Islom ALI ijodi

2023-01-08 10:25:48 Игнабарг шеърлар

* * *
Кездим хаёл автобусида.
* * *
– Юрагингни бирпас бериб ту-у-р…
* * *
– Касалхона, соғлигинг қалай?
* * *
Бор топгани – кўнглидаги кир.
* * *
Чироқ ўчди. Ёришди келин.
* * *
Хей, қотилим! Хайрлашиб кет...
* * *
Гўрковдан ҳам диплом сўрар у.
* * *
Романларин ёзар... кетмонда.
* * *
Ерда ётган суратинг гўё мендан сўради: "Бахтлимисан, бевафо?"
* * *
Эландим, йиғладим ётиб пойингга. Нон ўпиб онт ичдим, ваъдалар бердим... Алданмадинг!
* * *
Ўз қабрингни ҳеч кўрганмисан?
* * *
Бу қиз арзон сигаретдан ҳам.
* * *
Шу эшакни устози қани?!
* * *
Ўлма! Сенда ўчим бор ахир!
* * *
Ухласа, сал ҳалол яшайди.

Анвар Обиджон Ochish/sharhlash

2023-01-06 22:29:14 Bugun iste'dodli so'zboz ukam Sanjar Isomiy tavallud topgan sana.

​​Sog‘inch

Tegramda aylanar jilolar sochib
Poshnasi ko‘ksimni o‘ygudek qizlar.
Ahtarib boraman bu yerdan qochib,
Kimsasiz ko'changga iz bosar izlar.

va shovqinli sahna, ko‘chalaring tor,
Vujudim hapqirib shoshadi jo‘shqin.
Balki kutmoqdasan bo‘lib intizor,
Poyingga to‘shalgan olovli ishqim.

Forig‘ bo‘lsin toki ko‘zdagi anduh,
Bag‘ishla qalbimga shirin onimni.
Ko‘rishsak to‘lg‘onur bo‘g‘zimdagi ruh,
Qiyo boqish ila chiqar jonimni.

Tuyg‘ular qurshar chog‘ qarshingda ado
ko‘ngil peshvoz chiqsa ko‘nglingga qadar.
Sukunat ho‘plasa bemavrid sado,
Hayolan chamanni kezsak darbadar.

Qaqragan sog‘inchning karvonini yanch,
Ildiz otib ketay ostonangda to.
Ko‘ksimga kipriging tolalarin sanch,
Javobing yashirgan nigohingmi yo.

Ko‘rishsak to‘lg‘onur bo‘g‘zimda nolon,
O‘t qo‘y dunyolarga qalb ila boqib.
Tashna lek kuyingda sarxushtman hamon,
Hajringda sipqoray jomni yutoqib.

Ko‘rishsak dillarni qilmasdan yupun,
Sevgini anglashga ortiqchadir til.
Bo‘lmasidan toki qiyomat qoyum,
Bormoqdaman, sen ham men tomon intil.

Sanjar Isomiy

@sanjarisomiy Ochish/sharhlash

2023-01-06 04:27:35 Jumaning hayru barokati bo'lsin barchamizga. Ochish/sharhlash

2023-01-05 13:06:38 "Ҳали бутун рўйи жаҳон шеър бўлажак.
Фақат бекор билиб ором қучоғини –
Бу дунёни сирга кўмиб яшаш керак,
Қалбга санчиб шеъриятнинг пичоғини!"

Усмон Азим

"Қақнус"

@mm_telekanal Ochish/sharhlash

2023-01-02 20:37:09 Гуноҳларим кўпдир мани,
нигоҳларим ўқдир мани.
Хира тортсин шаффоф қараш
кўзимдан ёш тўкдир мани.
Отам менга қуриб кетган,
кулба менинг қароргоҳим.
Ўзим бузган кўнгилларда,
бир бошпанам йўқдир мани.

Қоним зада гулга ўраб,
тош кўтарган ҳимоядан.
Кўкка қараб бош кўтарган
сор қулади тик қоядан.
Сахаргача сўзни ёқдим,
ёпинчиғим бўлди ҳислар.
Паноҳ топдим ўзим сенга
атаб ёзган ҳикоядан.

Далаларни туман босди,
дараларни туман босди,
О азизам, ишққа ўхшаш
яраларни туман босди.
Жарохатлар соғ кўринди,
зулумат ҳам оқ кўринди.
Ёруғлик жим яшаш бўлса
Қоронғулик жангга ҳосдир.

Бир қонли жанг ўтди тунда,
Бошлаб айтай нимасидан.
Қанча ботир ерга кетди,
Мен тирикман демасидан.
Иккимиз бош суқмаган жой,
Бу заминда йўқ ҳойнаҳой.
Фақат макон топмаганмиз
Пайғамбарнинг кемасидан.

Ҳууув кўкдаги икки қушнинг
икки тўши ҳам яродир.
Энди тўфон чиқмагайдир
кўксимда бўлмасдан содир.
Қалқиб-қалқиб кетар кўксим,
Энди қандай яшашман жим.
Ҳар битта йўл сен томонга
юрмоқ учун ибтидодир.

Биқинимга бармоқ тиранг,
Ижирғаниб кулмагайман.
Дунё, сенинг бир бокиранг
каби мангу сўлмагайман.
Чорлаб турса ҳам фанойим,
Яна битта муддаойим,
юрагингда бир кунгина
яшамасдан ўлмагайман.

Йўлларимга ташламанг ғов,
Ҳаёл қочиб кетган асов,
Энди ҳарсанг чайнашимга
тоғлар изн бермайдиёв.
Совуқ музлар дил ўртаманг,
ўз лабимга чўғ тортаман.
Қучоғимда ловуллайди
ўчоғимда ёнган олов.

Чап елкамнинг орқасидан
битта найза нишлаб чиқди.
Қанотми деб ушлаб кўрсам
этимни тирқишлаб чиқди.
Бировлар бош қашлаб чиқса,
Бировлар дил ҳушлаб чиқди.
Ютқазмадим руҳим тирик,
бир шоирга бир кўргулик.
Товонимдан сўймоқ учун
Насимий тиғ ушлаб чиқди.

Панжасин чўп тирнаган барс
чангалзорда ҳўнгиллайди.
Билиб қўйинг лолалар ҳам
оқ ёмғирдан сўнг гуллайди.
Кўнгил синиқ кўнгил хароб
Бир шеър битай қуйгил шароб.
Кўнгил йиртиқ чопон кийган
Букри чолдай мункиллайди.

Ўз нафсимни ерга тираб
тиззам билан эзиб қўйдим.
Азизам мен одаммасман
мен шоирман сезиб қўйдим.
Дуннинг тўртта томонини,
Фолбинларнинг гумонини,
Бадавлатлар армонини,
Гадоларнинг кармонини
Сочимнинг бир булут рангли
толасига тизиб қўйдим.

Кўйлагимнинг енги йиртиқ
қисинишдан нима нафдир.
Ҳовури йўқ кўнгилларга
исинишдан нима нафдир.
Чақа солманг чўнтагимга
кириб олиб сўнг тагимга
бир хазина қидирганча
мозоримни илон тафтир.

Фано ҳақдир о азизам
бир кун келар ғала ғовур.
Босиб кетар дунёни ғам
заминдан то само довур.
Кўзларимга бир боқчи ман,
энди яшаб кўрмоқчиман.
Унгача маст руҳимни сен
Юрагингда қолдириб тур.
Юрагингда қолдириб тур.
Энди яшаб кўрмоқчиман.

Ислом АЛИ Ochish/sharhlash

2023-01-01 09:44:12 #Dilmunchoq

Qo'shrabot tuman Xalq ta'limi bo'limi qosgidagi "Dilmunchoq" yosh qalamkashlar ijodiy klibining yil sarhisobi bo'yicha ijodiy uchrashuvi.

@Istiqbol_sari Ochish/sharhlash

2022-12-31 22:03:08 Янги йил муборак бўлсин. Ochish/sharhlash

2022-12-31 09:41:21 Umr daftarining yangi sahifasida barchaning diliga tukgan eng pok va eng ezgu tilaklari ijobat bo‘lsin!

Sizlarga sihat-salomatlik, baxt-u saodat, oilaviy totuvlik va farovonlik tilayman.

O‘ziga tavakkul qilguvchi Zot barchamizga nimaiki bersa halolidan, barokatlik va kifoyatlik qilib bersin. Ochish/sharhlash

2022-12-28 07:58:16 #Tavallud_kun

Bugun, 28-dekabr kuni Oʻzbekiston qahramoni, Oʻzbekiston xalq shoiri Erkin Vohidov tavallud topgan.

BAGʻISHLOV

Ey  sen, latif  doʻst, bu  senga
                    Umrim  kitobidir,
Umrim  kitobi  ne, olis
                    Yoʻl  sarhisobidir.

Bu  yoʻl  ravon  emas, uning
                    Past-u  balandi  koʻp,
Jon  rishtasidek  misralar
                    Yoʻlning  tanobidir.

Bir  shahr  nomi  Ibtido,
                    Bir  shahr  Intiho,
Jonimda  ikki  shahr  aro
                    Yoʻl  iztirobidir.

Sen  kim  eding, kim  boʻlding, ey,
                    Dil, deb  soʻraydi  dil,
Sheʼr  asli  dil  savoliga
                    Dilning  javobidir.

Umrim  agar  bogʻ  boʻlsa, siz
                    Bogʻbonisiz, elim,
Tutdim, oling — oʻz  bogʻingiz
                    Sharbat, gulobidir.

Yoshing  necha  deb  soʻrmangiz,
                    Yoron-u  ahli  dil,
Erkin  Vatan  yoshi  mening
                    Yoshim  hisobidir.

Erkin Vohidov

@Kushrabat_edu_press Ochish/sharhlash

2022-12-25 17:16:18 TAKLIFNOMA!

Hurmatli ustozlar, qadrli ijodkorlar, she’riyat muxlislari, Sizlarni 29-dekabr kuni soat 9:30 da Respublika ma’naviyat va ma’rifat markazi Qo‘shrabot tuman bo‘linmasi bilan hamkorlikda Qo‘shrabot tuman XTB qoshidagi ‘‘Dilmunchoq’’ yosh qalamkashlar ijodiy klubining “YANGI YIL MUSHOIRASI’’ hamda 24-umumta’lim maktabi targ‘ibotchisi, iste’dodli shoir, ustoz Boymurod ALIning ‘‘KO‘NGILGA ISHQ BERIB...’’ va ‘‘Dilmunchoq’’ klubi a’zosi, yosh iste’dod sohibasi E’zozabegim NAMOZOVAning ‘‘E’ZOZ’’ nomli kitoblari taqdimoti munosabati bilan o‘tkaziladigan bayram mushoirasiga taklif etamiz!

Manzil: Qo‘shrabot tuman markazi, ‘‘Barkamol avlod’’ bolalar maktabi
(Mo‘ljal: Xalq banki ro‘parasida)

https://t.me/IslomALI1993 Ochish/sharhlash