Мирзо Кенжабек ижодхонаси

2022-08-31 09:29:33 ЭРК УЧУН КУРАШГАН САТРЛАР

Бундан 31 йил аввал 31 август куни юртимиз мустақиллиги эълон қилинган эди. Унга етиб келгунча бўлган курашлар, таъқиблар, зуғумлар бугун тарих саҳифаларидан жой олди. Уларни унутишга бизнинг ҳам, кейинги авлодларнинг ҳам асло ҳаққи йўқ.

Устоз Мирзо Кенжабек қаламига мансуб қуйидаги шеърлар мустақиллик учун ўзбек зиёлилари қандай курашларни бошдан кечирганини яна бир бор ёдга солади.

Мустақиллигимиз абадий бўлсин!

Батафсил

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-31 09:11:39 •┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-31 06:55:12 * * *
Бандаман, Ҳаққа ҳеч шакку райбим йўқ,
Ҳадду ҳудуд ичра илми ғайбим йўқ.
Аллоҳ душманлари наздида лекин
Ҳаққоки, иймондан ўзга айбим йўқ.

Мирзо Кенжабек

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-31 05:20:36 Ассалому алайкум ва
раҳматуллоҳи ва барокотуҳ!

БУГУН:
Чоршанба.
Ҳижрий 1444 йил 
Сафар ойининг 4-куни.
Милодий 2022 йил 31-август.

Ё Раббимиз Аллоҳ! Ушбу
кунни бутун уммат учун,
жумладан, бизлар учун ҳам
хайрли, барокотли – муборак айла!.

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-30 18:18:08 МУРШИДИ КОМИЛ
ҲИКМАТЛАРИ (15)

Доктор, профессор, Шайх
МАҲМУД АСЪАД ЖЎШОН
раҳматуллоҳи алайҳ ҳазратларининг
сўзларидан сайланма
* * *
Ислом адолат мезонида инсоннинг оиласига ҳам аралашади, қалбига ҳам аралашади, онгига ҳам аралашади, ниятига ҳам аралашади. Зотан, аралашмаса, қонун мукаммал бўлмайди, интизом тўлиқ таъминланмайди. Полиция кўчада тургани билан, ичкарида тартибсизлик давом этаверади. Шунинг учун ҳам Исломнинг бу вазияти буюк бир устунликдир.
* * *
Давлатни бошқариш ҳам савоб. “Аллоҳ олдида инсонларнинг энг фазилатлиси одил давлат раҳбаридир» дейилади. Одил ва тўғри бўлиш шарти билан раҳбар энг фазилатли инсон бўлади. Яъни, давлатни ҳалол бошқариш бир ибодат бўлади. Раҳбарлик, ҳокимлик бир ибодат бўлади.
* * *
Икки кишининг кўзига жаҳаннам олови тегмайди:
1. Ёлғизликда (Аллоҳдан қўрқиб) кўз ёши тўккан бир кишининг кўзи жаҳаннам оловини кўрмайди. Яъни жаҳаннамга кирмайди.
2. Чегараларда Ислом оламини душманлардан қўриқлаган соқчиларнинг кўзи жаҳаннам оловига тушмайди.
* * *
Ният холис бўлгандан кейин, аскарлик ҳам ибодат, давлатни бошқариш ҳам ибодат, тижорат ҳам савоб, сукут ҳам савоб, тафаккур ҳам савоб, суҳбатлашмоқ ҳам савобдир...
* * *
Қилган ишларингиз – ё савоб, ё гуноҳ; ё фойдангизга, ё зарарингизга... Шунинг учун фиқҳ қонунларида айтиладики: “Инсон ўз фойдасига ва зарарига бўлган нарсаларни билиши лозим”. Фиқҳ ана шу...
* * *
Ислом фақат бир қавмга ё даврга мансуб эмас. Масалан, яҳудийлик бир қавмга хос, бир қавмнинг дини. Ислом ундай эмас. У бутун инсониятга, даврларга хитоб қилаверади.
* * *
Ислом инсонга гўзаллик тарбиясини, санъат руҳини беради.
* * *
Тозалик сўзда эмас, амалдадир... Зотан, Исломнинг бирор амри беҳуда эмас.
* * *
Исломнинг энг муҳим ҳусусиятларидан бири – айтган ҳар сўзининг амалий бир тадбирга боғланишидир. Исломнинг энг гўзал жиҳати – сўзнинг назарий бир насиҳат ҳолига ташлаб қўйилмасдан, албатта, амалий бир ишга боғланганидир.
* * *
Бутун мусулмонлар оға-ини, қардошдир. Амалда қандай қардош бўламиз? Бир йилда бир марта ҳажда тўпланамиз. Тағин унда мусулмонларнинг энг соғломи, бой-бадавлатлари йиғилади. Албатта, ҳажга танлов билан танланганлари учун энг сифатлилари келади ва Ислом мавзуйида суҳбатлашмоқ имкони туғилади.

Мусанниф:
Мирзо Кенжабек

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-30 17:11:23 “ВАТАН УЧУН ЯШАЙЛИК!” ТАНЛОВИ ҒОЛИБЛАРИ ТАҚДИРЛАНДИ

Ватанимиз мустақиллигининг 31 йиллигига бағишлаб, она диёримизда амалга оширилаётган кенг кўламли ислоҳотлар, Ўзбекистонимизнинг буюк келажаги йўлидаги улуғвор янгиланишлар, замондошларимизнинг ёрқин сиймолари акс эттирилган, юксак маҳорат билан ёзилган энг сара бадиий-публицистик мақолалар, очерклар, насрий ва шеърий йўналишдаги энг сара асарлар учун Ўзбекистон Ёзувчилар уюшмаси томонидан эълон қилинган “Ватан учун яшайлик!” Республика танлови якунланди.
Бугун Ўзбекистон Ёзувчилар уюшмасида танлов ғолибларини тақдирлаш маросими бўлиб ўтди. Уларга эсдалик совғаларини Ўзбекистон Ёзувчилар уюшмаси раиси, Ўзбекистон халқ шоири Сирожиддин Саййид топширди.
Қуйидаги ижодкорлар замондошларимизнинг фидокорона меҳнатлари, заҳматкаш халқимиз амалга ошираётган бунёдкорлик ишлари, ижтимоий ҳаёт, маърифат ва маънавият соҳаларидаги оламшумул ўзгаришлар, китоб мутолааси ва китобхонлик маданияти тарғиботи, юртимиз ободлиги, миллий қадриятларимиз ва ёш авлод камоли, миллий ғурур ва ифтихор, Ватан туйғуси, Истиқлол ғоялари ҳаётий мисоллар, теран фикр-мулоҳазалар билан тараннум этилган асарлари учун “Ватан учун яшайлик!” танлови мукофотига сазовор бўлдилар:

1-ўрин:
1. Қутлибека Раҳимбоева – “Чақмоқлар фасли” китоби учун.

2-ўрин:
1. Бекназар Ерназаров – “Маълум сир” қиссаси ҳамда “Манас” эпосининг қорақалпоқ тилига таржимаси учун.
2. Барнобек Эшпўлатов – “Ҳайрат диёри” шеърий тўплами учун.

3-ўрин:
1. Зебо Мирзаева – миллий тафаккур ғоялари билан йўғрилган туркум шеърлари учун.
2. Дилшод Ражаб – “Қаҳрамон қасидаси” достони ҳамда матбуотда эълон қилинган болаларга бағишланган шеърий туркумлари учун.
3. Суҳроб Зиё – “Кўнгил елкани” шеърий китоби учун.

Рағбатлантирувчи мукофотлар:
1. Абдужаббор Обидов – “Буюк Шош ёхуд кўҳна Тошкент девори” тарихий романи учун.
2. Рауф Субҳон – “Оқибат” шеърлар тўплами учун.
3. Лариса Юсупова – болаларга бағишланган “Спасибо краю, где ты рос” (“Ўсган юртингга раҳмат”) шеърлар ва ҳикоялар тўплами учун.
4. Эрпўлат Бахт – “Ватансевар Нурбека” достони ҳамда матбуотда чоп қилинган туркум мақолалари учун.
5. Давронбек Тожиалиев – “Китоб ҳақида китоб” тўплами учун.
6. Муҳиддин Абдусамад – “Учаётган киприклар” ва “Парвозга шай дарахт” шеърий тўпламлари учун.

Ўзбекистон Ёзувчилар уюшмаси Ахборот хизмати

Web-site | Telegram | Facebook | YouTube Ochish/sharhlash

2022-08-30 09:33:06 •┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-30 06:33:10 ТАВБАСИ

Бисмиллоҳир Раҳмони Раҳийм!
Шавқидин титраётир сўнгак-этим.
Қирқ ёшдин ошғоннинг даъвоси бу,
Қирқ бирга етганнинг нидоси бу!
Илки бўш сайёднинг жазоси бу,
Майпараст дарвешнинг иддаоси бу!

1
Гуноҳ қилдим, ёронларга ибрат учун,
Куч топмадим Яратганга қурбат учун,
Ҳозирмасман, кўзёшлар сел фурсат учун,
Қирққа кирмай ерга кирсам - соз бўларди,
Қилмишларим, ёзмишларим оз бўларди.

Фарёдимдан зириллайди тунлар ҳилол,
Ўзим билан қирғинларим кўп ноҳалол,
Ғофил бўлдим овозингдан, ҳазрат Билол!
Қирққа кирмай ерга кирсам ҳам бўларди,
Оғриқларим неча пайса кам бўларди?!

Бешикдаги гўдак каби исёним мўл,
Тобутдаги муслим каби ёноғим ҳўл,
Бадмаст каби учта бўлиб кўринар йўл,
Қирққа кирмай ерга кирсам не бўларди,
Умидимки, бад бўлмасди, беҳ бўларди.

Бари қилган ибодатим таҳоратсиз,
Масжидларда мунофиқман, саодатсиз,
Шул ёшимда ҳасадгўйдек ҳаловатсиз,
Қирққа кирмай ерга кирсам чин бўларди,
Чап елкамда малоик ҳам жим бўларди.

Эй, ёронлар, эшитмадик, билмадик, денг,
У жойларда Шодмонқулни кўрмадик, денг,
Унинг билан ёмон гиёҳ термадик, денг,
Қирққа кирмай ерга кирсам бўлмасмиди,
Майхоналар! Майинг сабил қолмасмиди?!

Қадаҳ тўлди қирқ бир йиллик армон билан,
Бир-бирига рост келмаган фармон билан.
Ёнаяпман қиёматсиз ҳижрон билан,
Қирққа кирмай ерга кирсам соз эмасми,
Қилмишим мўл, қилмаганим оз эмасми?!

Эй, ёронлар, эшитмадик, билмадик, денг,
Рамазонда ифторлигин емадик, денг,
Садақасин, садоқатин кўрмадик, денг,
Қирққа кирмай ерга кирсам яхши эди,
Нидолари кўкни қучган бахши эдим.

Тур тоғида Мусо кўрган сирдай эдим,
Масиҳони чулғаб олган нурдай эдим,
Муҳаммадни мафтун қилган шеърдай эдим,
Қирққа кирмай ерга кирсам соз эди-я,
Гуноҳим ҳам, савобим ҳам оз эди-я?!

Гоҳ-гоҳида мен ҳам ҳаё қиладирман,
Тирикликни гоҳи рўё биладирман,
Куймайдиган сўнгагим бор, биладирман,
Қирққа кирмай ерни қучсам бўлар эди,
Умр жоми маъно билан тўлар эди.

Эй, ёронлар, сўрасалар, яхши, денглар,
Дарвеш эди, мулло эди, бахши денглар.
Юрагимни калхат еди, едик, денглар,
Қирққа кирмай ерни макон этмадим-а,
Савобингиз кўпайтириб кетмадим-а?!

Савдо қурдим майхонада жонон билан,
Тужжор бўлдим бир қайиқда нодон билан,
Арзонгина сотилганман жаҳон билан,
Қирққа кирмай ерга кирсам, қандай соз-а,
Уёғини сўрамайди мендан боз-а?!

Қандоқ тутай қаламимни қабр аро,
Мункир-Накир келганида айлаб сўроқ,
Шом ва аср орасинда кўкда ўроқ,
Қирққа кирмай ерга кирсам осон эди,
Менинг кўнглим бир замонлар пасон эди.

Пиёламни тўлдиргандир менинг алам,
Кўзёш билан ёзаётир қўлда қалам,
Ғарибингни дуо қилгил, мулло болам,
Қирққа кирмай ердан рутба изламадим,
Эси борлар бўзлаганда бўзламадим.

Тавба, дейман, ёноғим ҳўл, тавба дейман,
Фарзанд ҳаққи, эл-юрт ҳаққи тавба дейман,
"Айнал яқийн, Айнал яқийн!" Тавба дейман,
Қирққа кирмай ерга бормай турибман мен,
Билиб-билмай ерга бошим урибман мен.

Тавба дейман, тавба дейман, тавба дейман..!

Шодмонқул САЛОМ

@shodmonqul_SALOM Ochish/sharhlash

2022-08-30 06:22:18 •┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash

2022-08-30 02:07:29 Ассалому алайкум ва
раҳматуллоҳи ва барокотуҳ!

БУГУН:
Сешанба.
Ҳижрий 1444 йил 
Сафар ойининг 3-куни.
Милодий 2022 йил 30-август.

Ё Раббимиз Аллоҳ! Ушбу
кунни бутун уммат учун,
жумладан, бизлар учун ҳам
хайрли, барокотли – муборак айла!.

•┈❁✿❁┈•
@xojagon_uz
@m_kenjabek
•┈❁✿❁┈• Ochish/sharhlash