Islom ALI ijodi

2023-02-03 16:32:44 ***
У саҳарлаб турмайди эрта,
У тунда ҳам эрта ётмайди.
Сукунатда ёзилган шеърдан,
Ҳайқириқлар яратар айтиб.

У ҳар куни жўнайди ишга,
Елкасида турмушнинг юки,
Дам чақа, дам чекига тушган,
Сўзбозликни қолади уқиб.

Нимагадир ўй сурар узоқ
Ва узоққа термулади жим,
Бўялади нечалаб вароқ,
Деразадан отилар ғижим.

У шошмасдан қайтади ишдан,
Фидокордай кўкрагин кериб.
Ҳеч нарсага, нолишдан бошқа,
Ўхшамайди бирорта шеъри.

У дунёга қилади зарда,
Қийшиқ тараб ўсган сочини.
Бисотига тўплаб сўзлардан,
Кейин ўзи кетар сочилиб.

Уни ҳаёт шундай авраган,
Дўстининг йўқ бирорта марди.
Садоқатдан сўзлаб даврага,
Бермоқчи ҳам бўлади тартиб.

Уни ютар сукутнинг мунги,
Ғовурдан ҳам бўлар дили ғаш.
Қийин ахир, китобга сингиб,
Хотинига билдирмай йиғлаш.

Шу зайлда ўтказади кун,
У ўзини излаган дайди.
Ундан фақат шеър сўраш мумкин,
Ундан кўнгил сўраб бўлмайди.

Ислом АЛИ

https://t.me/IslomALI1993 Ochish/sharhlash

2023-02-03 11:31:59 3 fеvral — O'zbеkiston xalq yozuvchisi Tog'ay Murod(1948 — 2003) tavallud topgan kun.
_

***
Dunyo… hayot go'zal emas… go'zal bo'lganida edi, adabiyot bo'lmas edi.

***
Yozuvchi tirikligida uning hayotidan nuqson izlaydilar. Yozuvchi dunyodan kеtgach, undan faqat fazilat izlaydilar.

***
Toshkеntda… salom-alik, ko'rishish-so'rashishlar, muomalalar, mulozamatlar… bir xil kеchadi! Ko'chalar, uylar, transportlar, magazinlar, idoralar… qanday bir xil bo'lsa, salom-alik….lar ham shunday bir xil!

***
V.Rozanov aytganiday, yozuvchilik siri — ko'ngildagi mangu va ixtiyorsiz muzikadan iborat. Agarda ko'ngilda ana shu muzika yangramas ekan, kishi faqat «o'zidan yozuvchi yasaydi». Lеkin u yozuvchi bo'lmaydi…

***
Istе'dodlar bir-biriga soya solib qo'ymaslik uchun yolg'izlikda ulg'ayadilar, dovrug' soladilar.

***
Qo'ylar poda-poda yuradi, shеr yolg'iz yashaydi.

***
Sulaymonning «Hikmatlar»i da shunday dеyiladi: «Bor kuching bilan qalbingni asra!»

***
Fosiqning so'qmoqlaridan yurma;
Hatto nazar solma,
Yonidan ham o'tma,
Qayrilib ham boqma.

***
Ahdu paymonlarim qoshu kipriklarim orasiga bitilgan.

***
Yomon gap rakеtadan oldin yuradi, yaxshi gap toshbaqadan kеyin yuradi.

***
U olovga tеrmulib o'tirishni yaxshi ko'radi.

***
«Hayvonot olamida»: Ilonlar muhabbati. Qaylig'i uchun olishadi. Sof, halol, mardlarcha! Mag'lub bo'lgani g'olibga qoyil bo'lib kеtadi, muhabbatini tashlab kеtadi. Lеkin chaqmaydi. Bo'lmasa, bir-biriga chirmashib, olishadi. Bir uzib olsa bo'ldi! Inson-chi? Insonning tilida zahar yo'q, xayriyat. Zaharni sotib oladi! Pichoq, miltiq…

***
Shvеysariyalik adiba Erik Burkart: «Bizning ona tilimiz – sukut. Aynan sukutdan so'z tug'iladi».

***
Qiz bolani tili o'g'il bolani tilidan oldin chiqadi.

***
«Yo'q», dеyishni o'rgan. Hammaga birday yoqish – mushkul ish. Bu ish hammaning ham qo'lidan kеlmaydi va oqibat muhim ishlarni bajarishda kishida kuch qolmaydi.

***
Italiyan mutafakkiri Nikolo Makiavеlli aytganiday, til insonga o'z fikrlarini yashirish uchun bеrilgandir.

Tog'ay Murod

https://t.me/IslomALI1993 Ochish/sharhlash

2023-02-02 17:54:37 #mulohaza

Kitobga qaytish vijdonga qaytishdir. Kitobga qaytish haqiqatga, insofga, adolatga, ma’naviyat va ma’rifatga, umuman olganda, hayotga qaytishdir. Kitobsiz hayot ruhsiz hayotdir. Ruhsiz hayot esa o‘limdir.

Mirzo Kenjabek

https://t.me/IslomALI1993 Ochish/sharhlash

2023-02-01 20:54:19 ТАЪЗИЯ

Ўзбекистон Ёзувчилар уюшмаси жамоаси Ўзбекистон халқ шоири Усмон Азимга ўғли Улуғбек Азимовнинг вафоти муносабати билан чуқур ҳамдардлик билдиради.
Жаноза намози 2 февраль куни пешин намозидан сўнг "Минор" масжидида ўқилади.
Маълумот учун: адибнинг уй манзили – Шайхонтоҳур тумани "Баҳор" кўчаси 16-уй.

Ўзбекистон Ёзувчилар уюшмаси Ochish/sharhlash

2023-01-31 14:30:55 Shoir Usmon Nosirning Rossiyadagi qabri. Ochish/sharhlash

2023-01-30 10:07:04 30. 01. 1938 - 02. 09. 2016

Сиз қалбимизда мангу яшайсиз.

Ўзбекистон халқ шоири
Иқбол МИРЗО шеъри.

Элбек ШОЙИМ ўқиди. Ochish/sharhlash

2023-01-29 14:25:59 #mohiyatvaxodisa

Ijtimoiy tarmoqlardan foydalanish ko‘nikmasi bizga juda zarur. O‘zbek segmenti hali tarmoq o‘yinlarini anglab yetolgani yo‘q. Ma‘lum ma‘noda hozirgi avlod "Yo‘qotilgan avlod" deya bekorga ta‘kidlanayotgani yo‘q.
Yuqoridagi Misr animatorlarining mazkur qisqagina filmi Venetsiya kinofestivalining mukootiga sazovor boʻlgan.  Insoniyat fojeasini qisqa vediorolikda ko‘rsatib berolgan.
Manba.

https://t.me/IslomALI1993 Ochish/sharhlash

2023-01-25 14:32:23 ҚОРАҚИСМОҚЛИК ҚАТАҒОН ҚУРБОНИ
ёхуд Сарман Балбековнинг аянчли тақдири

https://telegra.ph/Istiqbol-sari-01-25 Ochish/sharhlash

2023-01-25 08:15:43 #Bugungi_kun_hikmati

"Буюк қалб соҳиблари ҒОЯларни муҳокама қиладилар. Ўрта ҳоллар эса ҲОДИСАларни. Кичиклар эса ИНСОНларни муҳокама қиладилар."

Элеанора Рузвелт Ochish/sharhlash

2023-01-23 12:38:07 ​#Qutlov

Bugun shoir Shahriyor Shavkat tavallud topgan kun!

Shahriyor Shavkat 1998-yili 23-yanvarda Qashqadaryo viloyati Shahrisabz shahrida tug‘ilgan.
O‘zbekiston Yozuvchilar uyushmasi tomonidan “Ruhim qushlari” kitobi chop etilgan.
2020-yilda Respublika yosh ijodkorlari kengashi tomonidan tashkil etilgan “Duel” adabiy tanlovining Respublika bosqichi g‘olibi.
O‘zbekiston davlat san'at va madaniyat instituti talabasi.
“Mahalla” teleradiokanali katta muharriri.

* * *
Men oshiq emasman
va yoki shoir,
Deyishim ham qiyin “raso insonman”.
Bir dam o‘zingizni o‘rganmoq uchun
Sizga yuborilgan parcha imkonman.
Kulasiz.
Ranjiysiz.
Tuyasiz tahqir.
Men chidab beraman bari-bariga.
Hamma havas bilan qaraydi axir
Umrida ko‘rmagan havo shariga.
Ba’zan bug‘lanadi tafakkur bahsi,
Yechimlar janglarning homilasidir.
Ehtimol sevgi ham sevgimas asli
Hissiy xohishlarning hosilasidir…
Men oshiq emasman
Va yoki shoir,
O‘rganib yuribman dunyoni, xolos.
Menga taqdim etar bir olam fikr,
Bir qadar ziddiyat,
Qatra ehtiros.
Fe’lim shu –
Barchaning zavqiga hokim
Bo‘lmoq ilinjida aytmoq qo‘shiqlar,
Ammo bir pand bersa menga biror kim,
Unga yopiladi barcha eshiklar!
Poyonsiz bo‘shliqda adashar idrok,
Obro‘ deb ruhingni qiynamoq nechun?!
Menga hamroh kerak fikru zikri pok
Eng toza turkular kuylamoq uchun!

@yoshlikjurnali
yoshlikjurnali.uz Ochish/sharhlash