2021-02-04 07:58:50
5ta fandan test sinovlariga oid hozirgacha ma’lum bo‘lgan barcha ma’lumotlar
2021 yilda 5ta fandan test bo‘ladi. Aslida bu tartib 2020 yil bo‘lishi kerak edi, ammo pandemiya sabab ortga surildi. Agar Xudo ko‘rsatmasin, kelasi yil ham o‘ta katta fors-major holat bo‘lmasa, unda 99,9% ehtimol bilan kelgusi yil 5ta fandan test bo‘ladi. Bu haqdagi qoida ancha oldin Prezident қарорида belgilangan;
Hozircha ma’lum bo‘lgan qoidalar quyidagilar:
Majburiy fanlar bloki (barcha uchun tushadi):
Ona tili (o‘zbek, rus yoki qoraqalpoq tili) - 15 ta savol, har biri uchun 2.1 balldan;
Matematika - 15 ta savol, har biri uchun 2.1 balldan;
O‘zbekiston tarixi - 15 ta savol, har biri uchun 2.1 balldan.
Jami to‘plash mumkin bo‘lgan ball – 94.5 ball.
Ona tili va O‘zbekiston tarixi fanidan 1 daqiqagacha, matematikadan - 1,5 daqiqagacha vaqt ajratiladi.
Ta’lim yo‘nalishiga mos mutaxassislik blokidagi fanlar (yo‘nalishiga qarab o‘zgaradi):
1-fan - 30 ta savol, har biri uchun 3.1 balldan;
2-fan - 30 ta savol, har biri uchun 3.1 balldan.
Jami to‘plash mumkin bo‘lgan ball – 186 ball.
Asosiy blokdagi 2 ta fan uchun jami 2 soat vaqt beriladi.
ballarni hisoblash tizimida o‘zgarish bo‘lmaydi, avval qanday bo‘lsa, shundayligicha qoladi. Ya’ni har bir blokdan to‘plangan ballar qo‘shilib, umumiy ballni tashkil etadi va abituriyentlar mana shu 5 ta blokdan to‘plagan bali bo‘yicha o‘zaro kurashadi (joriy yil 2ta blokning umumiy bali olindi). Eng maksimal ball 280,5 ball bo‘ladi;
ayrim yo‘nalishlarda majburiy blokdagi fan bilan maxsus blokdagi fan bir xil bo‘lib qolishi mumkin. Masalan, matematika yo‘nalishiga hujjat topshirgan abituriyent majburiy blokda ham, mutaxassislik blokida ham matematika fanidan test ishlaydi. Bu ikkalasining asosiy farqi —majburiy blokdagi savollarning barchasi soddalashtirilgan, eng oson darajada bo‘ladi, mutaxassislik blokidagi savollar esa turli murakkablikda (oson, o‘rtacha, qiyin) bo‘ladi;
5ta fandan test bo‘lishga oid tartib, faqat davlat OTMlariga taalluqli. Shu paytgacha bo‘lgani kabi, bu yangi tartib harbiy, diniy, xususiy, nodavlat va xorijiy OTMlarga aloqador emas;
3ta majburiy fan magistratura uchun taalluqli emas;
3+2 ko‘rinishdagi ushbu tartib bakalavriatning barcha ta’lim shakllari (kunduzgi, sirtqi, kechki) uchun birdek qo‘llanadi;
majburiy blokda ona tili (o‘zbek, rus yoki qoraqalpoq tili) fanidan tushadigan 15ta savol ichida Adabiyot fanidan test savollari bo‘lmaydi;
majburiy blokda O‘zbekiston tarixi fanidan tushadigan 15ta savol ichida Jahon tarixidan test savollari bo‘lmaydi;
majburiy blokda Matematika fanidan tushadigan 15ta savol ichida Geometriyaning faqat 5-6-sinf dasturlarida bor mavzularidan savollar bo‘ladi, 7-11-sinflar darsligidan savol bo‘lmaydi. Батафсил.
Mutaxassislik blokida esa Matematikadan tushadigan 30 ta savol ichida Geometriyaning barcha sinflar uchun mo‘ljallangan mavzularidan savollar bo‘ladi;
majburiy blokda ham, mutaxassislik blokida ham Matematika fanidan tushadigan savollar ichida informatikadan test savollari bo‘lmaydi;
mutaxassislik blokdagi 2ta fan uchun joriy yilgi test sinovlarida qo‘llangan fanlar majmuasi olinishi kutilmoqda. Masalan, tibbiyot yo‘nalishlari uchun biologiya va kimyo. Moliya-iqtisod yo‘nalishlari uchun matematika va chet tili. Va h.k;
kelgusi yilda qaysi yo‘nalishda qaysi fanlardan test savollari bo‘lishi hozircha rasman tasdiqlanmadi;
test savollari tushadigan darsliklar ro‘yxati мана бу ерда e’lon qilindi. Manba: Xushnudbek.uz Abituriyentlarga ulashing: @IsroilovSardorbek
557 viewsedited 04:58
S
