2023-03-14 09:34:35
KO‘NGIL ALLOHNING UYI
Kimdir gunohlardan poklanish uchun boyligini sarflashga tayyordir, kimdir o‘z go‘zalligiga suyanib, birovlarning ko‘nglini olar, ammo bir oilaga, murg‘ak farzandlarga zulm qilib, ayoli bor erkakning nafsi bilan o‘ynashsa, uni aqliga zarar yetkazib, o‘z oilasidan bezdirsa, o‘zini pok deb ayta oladimi?
Ko‘ngil Allohning Ka’basi kabidir, o‘zgalar ko‘nglini behuzur qilib o‘ziga qora dog‘ orttirgan ayollarning holiga voy... Ular Allohning rahmatidan qurilgan bir oilani qanday jur’at bilan buza oladiki, ertaga qiyomatda Tangrining oldida boshini ko‘tarib tura olsa...
«KA’BA»NI BUZIB, KA’BAGA BORAYOTGANLARHech kim boy-badavlat, mansabli, obro‘li erkakni o‘ziniki qilib olish uchun avvalgi xotinini taloq qildirishga urinmasligi lozim. Rizqu ro‘z, oilaviy baxt masalalari taqdirga qarab bo‘ladi.
Birovning oilasini buzishga uringandan ko‘ra, ularga baxt-saodat tilab, o‘ziga ham xuddi o‘shandoq, balki undan ham yaxshiroq oila bo‘lishini tilash, shuning uchun ham halol-pok yo‘l bilan harakat qilish kerak.
Afsuski, ba’zi bir ayollar bu haqiqatni tushunib yetmaydilar, to‘g‘rirog‘i, tushunib yetishga urinmaydilar ham. Ular uchun tayyor oilaga oson yo‘l bilan kirib olish baxt-saodat manbasi bo‘lib ko‘rinadi.
Shunday kimsalar borki, tuppa-tuzuk yashab turgan er-xotinni bir-biriga qayrab, erini xotiniga, xotinni eriga yomon ko‘rsatib, ularning guldek oilasini buzish payida yuradi.
Yana shundaylar borki, bir ayolning ko‘nglini buzib, erini undan tortib olishga urinib, Ka’baga ham borib keladilarki, ular o‘zlarining nima qilib qo‘yayotganini anglay olmay, o‘z gunohi bilan parokanda bo‘lib qolayotgan bo‘ladi.
Axir bir ko‘ngil Ka’basini vayron qilib, Allohning Ka’basini ziyorat etishdan nima kutishadi? Bundan keladigan oqibat qahr bo‘lmasmi? Buning kasri yaqinlariga, eng sevganlariga urmasmi? Kun kelib uradi.So‘nggi pushaymon – o‘zingga dushman deganini o‘shanda tushunishadi.
Erining boshqa ayol hiylasiga uchib ketganini ko‘rgan ayol tunlari yig‘lamaydimi? Bolalarini tirik yetim bo‘lib qolayotganini anglayotgan ayol osuda uxlay oladimi? Baxtim deb yashab turgan insoni kutilmaganda makrga duch bo‘lib, qahrini xotiniga sochganida bolalari buni buni sezmaydimi? Hammasi gunoh, katta gunoh... Bunga esa o‘sha erkakning nafsini qo‘zg‘agan, ko‘zini ko‘r qilgan makrli, shayton malayiga aylangan ayollar aybdor bo‘laveradi.
https://t.me/Ilmli_ayollar_kanali
240 views06:34
Б
