Инсон ҳуқуқи

2022-09-01 12:01:19 Жамоат тартиби – фуқароларнинг шахсий хавфсизлиги, жамоат хавфсизлиги, корхона, муассаса, ташкилотлар, жамоат ташкилотларининг нормал фаолият кўрсатиши, фуқароларнинг меҳнат қилишлари ва дам олишлари учун тўлиқ шароит яратишга, уларнинг шаъни, қадр-қимматини ҳамда умуминсоний қадриятларни ҳурмат қилишга йўналтирилган, ҳуқуқий ва ижтимоий меъёрлар асосида жамоат жойларида юзага келадиган ва ривожланадиган ижтимоий муносабатлар тизими.

@inson_huquqi | #Юридик_термин Ochish/sharhlash

2022-09-01 07:38:07 Ассалому алейкум қадрли дўстлар! Сизларни Мустақиллик байрами билан чин қалбдан табриклаймиз.
Оилангизга хотиржамлик, Юртимизга тинчлик ва халқимизга ҳамиша омонлик тилаймиз.

Каналга кириш учун
@inson_huquqi Ochish/sharhlash

2022-08-31 14:59:55 Инсон ҳуқуқлари Миллий Форуми тафсилотлари хусусида

Хабарингиз бор Инсон ҳуқуқлари бўйича Миллий марказ, Адлия вазирлиги, Ўзбекистон нодавлат нотижорат ташкилотлари миллий ассоциацияси, “Юксалиш” умуммиллий ҳаракати ҳамда “Тараққиёт стратегияси” маркази томонидан Мамлакатимизда илк маротаба “Инсон ҳуқуқлари ва манфаатларинини таъминлашда давлат органлари ва нодавлат нотижорат ташкилотларининг ҳамкорлиги” мавзусида Миллий Форум ўтказилди.

Форум ишида 300 дан ортиқ иштирокчи, шу жумладан вазирлик ва идоралар, дипломатик корпус ва халқаро ташкилотлар, фуқаролик жамияти институтлари ҳамда халқаро ва чет эл нодавлат ташкилотларининг ваколатхоналари, шунингдек, маҳаллий ва хорижий оммавий ахборот воситалари вакиллари иштирок этишди.

Соҳадаги кенг кўламли ислоҳотлар изчиллигини таъминлаш мақсадида инсон ҳуқуқлари ва қонуний манфаатларини ифода этиш ва ҳимоя қилишда фуқаролик жамиятининг муҳим институти сифатидаги роли, конституциявий ислоҳотларда фуқаролик жамияти институтларининг иштироки борасида маърузалар қилиб, фикр-мулоҳаза алмашдилар.

Ялпи мажлисдан сўнг Миллий форум “Янги Ўзбекистоннинг тараққиёт стратегиясида фуқаролик жамиятини ривожлантириш истиқболлари” ҳамда “Инсон ҳуқуқларини ҳимоя қилиш ва таъминлашда жамоатчилик назоратининг ўрни” деб номланган иккита шуъбада давом этди.

Миллий форум давомида муҳокама қилинган барча масалалар натижаси бўйича инсон ҳуқуқларини таъминлаш ҳамда ҳимоя қилишда давлат органлари ва нодавлат нотижорат ташкилотларнинг ўзаро муносабатларини янада кучайтириш юзасидан таклифлар ишлаб чиқилди.

Каналга кириш учун
@inson_huquqi Ochish/sharhlash

2022-08-31 13:39:56 Ochish/sharhlash

2022-08-31 11:40:00 Бугун 1 соат кам ишлаб, ишдан эртароқ кетиш мумкин

Меҳнат кодексининг 121-моддасига кўра, байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.

Эртага Мустақиллик байрами куни. Шу боис, бугун барча ходимлар қонуний тартибда белгиланган ҳуқуқидан фойдаланишга ҳақли.

Каналга кириш учун
@inson_huquqi Ochish/sharhlash

2022-08-31 10:20:00 Халқни дилидаги ҳақ сўзлар айтилди...

«Хотин-қизларимизга, азиз аёлларимизга нисбатан айрим зўравонликларни умуман қабул қилиб бўлмайди» — Шавкат Мирзиёев кеча Кўксарой қароргоҳида Мустақиллик байрами арафасида фахрий унвонларга лойиқ кўрилганларни тақдирлаш маросимидаги нутқидан:

«Бугун хурсандчилик кунларда кўпчилик муҳокама қилаётган айрим мавзулар кўнгилни хира қилади. Хотин-қизларимизга, азиз аёлларимизга нисбатан айрим зўравонликларни умуман қабул қилиб бўлмайди. Бу бизнинг миллатга хос бўлмаган чидаб бўлмас иллат.
Бунга қўл урганлар аёл қиёфасида ўз онаси сиймосини эсласин. Оқила опа-сингилларимиз бундай муносабатга лойиқ эмас!» — Шавкат Мирзиёев.

Изоҳ: Офарин. Бу сўзларни инсонлар кутганди. Ўйлаймизки аёлларга бўлган муносабат кескин ўзгаради.

Каналга кириш учун
@inson_huquqi Ochish/sharhlash

2022-08-31 09:01:14 Вердикт (лот. vеrе diktum – ҳақ гап айтиш) – айрим хорижий мамлакатларда қасамёд этган маслаҳатчиларнинг судланувчи айбдор ёки айбдор эмаслиги, шунингдек, айбдор бўлса, унга шафқат қилиш ёки қилмаслик тўғрисидаги хулосаси.

@inson_huquqi | #Юридик_термин Ochish/sharhlash

2022-08-31 07:20:16 Тўрт нарса 4 нарса туфайли қўлдан кетади :

1. Ризқ - ношукурлик қилсанг;

2. Қувват - ҳасад қилсанг;

3. Фурсат - қадрига етмасанг;

4. Обрў - манманлик қилсанг қўлдан кетади.

Маҳмуд Аз - Замахшарий

@inson_huquqi | #Кун_ҳикмати Ochish/sharhlash

2022-08-30 15:20:38 Оқлов муборак бўлсин...

Куни кеча Мамлакатимизнинг Олий судида узоқ кутилган адолатли оқлов қарори чиқарилди. Туҳмат билан ноҳақ судланган Умиджон Холов 13 йил деганда оқланди.

Туҳмат, ёлғонни бари-бир умри қисқа бўларкан. Ҳақиқат тикланди.
Инсон эзгулик учун яратилган. Бировга туҳмат қилишдан ва гуноҳга ботишдан сақланиши керак!

Умиджонни оила аъзоларини, барча яқин инсонларини Адолат тиклангани билан табриклаймиз.
Ҳадиси шарифда,
"Бировни дилини оғритган инсон, ўзи ҳам шу куйга тушмагунча, бу дунёни тарк этмайди" деб бежиз айтилмаган.

Каналга кириш учун
@inson_huquqi Ochish/sharhlash

2022-08-30 13:36:41 Пенсия ва нафақа тўлови хусусида

Пенсия ва нафақа тўловларини нақд пулсиз (банк карта) шаклда олувчи фуқароларнинг жорий йил сентябрь ойи учун пенсия ва нафақалари 2022 йил 1 сентябрга қадар уларнинг банк карталарига юклаб берилади.

Пенсия ва нафақа тўловларини нақд шаклда олувчи фуқароларга жорий йилнинг 5 сентябридан бошлаб тасдиқланган графиклар асосида тўловлар бошланади.

Каналга кириш учун
@inson_huquqi Ochish/sharhlash