ҚАРАҚАЛПАҚ БАЙТЕРЕКЛЕРИ

2022-08-02 17:00:13 Қызыўы кетип дослықтың,
Суўысып барар қатнасық.
Жүзлери күлип жылтырап,
Ишлери турар сотласып.
Ерме журттың сөзине,
Жулма гүлдиң жарпағын.
Бир яратқан өзиңе
Яр болсын, қарақалпағым.
«Алға бас, алға, алға!» деп,
Артымызға қайырды.
«Ақ алтын бер елге!» деп,
Теңизимизден айырды.
Қурырда байғус Аралдың
Дүньяға даңқы жайылды.
Бозторғайдай шырлатты
Шынын айтқан шайырды.
Тар жолға турсаң дус келип,
Дана бол, қарақалпағым.
Өзиңе өзиң күш берип,
Пана бол, қарақалпағым.

И. Юсупов 1991-ж ноябрьде жазылған "Беглигиңди бузба сен" қосығынан үзинди. Ochish/sharhlash

2022-08-02 16:46:38 АРАЛ ЭЛЕГИЯЛАРЫ(нан)

Ҳәзир дәркар емес маған той-байрам,
Аўлақ жүрип қыял сүргим келеди.
Бул апат ислерден ақыллар ҳайран,
Себеплерин серлеп билгим келеди.

Тасыўдан аўыллар жаўраған гезде,
Бурын қурбан берген дәрья, теңизге.
Қайтып берер болса Аралды бизге,
Жанды қурбанлыққа бергим келеди.

Тубаласа иркип күшли ағысын,
Дәрьялар теңизге жете алмас екен,
Теңиз таслап өз мәңгилик жағысын,
Тәғдирине иләж ете алмас екен.

Балық ойнар шалқар суўдың тусында,
Теңиз алып кеткен балық, қусын да,
Адамның ең әззи жери усында:
Өз Ўатанын таслап кете алмас екен.

И. Юсупов Ochish/sharhlash

2022-08-02 16:43:43 Арал теӊизи ҳаққында қысқаметражлы ҳүжжетли фильм ислеп шығылды

Уллы Британияныӊ саяхат тараўына арналған “Decouvrir la vie” онлайн платформасыныӊ дөретиўшилик топары тәрепинен “Mission: Find Aral” деп аталған Арал теӊизи ҳаққында қысқаметражлы ҳүжжетли фильм ислеп шығылды. Фильмде жергиликли турғынлар ҳәм тараў ўәқиллери өтмиште теӊиз бенен байланыслы болған өмири, соныӊ менен бирге бүгинги күнде теӊиздиӊ қурып кетиў ҳәм оныӊ ақыбетлери ҳаққында өзлериниӊ пикирлерин билдиреди.

Мағлыўмат сыпатында: 2020-жыл декабрь айында “Decouvrir la vie” дөретиўшилик топары Қарақалпақстан Республикасында рәсмий сапарда болды. Сапар даўамында шет елли ҒХҚ ўакиллери ушын Қарақалпақстан Республикасы туризмди раўажландырыў басқармасы тәрепинен пресс-тур шөлкемлестирилген еди.

Karakalpakstantravel

@NE_JANALIQ — LIVE жаңалықлар! Ochish/sharhlash

2022-08-01 11:57:00 Ана тилим

Ана тилим бабамнан мийрас едиң,
Жийен менен Бердаққа муңлас едиң.
Жәҳәнниң жүздей тилин меңгерсемде,
Мен сени ҳеш бирине қыймас едим!

Ана тилим мәңги жаса миллет пенен,
Тилге алсын халықлар сени ҳүрмет пенен.
Билмегенлер билип қойсын жер бетинде,
Бар екенин Қарақалпақ миллет деген!

Автор: Атабаев Қуўандық. Ochish/sharhlash

2022-08-01 08:51:52 Ўатанласлар, ал оң болсын!
Аллам сүйиншилеткен жақсы жаңалықларыңды ел-халқыма қарақалпағыма буннан буяғына еселейгөр.
Ана тилимиз Қарақалпақ тили қосылған клавиатурадан ийгилигимизге жақсылығымызға, берекетимизге узағынан пайдаланыў бәршемизге несип еткей. Бул жаңалық ушын Аллаға шүкир, программистлерге айрықша рахмет.

PS: Бүгин мен усы қуўанғаным ушын бир қарақалпағыма музқаймақпаа, суўмаа- жегиси кеп турған затын әпеременай))
Енди усылайтип ҳәр қуўанғанымызда сөйтемен Ochish/sharhlash

2022-08-01 08:44:46 Ochish/sharhlash

2021-07-26 19:45:17 И.Ю - Аязий
Сизиң мазмунлы өмириңизге гөззал поэзия тилеймиз!

Қарақалпақ поэзиясының байтереги И. Юсупов (Аязий) каналы.
Канал иске түскен ўақыт: 2017-жыл, 5-октябрь.

Администратор: Светлана Жәлменова
Биз: @karakalpaknama
@KITAPXANA_Karakalpak_Life
https://t.me/qaraqalpaq_bayterekleri Ochish/sharhlash