умумий ҳисобда 433 кг билан барча йўналишда олтин медални қўлга киритди.

Яна бир ҳамюртимиз Руслан Нуриддинов умумий ҳисобда 421 кг билан кумуш медални қўлга киритди.

@jahon_uzz Ochish/sharhlash

2021-12-16 16:49:57 Шавкат Мирзиёев давлат ташрифи билан Корея Республикасига етиб келди

Сеул шаҳридаги аэропортда давлатимиз раҳбари тантанали кутиб олинди, фахрий қоровул саф тортди, артиллериядан тўплар отилди.

@jahon_uzz Ochish/sharhlash

2021-12-16 14:50:11 Жанубий Кореянинг Сеул шаҳрида Алишер Навоий бюсти ўрнатилди.

@jahon_uzz Ochish/sharhlash

2021-12-16 12:48:40 ​​Ҳоким ёрдамчиси бўладиганларнинг аввалги юқори маоши сақлаб қолинади

Сенат ялпи мажлисида Танзила Норбоева молия вазири Тимур Ишметовдан ҳоким ёрдамчиларининг аввалги юқори маошларини сақлаб қолиш масаласи ҳақида сўради.

Молия вазири бу нарса давлат бюджетида назарда тутилганини тасдиқлаб, агарда ҳоким ёрдамчиси аввал давлат бюджетидан ойлик олиб келган бўлса ва аввалги маоши янги лавозиминикидан паст бўлса, эски иш жойидаги маоши сақланиб, янгисидан маош олмаслигини билдирди.

@jahon_uzz Ochish/sharhlash

2021-12-16 11:57:08 Деновдаги портлаш юзасидан уч мансабдор қамоққа олинди

Сурхондарё вилояти Денов шаҳри марказидаги икки қаватли «Инденим» савдо мажмуасида содир бўлган портлашда 3 нафар мансабдор айбдор деб гумон қилинмоқда. Бу ҳақда Бош прокуроатура ахборот хизмати раҳбари Ҳаёт Шамсутдинов маълум қилди.

Деновдаги савдо мажмуасида юзага келган чақнаш ҳодисаси бўйича тергов қилинаетган жиноят иши доирасида 15 декабрь куни Денов шаҳар газ бўлими бошлиғи, Ҳудудгаз Сурхондарё газтаъминотининг 2 нафар ходимлари жами 3 нафар шахсга Жиноят кодексининг 116, 214-моддалари билан айб эълон қилиниб, «қамоққа олиш» эҳтиёт чораси қўлланилган.


@jahon_uzz Ochish/sharhlash

2021-12-16 11:18:49 "Ғaфур Ғулом" боғини олган инвестор ўз мажбуриятини бажармаяпти

"Мана 1 йилдан ошди ҳамки, инвестор ўзига қўйилган мажбуриятларни бажаргани йўқ. Бу масалани яна қайтиб кўриб чиқишни таклиф қиламан", деди Тошкент шаҳар ҳокими Жаҳонгир Ортиқхўжаев Сенатда берилган саволга жавобан.

@jahon_uzz Ochish/sharhlash