2022-01-21 12:16:34
Muoviya r.a
Imom Tabaroniy va Abu Ya'lo rahmatullohi alayhimo Abu Funayldan rivoyat qiladilar:
«Muoviya ibn Abu Sufyon bir juma kuni minbarga chiqdi va xutbasida: «Mol bizning molimiz va o'lja bizning oʻljamiz. Kimga xohlasak - beramiz. Kimga xohlamasak bermaymiz», dedi.
Biror kishi unga javob bermadi.
Ikkinchi juma kuni yana o'sha gapni aytdi.
Biror kishi unga javob bermadi.
Uchinchi juma kuni yana o'sha gapga o'xshash gapni aytdi. Shunda masjidda hozir bo'lganlardan bir kishi o'rnidan turib «Yo'q! Unday emas! Mol bizning molimiz va o'lja bizning o'ljamiz. Kim bizni undan to'ssa, qilichlarimiz ila uni Allohning mahkamasiga o'tkazamiz!» dedi.
Muoviya ibn Abu Sufyon pastga tushdi. Haligi kishiga odam yubordi. Uni ichkariga olib kirib ketishdi. Odamlar: «Bu odam endi o'ldi», deyishdi. So'ng kirib qarashsa, haligi odam u bilan so'rida o'tirgan ekan. Muoviya odamlarga: «Bu meni tiriltirdi. Alloh uni tiriltirsin! Rasululloh sollallohu alayhi vasallamning «Mendan keyin amirlar bo'lur. Ular gap aytsalar, rad qilinmas. Ular olovga maymunlar talashgandek, talashib kirurlar», deganlarini eshitgan edim.
Men birinchi juma kuni gapirganimda, menga hech kim javob qaytarmadi. Men ham oʻshalardanmikanman deb qo'rqdim.
Ikkinchi juma kuni gapirganimda, menga hech kim javob qaytarmadi. Men ham oʻshalardanmikanman deb qo'rqdim.
Uchinchi juma kuni gapirganimda, manavi kishi turib, menga qarshi so'z aytdi. U meni tiriltirdi. Alloh uni tiriltirsin!» dedi».
@sahobiy_uz
1.0K views09:16