InfoTruck - Truck Biznesi Haqida

2022-08-31 12:42:21 Хамелеон юк ташувчилар хақида тўлиқ маълумот.

Хамелеонлар - атроф-муҳит рангига мос тушиш учун ташқи кўринишини ўзгартириш қобилиятли судралиб юрувчилар. Автомобил йўллари хавфсизлигини тартибга солиш учун биринчи навбатда масъул бўлган Федерал Автоташувчилар хавфсизлиги бошқармаси (FMCSA), бошқа ном ёки USDOT рақами остида "янги ном остида" ишлаш орқали қоидаларга риоя қилмаслик жавобгарлигидан қочишга ҳаракат қилувчи юк ташувчиларни ҳам айнан хамелеон сифатларига қиёслашади. Бу каби "хамелеон юк ташувчилар" шу йўл билан "сувдан қуруқ чиқиб кетаман" ва "қоидабузарликлар ортда қолади" деб ҳисоблашади. Бу усул ўтмишда қўл келган бўлса-да, энди бундай эмас, чунки FMCSA томонидан амалиётни чеклаш учун тергов ва ижро жарайонлари ишлаб чиқилди. Ушбу мақолада биз агентлик бу каби ҳайдовчиларни қандай йўқ қилишини ва улар қандай оқибатларга олиб келишини кўриб чиқамиз.

ТЎЛИҚ ЎҚИШ Ochish/sharhlash

2022-08-17 13:38:25 ЯНГИ СОТИБ ОЛГАН CMV (ТИЖОРАТ АВТОМАШИНАСИ) ҲАМ CMV
 
Муаллиф: Коррина Петерсон
Нашр: Транспорт рухсатномаси ва солиқни тартибга солувчи огоҳлантириш
Эълон қилинган сана: 08/08/2022
 
Сўнгги пайтларда бошқа штатда тижорат автомашинасини (CMV) сотиб олган ташувчиларда бир қанча саволлар пайдо бўлмоқда. Улар бошқа штатдан тижорат автомашинасини сотиб олгач, уни ўз штатларига эксплуатация маълумотларисиз бемалол ҳайдаб кириши мумкинми ёки йўқми деган савол ҳам шулар жумласидан. Бу саволга қисқа жавоб - "йўқ". Юк машинаси унинг янги эгаси учун янги бўлиши мумкин, аммо у ҳали ҳам "тижорат" соҳасида фаолият юритмоқда ва бизнес мақсадларида фойдаланилмоқда.
 
Хоҳ эски хоҳ янги CMV сотиб олганингизда, юк машинаси қонун доирасида талаб қилинадиган ҳужжат ва маълумотларга эга  бўлиши лозим. Унда харид қилувчи компания номи ва АҚШ транспорт департаменти (USDOT) рақами кўрсатилган бўлиши керак. Ҳайдовчи малакали бўлиши ва транспорт воситасини бошқариш учун тегишли лицензияга эга бўлиши, хизмат кўрсатиш вақти ва ҳоказоларга эга бўлиши керак. Ҳайдовчи оғирликни ўлчаш пунктларида, йўл четида тўхташи ва транспорт воситасини умумий фойдаланишдаги йўлларда ишлатиш учун қўлланиладиган бошқа қоидаларга риоя қилиши керак.
 
Рўйхатдан ўтиш ва ёқилғи солиғи. Агар машина саёҳатларга чиқиш ва ёқилғи учун мўлжалланган бўлса, сизга саёҳат ва ёқилғи рухсатномалари керак бўлади (автомобил турига қараб, лекин одатда иккаласи ҳам талаб қилинади). Баъзан, рўйхатдан ўтиш учун саёҳат рухсатномаси билан бир қаторда, транспорт воситаси сотиб олинган штат вақтинчалик рўйхатга олиш ёки вақтинчалик рўйхатдан ўтказиш учун рухсатнома беради. Кейин уйга саёҳат қилиш учун штатлараро саёҳат ва ёнилғи рухсатномаларини сотиб олиш мумкин.
 
Фаолият юритувчи орган. Ҳар қандай ижарага олинган транспорт воситасини бошқаришдан олдин ташувчилар федерал бошқарув ваколатига эга бўлиши керак. Штатлараро эркин ҳаракатланувчи ва/ёки хусусий ташувчилар учун ваколатли рўйхатдан ўтишни талаб қилувчи юрисдикцияларда одатда доимий рўйхатдан ўтмаган ташувчилар учун вақтинчалик рухсатномалар йўқ.
 
Ташувчиларни ягона рўйхатга олиш. Барча штатлараро ва халқаро ташувчилар (хусусий, эркин, ижарага олинган) Ягона ташувчиларни рўйхатга олиш
(UCR) шартномаси бўйича рўйхатдан ўтган бўлиши керак. UCR саёҳат рухсатномалари мавжуд эмас.
 
Босиб ўтилган масофа солиқлари. АҚШнинг бир неча юрисдикциялари ёнилғи солиғидан ташқари мил ёки автомобил йўлларидан фойдаланиш солиқларини ҳам ҳисоблайди. Доимий рўйхатдан ўтмаган ташувчилар учун саёҳат рухсатномалари мавжуд.
 
Оғир транспорт воситаларидан фойдаланиш солиғи. Оғир транспорт воситаларидан фойдаланиш солиғи (HVUT) солиққа тортиладиган ялпи оғирлиги 55 000 фунт ёки ундан ортиқ бўлган автомагистрал транспорт воситаларига қўлланилади ва юк машиналари, тракторлар ва автобусларни ўз ичига олади. Ушбу транспорт воситалари учун, агар солиққа тортиладиган автомагистрал автотранспорт воситаси биринчи фойдаланиш пайтида исталган штат ёки Колумбия округи, Канада ёки Мексика қонунлари бўйича рўйхатдан ўтган ёки рўйхатдан ўтказилиши талаб қилинган бўлса, 2290-шакл ва 1-жадвални топшириши лозим.
 
Ҳуқуқни муҳофаза қилиш идоралари ходимлари сиз янги юк машина сотиб олганингизга қарши эмас, аммо улар юк машинаси ва ҳайдовчи барча мажбуриятларни ўз вақтида бажаришини талаб қилишади.

@infotruckuz Ochish/sharhlash

2022-08-17 09:39:35 Федерал Автоташувчилар хавфсизлиги бошқармаси (FMCSA) Arion Tech Inc компаниясининг ArionT ELD қурилмасини рўйхатдан ўтган Электрон рўйхатга олиш қурилмалари (ELD) рўйхатидан чиқарди
 
ВАШИНГТОН - АҚШ Транспорт департаменти Федерал Автоташувчилар хавфсизлиги бошқармаси (FMCSA) ArionT ELD қурилмасини рўйхатдан ўтган Электрон рўйхатга олиш қурилмалари (ELD) рўйхатидан олиб ташлади. ArionT ELD қурилмаси бекор қилинган қурилмалар рўйхатига киритилишига, компаниянинг 2022-йил 24-июнидан кучга кирган 49-Федерал қоидалар кодекси, Б кичик қисмининг, А иловасида белгиланган минимал талабларга жавоб бермаганлиги сабаб бўлди.
 
FMCSA ArionT ELD қурилмасидан фойдаланадиган барча ҳайдовчиларга қуйидаги кўрсатмаларни бажариши кераклигидан хабардор қилиш учун электрон почта хабарини юборади:
 
1. Бекор қилинган қурилма(лар)дан фойдаланишни тўхтатинг ва соатлик хизмат маълумотларини қайд этиб бориш учун қоғозда рўйхатга олинг ёки рўйхатга олиш дастуридан фойдаланинг.
2. Бекор қилинган қурилма(лар)ни 2022-йил 24-августгача Рўйхатдан ўтган қурилмалар рўйхатида мавжуд ELD қурилмалар билан алмаштиринг.
Бекор қилинган қурилма(лар)ни рухсат этилган ELD қурилма(лар)га алмаштириш учун ҳайдовчиларга 60 кунгача имтиёзли муддат берилган. Агар ELD провайдери барча аниқланган камчиликларни бартараф этса, FMCSA қурилмани рўйхатдан ўтган қурилмалар рўйхатига қайтаради ва бу ҳақида хабар беради.
 
Имтиёзли давр мобайнида хавфсизлик хизмати ходимларига 395.8(a)(1) – “No ELD” ёки 395.22(a) учун ArionT ELD қурилмасидан фойдаланувчи ҳайдовчилар билан ишламаслик тавсия этилади. Бу вақт ичида хавфсизлик ходимлари ҳайдовчининг қоғозда рўйхатга олинган маълумотларини, рўйхатга олиш дастурини талаб қилиши ёки хизмат кўрсатиш соатлари маълумотларини кўриб чиқиш учун захира усули сифатида ArionT ELD дисплейидан фойдаланиши керак.
 
2022-йил 24-августдан бошлаб юқорида санаб ўтилган бекор қилинган қурилмадан фойдаланишда давом этаётган ҳайдовчилар ELDсиз ишлаётган деб ҳисобланади. 2022-йил 24-августда ёки ундан кейин бекор қилинган қурилмадан фойдаланаётган ҳайдовчига хавфсизлик ходимлари 395.8(а)(1) бандига таянган ҳолда, Тижорат транспорт воситалари хавфсизлиги алянсидан (CVSA) Фойдаланишдан чиқарилган (OOS) мезонига мувофиқ ҳайдовчини ишдан бўшатишга ҳақли.
 
Камчиликлар ўз вақтида бартараф этилмаган тақдирда FMCSA ҳайдовчиларга юқорида санаб ўтилган чораларни кўришни қатъий тавсия қилади.
 
@infotruckuz Ochish/sharhlash

2022-08-17 09:39:11 Ochish/sharhlash

2022-02-14 17:20:22 Юк машинаси ҳайдовчилари АҚШнинг қайси шаҳарларида энг кўп маош олади: Ойлик ва яшаш нархи бўйича энг яхши шаҳарлар. 2-қисм

5. Линкольн, Небраска
Линкольндаги ўртача йиллик иш ҳақи 51 840 долларга тенг. Бу бир киши учун тахминий яшаш нархидан 1,38 баробар кўпдир. Шаҳардаги арзон турмуш даражаси ва кучли иқтисодиёт ҳайдовчилар учун кўплаб имкониятлар яратади. Lincoln Trucking, Schulz Transportation ва Advantage Trucking каби компаниялар шулар жумласидандир.
6. Мэдисон, Висконсин
Мэдисон шаҳридаги ўртача йиллик маоши 52 160 долларни ташкил этади. Бу бир киши учун тахминий яшаш қийматидан 1,36 марта кўпдир. Юк машинаси ҳайдовчилари CET Truck Service ва Bullet Transit Company каби юк ташиш компанияларида ишлаши мумкин.
7. Даллас, Техас
Далласда ўртача йиллик маош 46,600 долларни ташкил қилади. Бу бир киши учун тахминий яшаш қийматидан 1,36 баробар кўп. Даллас ковбойча турмуш тарзига қизиқадиган ва чакана савдо билан шуғулланадиганлар учун мос келади. У ерда Summit Trucking, Stevens Transport ва Design Transportation каби юк ташиш компаниялари мавжуд.
8. Бойсе, Айдахо
Бойсе шаҳридаги ўртача йиллик иш ҳақи 47 520 долларга тенг. Бу бир киши учун тахминий яшаш нархидан 1,35 баробар кўпдир. Бойсе шаҳри яшаш учун қулай, хавфсиз ва очиқ ҳавода завқланиш учун ажойиб жой ҳисобланади. Шаҳардаги Transmark Cartage Services (TCS) ва Leighton Transport каби компаниялар юк машинаси ҳайдовчилари учун иш ўринларини таклиф қилади.

@infotruckuz Ochish/sharhlash

2022-02-14 15:18:32 Чет-элда юк машина ҳайдовчилари орасида кенг тарқалган 30 та сленг ва уларнинг маънолари

21. GOT YOUR EARS ON? (қулоқларинг ёқилганми?)
Эшитяпсизми?

22. GO-GO JUICE (Go-Go шарбати - Mountain Dew ва Red Bull аралашмасидан ҳосил бўлган ичимлик)
Дизел ёқилғиси.

23. HUNDRED MILE COFFEE (юз мил қаҳва)
Жуда кучли қаҳва.

24. PAY THE WATER BILL (Сув ҳақини тўланг)
Чўмилиб олиш учун тўхташ.

25. READING THE MAIL (почтани ўқиш)
Гаплашмасдан, CB радиосини тинглаш.

26. ROAD PIZZA (йўл пиццаси)
Йўлда машина уриб кетиши оқибатида ҳалок бўлиб ётган жониворлар.

27. SESAME STREET (Sesame кўчаси)
CB радиосидаги 19-канал.

28. WALLY WORLD (жинни дунё)
Wal-Mart. Дўконлар тармоғи, тарқатиш марказлари ёки Wal-Mart юк машиналарига тегишли бўлиши мумкин.

29. 4-WHEELER (тўрт ғилдиракли)
Йўловчи транспорт воситалари, шу жумладан енгил автомобиллар ва юк машиналари.

30. 10-4
Хабар қабул қилинди.

@infotruckuz Ochish/sharhlash

2022-02-12 18:11:09 Юк машинаси ҳайдовчилари АҚШнинг қайси шаҳарларида энг кўп маош олади: Ойлик ва яшаш нархи бўйича энг яхши шаҳарлар. 1-қисм

Юк машинасини ҳайдаш бу яхши маош тўланадиган иш ҳисобланади. Бироқ, яшаш нархи сабаб баъзи шаҳарларда юк машинаси ҳайдовчиси бўлиш, бошқаларга қараганда яхшироқдир.

1. Эль-Пасо, Техас
Эль-Пасо шаҳрида ўртача йиллик иш ҳақи 48 340 долларни ташкил қилади. Бу бир киши учун тахминий яшаш қийматидан 1,56 баробар кўпдир. Эль-Пасо яшаш нархининг арзонлиги ва кўнгилочар тадбирларнинг кўплиги сабаб Техасдаги яшаш учун энг яхши жойлардан биридир. Шаҳарда Old Dominion Freight Line, Southwest Freight Lines ва Stagecoach Cartage & Distribution каби юк ташиш компаниялари мавжуд.
2. Талса, Оклахома
Талсада ўртача йиллик иш ҳақи 53,810 долларни ташкил қилади. Бу бир киши учун тахминий яшаш қийматидан 1,53 баробар кўпдир. Яшаш нархининг арзонлиги сабаб юк машинаси ҳайдовчилари учун шаҳарда кўплаб имкониятлар бор. У ерда Miller Truck Lines, Paul Transportation ва Melton Truck Lines каби тракинг компаниялари фаолият юритади.
3. Лексингтон, Кентукки
Лексингтонда ўртача йиллик маоши 47 260 долларни ташкил қилади. Бу бир киши учун тахминий яшаш нархидан 1,41 марта кўпдир. Лексингтон ўзининг ўқимишли аҳолиси, арзон турмуш даражаси ва барқарор иқтисодиёти билан ажралиб туради. Шаҳарда Dayton Freight, Haynes Trucking LLC ва Federated Transportation Services of the Bluegrass, Inc каби юк ташиш компаниялари бор.
4. Солт-Лейк-Сити, Юта
Солт-Лейк Ситида ўртача йиллик иш ҳақи 49,100 долларни ташкил қилади. Бу бир киши учун тахминий яшаш қийматидан 1,38 баробар кўпдир. Шаҳарда кўплаб юк ташиш компаниялари, жумладан Godfrey Trucking, CTC Trucking ва Pride Transport каби компаниялар иш юритади.

@infotruckuz Ochish/sharhlash

2022-02-11 09:00:05 Чет-элда юк машина ҳайдовчилари орасида кенг тарқалган 30 та сленг ва уларнинг маънолари

11. BOBTAIL (калта дум)
Тиркама уланмаган юк машина.

12. BULLFROG (йирик қурбақа)
Mack русумли юк машина.

13. BUMPER STICKER (бамбер наклейкаси)
Транспортларнинг ўзаро жуда яқин масофада, бир-бирининг орқасидан юриши.

14. BUSTER BROWN
UPS компаниясининг юк машинаси.

15. CASH REGISTER (касса)
Пуллик йўлда юриб кетаётган транспорт воситаларидан пул йиғиб олиш учун йўлда ўрнатилган тўсиқ.

16. CHICKEN COOP (товуқлар сақланадиган жой, товуқхона)
Оғирлик ўлчаш стансияси.

17. CONVOY (конвой)
Бир нечта юк машина гуруҳ бўлиб саёҳатга отланиши.

18. DOUBLE NICKEL (иккита 5 центлик танга)
Транспорт воситасини соатига 55 мил тезликда бошқариш. Бу юк машиналари учун магистралда энг самарали тезлик ҳисобланади.

19. EVEL KNIEVEL (Ivel Knivel - мотоциклда бажарган трюклари билан машҳурликка эришган америкалик трюкчи)
Мотоцикл бошқариб кетаётган полициячи.

20. FRONT DOOR (олд эшик)
Ҳайдовчининг олдида нимадир борлигини англатади.

@infotruckuz Ochish/sharhlash

2022-02-10 11:16:32 Чет-элда юк машина ҳайдовчилари орасида кенг тарқалган 30 та сленг ва уларнинг маънолари

1. ALL LOCKED UP (ҳаммаси қулфланган)
Тарози пункти (станцияси) ёпиқлигини англатади.

2. ALLIGATOR (тимсоҳ)
Одатда шиналар портлаши натижасида йўлда қолиб кетган шина парчаси.

3. ANTEATER (чумолихўр)
Kenworth T-600 юк машинаси.

4. BACK DOOR (орқа эшик)
Ҳайдовчининг орқасида нимадир борлигини англатади.

5. BAMBI (кийик боласи)
Йўлда ёки йўлга яқин жойда кийик борлигини англатади.

6. BEAR (айиқ)
Полиция ходимлари, жумладан, штат полициялари ва йўл-патрул хизмати ходимлари.

7. BEAR BITE (айиқ тишлаши)
Тезликни оширганлик учун чипта.

8. BEAR IN THE BUSHES (буталар орасида айиқ)
Радар билан пана жойда, тезликни оширган ҳайдовчиларни назорат қилиб турган полиция.

9. BIG ROAD (катта йўл)
Давлатлараро ёки исталган йирик магистрал.

10. BLACK EYE (қора кўз)
Чироқ ўчирилган ҳолат. Ўчган чироқлар.

@infotruckuz Ochish/sharhlash

2022-02-03 10:48:56 ЮК МAШИНA БОШҚAРУВЧИЛAРГA СИРПAНИБ КЕТИШНИНГ ОЛДИНИ ОЛИСШ БЎЙИЧA ҚЎЛ КЕЛAДИГAН 7 ТA ФОЙДAЛИ МAСЛAҲAТ 1-ҚИСМ Юк машинаси ҳайдовчиси учун энг қўрқинчли дақиқалардан бири бу машина бошқарувини йўқотишдир. Юк машина тиркамасини тормоз бериб тўғри тўхтата олишни… Ochish/sharhlash