📃✒ISLOMIY SHE'RIYAT📃✒

2022-05-02 04:15:38 Дил саросар, термулар маҳзун
У азондан бу азонгача.
Умр - йўғон ичакдек узун,
Рамазондан рамазонгача.

Умуммиз ва сафда ялпимиз
Айлангунча барг хазонгача.
Шайтонларга ўлжа қалбимиз
Рамазондан рамазонгача!

Оҳ, чап елка фариштамизга
Иш топилар тун - азонгача.
Ишонч ҳам йўқ сариштамизга
Рамазондан рамазонгача!

Лаин, даф бўл, йўлингдан қолма,
Қувма Шошдан Хуросонгача.
Аллоҳ, Аллоҳ, жонимиз олма
Рамазондан рамазонгача!

Бўм-бўш турар шайтоний қафас,
Ел кўпирар сел, тўзонгача.
Бир амаллаб яшаб ўтсак, бас,
Рамазондан рамазонгача!

@Xayrulla_Hamidov_adabiyot Ochish/sharhlash

2022-04-19 09:22:03 Boriga qanoat qil, ozod yasha,
Ey Rudakiy odil va obod yasha.
O'zingdan ortiqni ko'rib g'am yema,
Sendan ojizlar bor ko'rib shod yasha.

Rudakiy

@islomiysatr Ochish/sharhlash

2022-04-07 06:40:56 Mehnatga munosib: manzil-martaba,
Cho'qqini ko'zlagan ko'z yummas tunlar.
Zahmatsiz natija kim qilar tama,
Umrini boy bergan bo'lar butunlay.

G'aflat to'shagida tinch-bexavotir
Yotib azizlikni istamoq bekor.
Dengizning tubidan dur-u javohir
Olib chiqmoq uchun sho'ng'imoq darkor.

Imom Shofe'iy

@islomiysatr Ochish/sharhlash

2022-03-30 18:00:52 Қалб – турмуш қуруми қорайтган қозон,
Остин кул, ичини тўлдирган хазон.
Қулай фурсат келди: ювгил тозалаб –
Рамазон ғанимат, эй дўст, Рамазон!

Н. Жонузоқ
@turtliklar Ochish/sharhlash

2022-02-27 09:54:52 “Оҳ”имда додим битмас,
Фарёдим сенга етмас.
Сенингдек келмас ҳеч ким,
Сенингдек ҳеч ким кетмас.

Усмон Азим

@fariduddin_attor Ochish/sharhlash

2022-02-26 07:56:21 #bayt

Ajal shunday dardki, yo'q unga darmon,
Shohu gadolarga beradi farmon.
Kirmon podshohikim yerdi Kirmonni,
Endi yegay uning o'zini Kirmon.

Pahlavon Mahmud

@Nuktalarim Ochish/sharhlash

2022-02-24 20:33:23 Birdan esga oldim bolalik chog'im
Menga vanna qilib berardi onam.
Derdim:" Ona, issiq, kuydi oyog'im"
Onam der:" Kuymasa tuzalmas, bolam.

Beg'ubor paytlarim edi-ya qanday?
Dunyo tashvishlari sezilmas ekan.
Hozir o'ylab qoldim, yurak ham shunday,
Agarchi, kuymasa, tuzalmas ekan.

Savdoiy

@islomiysatr Ochish/sharhlash

2022-02-22 17:55:28 Ochmay sira og'zingni kula olsang soz!
Ko'zsiz yana dunyoni ko'ra olsang soz!
O'ltir-da, safar ayla, oyoq zahmatisiz–
Yer kurrasin agar keza olsang soz!

Abduxoliq G'ijduvoniy

@islomiysatr Ochish/sharhlash

2022-02-21 18:14:51 Ochish/sharhlash

2022-02-21 17:44:45 Yetti qavat osmon ostida turdim,
Jigarim deb yetti og'a-inini.
Rosa yetti kunlik yo'l yurib ko'rdim,
Sohir kamalakning yetti rangini.

Qo'lim hayrat ila yoqamni tutdi,
Eslab sajdaga bosh qo'ygan bobomni.
Ayt ko'ngil:
Kim buning tagiga yetdi?
Tashla
"Men-buyukman!"–degan da'vongni.

A'zam O'ktam

@islomiysatr Ochish/sharhlash