Habibatiy

2023-03-29 14:22:40 Paygʻambarimiz alayhissalom onalarimizga muhabbatlarini bildirish uchun yana qanday uslublardan foydalanardilar?

Masalan, ayollari suv ichgan idishning aynan u ogʻzini qoʻygan joyidan ichardilar. Bu bilan nima demoqchilar? "Seni shunchalar yaxshi koʻramanki, lablaring tekkan joyga lablarimni tekkizish ham menga huzur beradi". Imo-ishoralar so‘zlashuvdan ko‘ra ko‘proq ma’nolarni ifodalashi bor gap.

Ayollari yeyotgan nonni qo‘lidan olib, u tishlagan joydan tishlardilar. Shu yerda takror eslatib oʻtaman. Payg‘ambarimiz alayhissalom nafslariga ko‘ra biror ish qilmasdilar. Barcha qaror va harakatlari Alloh taoloning amri bilan bo‘lardi.

Haq taolo oilamizda nima qilsak saodat, xotirjamlik hukm surishini Paygʻambarimiz alayhissalom vositalarida bildirgan. Biz ojiz bandalariga har lahza va har masalada gʻamxoʻrlik qilgan Rabbimizga behisob shukrlar boʻlsin!

Ug'ur Qo'shar
@nega_ozgardim Ochish/sharhlash

2023-03-29 11:07:55 NOSHAR'IY MUNOSABATNING INTIHOSI

Bir yigit aytadi:

   "Ikki yil davom etgan munosabatlardan soʼng men unga uylandim. Hozir oila qurganimizga uch yil boʼlgan.
Bilmayman, negadir unga otasining  bergan eʼtibori hamda tarbiyasiga qaramay, ushbu tarbiyaga xiyonat qilib men bilan bildirmay gaplashib yurgan vaqtlarini eslasam undan nafratlanib ketaman. Men kimmanki menga vafodor boʼlsa?! Uni otasi kabi goʼdakligidan boqib tarbiya qilmagan, quyosh tigʼida maktabdan chiqishini kutmagan, kasal boʼlganida u uchun qaygʼurmagan boʼlsam.
Endi esa afsusdaman va u bilan ajrashmoqchiman."

@inta_habibatiy Ochish/sharhlash

2023-03-21 15:53:28 HAQIQIY ERKAKLARNI HAQIQIY AYOLLAR YETISHTIRADILAR

Ahmad ibn Hanbal shunday dedilar:

"Oʻn yoshli bola edim. Onam menga Quroni karimni yodlatdi. U meni bomdod namozidan avval uygʼotib, Bogʻdodning sovuq kechalarida tahorat uchun menga suv hozirlar edi. Kiyimlarimni kiydirar, soʻng yopinchigʻi ila meni oʻrab olib qorongʼi yoʻllarda uyimizdan uzoqda boʻlgan masjidga birga borar edi."

@inta_habibatiy Ochish/sharhlash

2023-03-12 13:47:45 Ibn Abbos hazratlari: "Ayolim menga qanday go'zal ko'rinishni sevsa, men ham unga go'zal ko'rinishni sevaman" - deydilar.

@inta_habibatiy Ochish/sharhlash

2023-03-12 07:16:05 IBRAT

Bir yigit shayxga shunday dedi:
    
     Ayolimni yoqtirib qolganimda Alloh taolo dunyoda uningdek go'zalni boshqa yaratmagandek edi.
     U bilan unashtirilgach unga o'xshash ko'plab ayollarni ko'ra boshladim.
    Turmush qurdik, so'ng ko'pgina undan go'zalroq ayollarni ko'rdim.
    U bilan bir necha yil yashaganimizdan keyin esa barcha ayollar ayolimdan ko'ra yoqimliroq ko'rina boshladi.

Shayx:

– senga bundan ham yomoni nima ekanini aytaymi?
– ha
– agarda dunyodagi barcha ayollarga uylanadigan bo'lsang ham ko'chadagi daydi itlar ko'zinga ulardan chiroyliroq bo'lib ko'rina boshlaydi.
– nega unday deysiz? - dedi yigit biroz jilmayib
– chunki muammo sening ayolingda emas, muammo shundaki, agar insonga ochko'z qalb, o'ynoqi ko'z berilgan bo'lsa Allohdan hayo qilmaydi va uning ko'zlarini (Rosululloh sollallohu alayhi vasallam aytganlaridek:

"Odam bolasining koʼzlarini faqatgina tuproq toʼldiradi, Alloh tavba qiluvchilarning tavbalarini qabul qiladi")
faqatgina qabr tuproqlari to'ydiradi xolos.
    Ey yigit, bilki, sendagi muammo Alloh harom qilgan narsadan koʼzingni tiymasligingdandir. Ayolingni yana avvalgidek eng goʼzal bo'lib koʼrinishini hohlaysanmi?
– ha
– unday boʼlsa koʼzlaringni tiygin.

@inta_habibatiy Ochish/sharhlash

2023-03-08 21:56:59 “ULAR AYOL HURRIYATINI EMAS, BALKI AYOLGA YETISHISH HURRIYATINI ISTAYDILAR”

Doktor Umar Abdulkofiy

"Islom ayolga nisbatan rahm-shafqatlidir, shuning uchun uni nafaqadan ozod etgan. U na farzandiga, na ota-onasiga, na eriga nafaqa qilmaydi, hatto oʻzi uchun nafaqa qilishi ham vojib emas, aksincha erining unga nafaqa qilishi vojibdir.

Islom dini ayolga nisbatan mehribondir, shuning uchun erkak kishiga u bilan xilvatta qolishi uchun mahrni toʻliq yoki nikoh shartnomasi tuzilishi bilanoq uning yarmini toʻlashni vojib qiladi.

Islom dini ayollarga rahm-shafqat qiladi, shuning uchun onangni, soʻngra onangni, soʻng yana onangni, keyin esa otangni hurmat qilgin deya ayol haqqini ikromlab eʼtirof etadi.

Islom dini ayollarga rahm-shafqat qiladi, shuning uchun u bilan birga qaytib kelguniga qadar uni qoʻriqlaydigan va xizmat qiladigan mahram topilmasa undan farz amal boʻlgan hajni ham soqit qiladi.

Islom dini ayolga nisbatan mehribondir, shuning uchun u hech qanday nafaqa yuklatilgan boʻlmasa ham, eridan, aka-ukasidan, bolalari va ota-onasidan meros oladi.

Islom dini ayolga rahm-shafqatlidir, shuning uchun unga oʻz shaʼni va farzandlarining nasl-nasabi uchun ayblanmasligi sababidan valisiz va guvohsiz turmush qurishni harom qiladi.

Islom dini ayollarga nisbatan mehribondir, shuning uchun uning shaʼniga tuhmat qilganlarni sakson darra urishni farz qiladi va u inson jamiyatda tanilib, guvohligi hech qachon qabul qilinmaydi.

Islomda ayollarga rahm-shafqat bor, shuning uchun kim uning shaʼnini saqlab qolish va himoya qilish uchun oʻldirilgan boʻlsa, uni shahid deya hukm qiladi.

Islom dini ayolga oʻlimidan keyin ham rahm-shafqat qiladi, shuning uchun uni faqat eri yoki oʻzi kabi ayollar yuvishi mumkin.

Islom ayolga rahm-shafqat qiladi, shuning uchun uni erkakning kafanlaridan koʻra koʻproq kafan bilan kafanlashni joriy qilib, uning muqaddasligi rioyasidan beshta kiyimda kafanlaydi”


@inta_habibatiy Ochish/sharhlash

2023-03-08 21:03:33 Assalamu alaykum aziz telegram foydalanuvchilari. 'Nega o'zgardim?' kanali adminlari tamonidan ikkinchi loyiha ishga tushdi. Sizlarga anchadan beri o'ylab yurgan loyihamiz @inta_habibatiy kanalining faoliyatini  boshlaganimizni e'lon qilmoqchimiz. Kanal ancha vaqt ilgari ochilgan, biroq imkoniyat va vaqt ajrata olmayotganimiz sababidan tek qolayotgan edi. Bugundan inshaalloh ushbu kanalni siz azizlarning e'tiborlaringizga havola qilmoqchimiz. Bizni kuzatishda davom eting. Sizlarga foydali va qiziqarli ma'lumotlarni berib borishga harakat qilamiz.

P/S: Habibati- Sevgilim!
@inta_habibatiy Ochish/sharhlash