Davlat xizmatchisi

2023-07-04 08:35:59 Бердиев Шерзод Жуманазарович – Ўзбекистон Республикаси Президенти ҳузуридаги Ижтимоий ҳимоя миллий агентлигининг Хоразм вилояти бошқармаси бошлиғи лавозимига тайинланди.

Ш.Бердиев тайинловга қадар Камбағалликни қисқартириш ва бандлик вазирлигининг Хоразм вилояти бош бошқармаси бошлиғи вазифасини бажарувчи бўлиб ишлаган.

Telegram | Instagram | Facebook Ochish/sharhlash

2023-07-04 08:02:36 Абитуриентларга тест синови натижасида тўплаган балидан келиб чиқиб, олий таълим муассасаси, таълим йўналиши ва шаклини танлаш имконияти яратилади

“Маъмурий ислоҳотлар доирасида олий таълим, фан ва инновациялар соҳасида давлат бошқарувини самарали ташкил қилиш чора-тадбирлари тўғрисида”ги ги Президент қарори (ПҚ–200-сон, 03.07.2023 й.) қабул қилинди

Қарорга кўра, олий таълим дастурлари халқаро рейтингда юқори 200 талик рўйхатга кирган хорижий олий таълим ташкилотлари дастури асосида қайта ишлаб чиқилади.

Таълим ташкилотларини аттестациядан ва давлат аккредитациясидан ўтказиш тартиби бекор қилиниб, комплекс ва махсус давлат аккредитациясидан ўтказиш тизими жорий этилади. Бунда:

комплекс давлат аккредитацияси ҳар 4 йилда таълим ташкилотларини ташқи баҳолаш натижалари асосида ўтказилади;

лицензияси бекор қилинган таълим ташкилоти ёки ёпилган таълим дастурида ўқиётган талабаларга ўқишини давлат ва нодавлат таълим ташкилотларининг мос ва турдош таълим йўналишлари ва мутахассисликларига кўчириш ҳуқуқи берилади.

Шунингдек, таълим дастурларини халқаро аккредитациядан ўтказиш амалиёти жорий этилади. Бунда:

Вазирлик томонидан тан олинган халқаро рейтинг ташкилотларининг биринчи 1 000 таликка кирган олий таълим ташкилотлари навбатдаги комплекс давлат аккредитациясидан озод қилинади.

Олий таълим ташкилотларининг рейтинги таълим ташкилотининг фаолияти ва таълим жараёнига аралашмаган ҳолда маълумотларни ахборот тизими орқали олиш йўли билан юритилади.

2024 йил 1 январдан:

рейтинг давлат ва нодавлат олий таълим ташкилотлари бўйича умумий аниқланади;
сўнгги 5 йил давомида рейтингда биринчи 10 талик ўринни эгаллаган олий таълим ташкилотлари навбатдаги комплекс давлат аккредитациясидан озод қилинади.

2025 йил 1 январдан:

нодавлат олий таълим ташкилотларига давлат буюртмаси асосида кадрлар тайёрлаш бўйича квота уларнинг рейтингдаги ўрнига мувофиқ ажратилади;
олий таълим ташкилотларининг таълим соҳалари кесимидаги рейтингини юритиш йўлга қўйилади.

2023/2024 ўқув йилидан:

академик лицейларга ўқувчиларни қабул қилишда ёзма имтиҳон асосида дастлабки саралаш босқичи бекор қилинади;

коллеж ва техникумларнинг таълим дастурларига давлат гранти асосидаги қабул кўрсаткичлари 2 бараварга оширилади;

абитуриентларга “давлат гранти” ёки “таълим йўналиши” устуворликларидан бирини танлаш ва танлаган устуворлиги бўйича бакалавриат таълим йўналишлари кетма-кетлигида танловда иштирок этиш ҳуқуқи берилади;

талабанинг таълим йўналишига мос стартап лойиҳаси ҳамда рационализаторлик ғоясини битирув малакавий иши ва магистрлик диссертацияси сифатида ҳимоя қилиш амалиёти жорий этилади;

олий таълим муассасалари талабаларининг иқтисодиёт тармоқлари корхоналарида ҳақ тўланадиган қисқа муддатли мақсадли ишлаб чиқариш амалиётлари ташкил этилади.

2024/2025 ўқув йилидан:

ОТМга кириш имтиҳонларини топшириш “аввал тест, сўнг танлов” тамойили асосида ташкил этилади ҳамда абитуриентларга тест синови натижасида тўплаган балидан келиб чиқиб, олий таълим муассасаси, таълим йўналиши ва шаклини танлаш имконияти яратилади;

умумтаълим фанларидан халқаро имтиҳон натижалари бўйича сертификатлар давлат ОТМга қабул қилишда инобатга олинади.

Telegram | Instagram | Facebook Ochish/sharhlash

2023-07-04 07:04:17 Келажагингизга бефарқ бўлманг!

9 июль — Ўзбекистон Республикаси Президенти сайлови куни

Telegram | Instagram | Facebook Ochish/sharhlash

2023-07-03 20:59:47 2017-2022 йилларда Ўзбекистон қурилиш соҳасининг ривожланиши

6 йил давомида қурилиш соҳасида салмоқли ўзгаришлар амалга оширилган. Жумладан, қурилиш хизматлари ҳажми 1,7 бараварга ошиб, 2017 йилдаги 34 трлн сўмдан 2022 йилда 131 трлн сўмга етган. ЯИМ таркибида қурилиш хизматларининг улуши 5,4 фоиздан 6,7 фоизга ўсган.

Инвестициялар ҳажми 2017 йилдаги 1,4 тлрн сўмдан 2022 йилда 15 трлн сўмга етган ёки 10,7 бараварга ўсган.

Батафсил

Telegram | Instagram | Facebook Ochish/sharhlash

2023-07-01 08:56:49 300 дан ортиқ вакант лавозимга танлов эълон қилинди

Давлат хизматини ривожлантириш агентлигининг vacancy.argos.uz порталида давлат органлари ва ташкилотларидаги бўш иш ўринларига очиқ танловлар эълон қилинган.

Қуйидаги ҳаволалар орқали вакант лавозимлар рўйхати билан танишинг:

Маҳаллалардаги хотин-қизлар фаоли вакант лавозимлари рўйхати;

Ёшлар етакчиси вакант лавозимлари рўйхати;

Ҳоким ёрдамчиси вакант лавозимлари рўйхати;

Барча вакансиялар рўйхати.

Вакант лавозимни эгаллаш бўйича танловда иштирок этиш учун ягона очиқ порталдан рўйхатдан ўтиши талаб этилади. Ochish/sharhlash

2023-06-09 20:20:27 Ёшлар диққатига!

Маҳалладаги ёшлар етакчилари тавсияси асосида ёшларга бериладиган 20 та ёрдам турларининг рўйхати ва миқдори билан танишинг!

ёш оилаларга уй-жой қуриш учун кредит;

ҳайдовчилик ўқув курси учун моддий ёрдам;

ёш оилалар учун турар жой ижараси учун моддий кўмак ва бошқа бир қатор ёрдамлар.

Батафсил Ochish/sharhlash

2023-06-09 19:19:08 Бу йил магистратурага қабул бир марта бўлади — Олий таълим, фан ва инновациялар вазири

2023-2024 ўқув йили магистратураси учун қабул 1 марта, ёзда бўлади. Ўтган ўқув йилида тил сертификатлари ва янги тизим жорий қилингани сабаб магистратура учун қабул 2 марта ўтказилганди.

“Бу йил магистратурага қабул анъанавий тарзда бир марта бўлади. Параметрларни ҳам тез орада тасдиқлаймиз. Ҳаммаси олдинги ўша тартибда серификатлар билан бўлади. Биз фақат ўтган бир йил учун 2 марта магистратурага ҳужжат топширишга қабул комиссиясидан рухсат сўраб олганмиз. Ўша йили янги тизим жорий қилингани ва тил сертификатлари талаб қилингани ҳисобига шундай бўлганди”, – деган суҳбат давомида вазир Абдураҳмонов.

Маълумот учун, 2022/23 ўқув йилида магистратура учун 2 марта — қишки ва ёзги қабул ўтказилганди.

Telegram | Instagram | Facebook Ochish/sharhlash

2023-05-22 16:54:37 Сингапур президенти илк бор Ўзбекистонга келяпти

Президент Шавкат Мирзиёев таклифига биноан 23-25 май кунлари Сингапур президенти Ҳалима Ёқуб тарихда биринчи марта расмий ташриф билан Ўзбекистонга ташриф буюради.

Ташриф давомида Кўксарой қароргоҳида расмий кутиб олиш маросими ва меҳмон шарафига зиёфат берилади.

Шунингдек, президентлар Ўзбекистон-Сингапур тадбиркорлари билан икки давлат бизнес форуми доирасида учрашув ҳам ўтказадилар.

Ҳалима Ёқуб Давлат бошқаруви академияси ва Самарқанд шаҳрига ҳам ташриф буюриши режалаштирилган.

Telegram | Instagram | Facebook Ochish/sharhlash

2023-05-22 14:43:26 2023 йил 1 июндан бошлаб:

тиббиёт муассасалари томонидан туғилганлик бўлимларида қайд қилинганлиги ҳақида QR-кодли маълумотнома берилади ва ушбу маълумотнома гербли гувоҳномага тенглаштирилади ҳамда давлат органлари ва ташкилотлар томонидан қабул қилишни рад этиш қатъиян тақиқланади.

Гувоҳнома эса фуқароларнинг исталган вақтдаги мурожаатларига асосан ФҲДЁ бўлимлари томонидан расмийлаштириб берилади.

Telegram | Instagram | Facebook Ochish/sharhlash

2023-05-22 14:23:11 2023/2024 ўқув йилидан 1-синф ўқувчилари учун «Информатика ва ахборот технологиялари» фани жорий этилади.

Telegram | Instagram | Facebook Ochish/sharhlash