Илму Ирфоним 📚

2023-01-03 20:01:30 Яҳё ибн Муоз айтади:

Бечора Одам боласи-я! Дўзахдан ҳам камбағалликдан қўрққанидай қўрқса эди... жаннатга кирарди!

Тариху Бағдод, 14/212.

ojiziy qalb

@Ilmu_Irfonim Ochish/sharhlash

2023-01-01 22:00:38 ​Birgina o‘pich farzandimni o‘zgartirdi

  O‘g‘lim huquqshunoslik fakultetida talaba edi. Men u bilan juda ko‘p tortishib qolardim. Biror bir kun uni koyishdan, u bilan gap talashishdan xoli o‘tmas edi. Oxiri toqatim toq bo‘lib o‘z o‘g‘limni ko‘rganda bezillaydigan bo‘lib qoldim. Uning ham menga munosabati bundan yomon bo‘lsa, yomon ediki, yaxshi emasdi. O‘g‘lim bilan o‘rtamizdagi sovuqchilikka sabab bo‘layotgan narsa uning darslariga beparvoligi edi.
Bir kuni kechasi xonasining oldidan o‘tayotib eshigining qiya ochiq qolganiga ko‘zim tushdi. Ichkariga qarasam, o‘g‘lim ustini yopmay uxlab qolibdi. Xonasiga kirdim-da, ustini yopib, eshik tarafga qarab yurdim. Eshik dastasini ushladim hamki, birdan o‘g‘limni o‘pib qo‘yish xayolimga keldi. Orqamga qaytib o‘g‘limni o‘pdim.  Ha, peshonasidan o‘pdim-da chiqib ketdim.
Ertalab o‘g‘limning kayfiyati yaxshi, o‘zini tutishi ham boshqacha edi. Avvalgi qovoq uyish, qo‘rs-qo‘polliklari bugun negadir yo‘q edi. Menga salom berib oldimga o‘tirdi. Birga nonushta qildik. Shundan keyin o‘g‘lim kun sayin men bilan yaxshi muomala qiladigan va darslarini o‘z vaqtida bajaradigan bo‘lib qoldi. Xulqi go‘zallashdi. Men bu holatdan ajablanib ehtimol Alloh taolo bechora onasining duolarini ijobat qilgan bo‘lsa kerak deb xulosa qildim. Lekin bir kuni bu katta o‘zgarishning sirini onasidan eshitib bildim.

O‘g‘lim onasiga aytgan gaplarini qanday bo‘lsa, shundayligicha aytib bera qolay:
“O‘sha kecha otam xonamga kirganlarida uxlamagan edim. Shunchaki, ular bilan gaplashmaslik uchun o‘zimni uxlaganga solib yotgandim. Otam tepamga asta kelib, meni uxlayapti deb o‘ylaganlari uchun uyg‘otib yubormay deya ohista harakatlar bilan ustimni yopdilar. Keyin eshik tomon yo‘naldilar. Xonamdan tashqariga yo‘nalgan qadam tovushlari meni xotirjam qildi. Chunki o‘sha paytda otamni ko‘rishni ham, u kishi bilan gaplashishni ham xohlamasdim. Ular ham huddi shunday meni yomon ko‘radilar deb o‘ylardim. Lekin o‘sha kecha mening his-tuyg‘ularimni tamoman o‘zgartirib yubordi. Otam orqaga qaytib peshonamdan o‘par ekan, qalbimning tub-tublaridan bir nimalar to‘lqinlanib ketganini his qildim. Men tushundimki, otam meni yomon ko‘rmas ekanlar, balki men ahmoq u kishi haqlarida doimo noto‘g‘ri fikrda bo‘lgan ekanman. Men o‘sha kechani xatolarimni anglab, yig‘lab o‘tkazdim. Yig‘lar ekanman, endi bundan buyon yaxshi tarafga o‘zgarishga, otamga nisbatan yaxshi muomalada bo‘lishga qaror berdim”.

Doktor Abdulloh Muhammad Abdulmu’tining "Farzand tarbiyasidan 700 ta saboq" kitobidan


@Ilmu_Irfonim Ochish/sharhlash

2022-12-31 23:40:37 Ўқиб ҳайратда қолдим...

Ўқинг ва улашинг.

Таҳорат ҳукмларида ҳам мўъжизалар бор...

Исломда беҳикмат ҳеч бир амалга тарғиб этилмайди. Ҳар бир нарса ўта мукаммал низом ва тенгсиз тафаккур билан ишлаб чиқилиб, Одам қавмига тақдим этилган.
Дақиқа нуқталаригача ўрганган саринг жуда катта сир асрорни англайсан, Ҳақнинг синоатини очаверасан...
Қуйидаги воқеани бугун сизларга илиндим:

«...бой деган биродарим бор. Ўзиям кўҳна бойлардан. Бизнинг юртимизда Америка, Европа, Россия-ю, Хитой билан ҳамкорликда тижорат қилишни шу биродарим бошлаб берган. Ниҳоятда давлатманд одам, ҳеч бир нарсага танқислик кўрмаган. Ўша биродаримнинг биттагина ўғил фарзанди бор эди. Вояга етиб, мўйлаблари сабза уриб қолган вақтда хасталаниб қолди. Йигитчанинг бошида оғриқ пайдо бўлиб, шу даражада безовталанар эдики, унча- мунча дори наф қилмас эди. Отаси шифокорман деганнинг ҳаммасига ўғлини кўрсатди. Пулдан муаммоси йўқ эди, шу сабабли дунёнинг исталган нуқтасидаги тиббий муолажаларни олдирди, бироқ фойдаси бўлмади. Таассуфлиси эса, ҳеч бир давлатда ҳеч бир шифокор аниқ ташхис қўёлмас эди. Текширув аппаратлари мияда ножўя ҳеч нарсани топиб беролмас эди. Йигитчанинг бошида нима сабабдан оғриқ туриб безовталаниши мавҳумлигича қолаверарди. Хуллас, биродаримнинг миллиардлаб йиққан бойлиги яккаю-ягона ўғлининг жонига оро кирмади. Йигитча омонатини топширди...У вафот этгач, хорижлик шифокорлар отасидан касаллик сабабини аниқлаш мақсадида бошни ёриб кўришга рухсат олишди. Амалиёт бажарилди...Касаллик сабаби аниқланди...Йигитчанинг миясига туташган бурун соҳаси йўлларида жуда шаффоф қурт бор экан. Бу қуртни, шаффоф ва рангсиз бўлганлиги учун,текширув аппаратларида аниқлашнинг иложиси бўлмаган. Амалиётни олиб борган хорижлик шифокор биродаримизга шу гапларни айтган эди:

"Ниҳоят, фарзандинга азоб берган дарднинг ечимини топдик, афсуски, жуда кеч.

Мен шифокор сифатида ОДДИЙГИНА СОВУҚ СУВДА, эшитаяпсанми, ОДДИЙГИНА СОВУҚ СУВДА ўладиган қуртни аниқлай олмай битта беморни йўқотганимдан афсусланаман.

Бироқ сен мусулмон бўла туриб фарзандингни бирор марта таҳорат олишга, таҳорат олганда бурнини ачиштириб, ИСЛОМ динингда буюрилгани каби, сув тортишга ўргатмаганинг учун мендан кўпроқ қайғуришга мажбурсан.

Агар фарзандинг бир марта таҳорат олиб, бурнини ачиштириб ювганда эди бу қуртдан халос бўларди..." - дебди.

Ҳар сафар таҳорат олганимда шу воқеа беихтиёр ёдимга келаверади.

Уч бор оғизда сувни ғарғара қилиш, қулоқларни ювиш, бошга масҳ тортишнинг ҳам ўзига яраша ҳикматлари бор.


@Kavkabuz

@Ilmu_Irfonim Ochish/sharhlash

2022-12-30 19:22:24 Erim bilan kichkinagina qahvaxonada, qahva ichib oʻtirardik.
Erim yosh, qalban juda chiroyli inson edi va men uni sevardim.

Egnimda eskirgan palto.
Oʻzimga boʻlgan bahoyim pastligidan qiynalardim.
Meni isitish oʻrniga, faqat hunuk koʻrsatadigan paltodan esa, nafratlanardim.

Qahvaxona arzon, qahvasi ham bemaza.

Kun kelib, qimmat kiyimlarda, chiroyli qahvaxonada, shirin qahva ichib oʻtirishimizni orzu qilardim.
Hayollarim ortida erimning menga qaragan sevgi toʻla nigohlarini payqadim.
U meni sevardi, lekin meni nima tashvishga solishidan xabari yoʻq edi.

...u yosh vafot etdi.
Men esa, bir oʻzim qoldim.

Keyinchalik hayotimda, juda koʻp turli xil qahvaxonalar, shirin qahvalar va zamonaviy paltolar boʻldi.

Lekin, menga qaragan oʻsha sevgi toʻla koʻzlar yoʻq edi.

***

Hamma narsasi boʻla turib, buni farqiga bormaslik.

Biz–bizni baxtli qilayotgan insonlar bilan badavlatmiz.

Farohun

@Ilmu_Irfonim Ochish/sharhlash

2022-12-29 23:05:05 “Қуёш чиққан кунларнинг энг яхшиси жумадир!  У куни Одам яралган,  у куни жаннатга киритилган, у куни жаннатдан чиқарилган,  қиёмат ҳам жума кунидадир”
  (Имом Муслим ривояти).

Жума муборак аҳли ислом. Хонадонингиз аёлларига ширинлик ва гуллар ҳадия килинг

@Ilmu_Irfonim Ochish/sharhlash

2022-12-29 10:37:42 Аьробийга:

- Сен ўласан,- дейилди.
- Сўнг қаерга йўл оламиз?- деди аьробий.
- Аллоҳнинг даргоҳига.
- Алҳамдулиллаҳ, борар жойимиз яхши жой экан. Аллоҳдан фақат яхшилик кўрганмиз.

Al arabiy

@Ilmu_Irfonim Ochish/sharhlash

2022-12-28 13:04:20 يقال: إذا أردت أن لا يسرق منك شيء،
ضعها في كتاب فهذه الأمة لا تفتح كتابا

Айтишадики, агар нарсангни биров ўғирламаслигини хоҳласанг, уни китобнинг ичига қўй. Зеро, бу уммат китобнинг ичини очиб қарамайди.

Bir tolibi ilmning Instagram sahifasidan.

@Ilmu_Irfonim Ochish/sharhlash

2022-12-27 18:51:50 #kayfiyat

Ilm nurdir

@Ilmu_Irfonim Ochish/sharhlash

2022-12-23 16:42:13 Muhabbat qissasi

#Arabtili_N

@Ilmu_Irfonim Ochish/sharhlash

2022-12-21 22:40:58 Alloh taolo oʻz habibi Nabiy sollallohu alayhi vasallamga va boshqa bironta bandalariga ham ilmdan boshqa narsani ziyoda qilishni soʻrab duo qilishni amr qilmadi. Alloh taolo faqatgina ilmni ziyoda qilishni soʻranglar deb amr qildi.
"Robbim ilmimni ziyoda qilgin, degin" Toha surasi, 114-oyat.

Shayx Muhammad Avvoma hafizahulloh

@Ilmu_Irfonim Ochish/sharhlash