Ijtimoiy ish: turli sohalar

2023-01-10 09:25:31 #Bilasizmi

“Saxovat” uylarida yashovchi zarur ish stajiga ega bo'lmagan keksa yoshdagi va mehnatga layoqatsiz fuqarolarga shaxsiy sarf-xarajatlari uchun har oyda tegishli nafaqa miqdorining 20 foizini to'lash tartibi joriy qilingan.

Kanalga ulanish
@ijtimoiyish kanalimizga obuna boʻling!! Ochish/sharhlash

2023-01-10 09:23:41 #Bilasizmi

Quyidagi joylarga tashqi reklamaning alohida turgan obyektlarini (konstruksiyalarini) o'rnatish taqiqlanadi:

trolleybuslarning aloqa tarmoqlari mavjud bo'lganda, ularning yo'lga chiqish qismiga;

qatnov qismida va piyodalar yo'lakchalarida;

jamoat transporti bekatlarida;

yo'l va ko'chalar chetlarida 5 metrdan past balandlikda;

bevosita tunnellarga kirish va chiqish joylari yonida va ulardan 5 metrdan yaqin bo'lmagan masofada.

Kanalga ulanish
@ijtimoiyish kanalamizga aʼzo boʻling!!! Ochish/sharhlash

2023-01-10 09:19:35 #Bilasizmi

Qonunchilikka ko'ra:

daromadi yuqori bo'lmagan va uy-joy sharoitlarini yaxshilashga muhtoj fuqarolarga ipoteka krediti bo'yicha subsidiyalarni to'lashda kvartira maydonining eng ko'p me'yorini belgilash amaliyoti bekor qilingan;

dastlabki badalning bir qismini qoplash uchun subsidiyalar – qat'iy belgilangan 32 million so'm miqdorida, foiz to'lovlarining bir qismini qoplash uchun subsidiyalar – birinchi 5 yil davomida 10 foizdan oshgan qismiga to'lanadi;

subsidiyalar sotib olinayotgan kvartiraning narxi ipoteka kreditining eng ko'p miqdoridan oshgan taqdirda ham to'lanadi. Bunda, kvartiraning narxi ipoteka kreditining eng ko'p miqdoridan oshgan taqdirda, qiymatning qolgan qismi qarz oluvchi tomonidan o'z mablag'lari hisobidan to'lanadi;

fuqarolarga ipoteka kreditini olishda, birgalikda qarz oluvchi sifatida ular bilan birga yashamayotgan va yaqin qarindoshi bo'lmagan boshqa shaxslarni ham jalb qilish huquqiga ega.

Kanalga ulanish
@ijtimoiyish kanalimizga obuna boʻling!!! Ochish/sharhlash

2023-01-10 09:17:49 #Bilasizmi

Ayolni erga tegishga yoki nikohda yashashni davom ettirishga majbur qilish yoxud ayolning erkiga xilof ravishda u bilan nikohda bo'lish uchun o'g'rilash, shuningdek, ayolning erga tegishiga to'sqinlik qilish quyidagi jazo choralaridan biri qo'llanilishiga sabab bo'ladi:

BHMning 25 baravarigacha (7,5 mln so'mgacha) miqdorda jarima;
360 soatgacha majburiy jamoat ishlari;
3 yilgacha axloq tuzatish ishlari;
1 yildan 3 yilgacha ozodlikni cheklash;
3 yilgacha ozodlikdan mahrum qilish.

Kanalga ulanish
@ijtimoiyish kanalimizga obuna boʻling!!! Ochish/sharhlash

2023-01-10 09:15:45 #Bilasizmi

Qonunchilikka ko'ra, tibbiyot muassasalari quyidagi ma'lumotlarni zudlik bilan ichki ishlar organlariga xabar qilishlari shart:

transport vositalari tomonidan yetkazilgan tan jarohati sababli yordam so'rab murojaat qilgan shaxslar to'g'risida;

yo'l-transport hodisalari oqibatida tan jarohati olganligi tufayli boshqa tibbiyot muassasalariga yuborilgan shaxslar to'g'risida;

yo'l-transport hodisalari oqibatida tan jarohati olganligi tufayli hodisa yuz bergan kundan boshlab 30 sutka ichida vafot etgan shaxslar to'g'risida;

yo'l-transport hodisalarida tan jarohati olgan va halok bo'lgan shaxslarni olib kelgan transport vositasi, uning haydovchisi, birga kelgan boshqa shaxslar to'g'risida.

Kanalga ulanish
@ijtimoiyish kanalimizga obuna boʻling!!! Ochish/sharhlash

2023-01-10 09:14:03 #Bilasizmi

Fuqarolar tomonidan familiya, ism, otasining ismi o'zgartirilganligi uchun:

16 yoshdan 18 yoshgacha – BHMning 50 foizi (150 ming so'm) miqdorida;
18 yoshdan kattalar – BHMning 1 baravari (300 ming so'm) miqdorida davlat boji to'laydi.

Kanalga ulanish
@ijtimoyish kanalimizga obuna boʻling!!! Ochish/sharhlash

2023-01-10 09:12:48 #Bilasizmi

Kafillik – shartnoma bo'yicha boshqa shaxsning majburiyatini to'la yoki qisman bajarishi uchun uning kreditori oldida javob berishni o'z zimmasiga olish.

Qarzdor kafillik bilan ta'minlangan majburiyatni bajarmagan taqdirda kafil va qarzdor kredit oldida solidar javob beradi.

Shuningdek, kafillik shartnomasida boshqacha tartib nazarda tutilgan bo'lmasa, kafil kreditor oldida qarzdor bilan baravar hajmda javob beradi, shu jumladan foizlar to'laydi, qarzni undirib olish bo'yicha sud chiqimlarini va qarzdor majburiyatini bajarmaganligi tufayli kreditor ko'pgan boshqa zararlarni to'laydi.

Kafillik shartnomasi yozma shaklda tuziladi. Yozma shaklda tuzilmagan kafillik shartnomasi haqiqiy hisoblanmaydi.

Kanalga ulanish
@ijtimoiyish kanalimizga obuna boʻling!!! Ochish/sharhlash

2023-01-09 17:50:34 #Bilasizmi

Ish beruvchi quyidagi xodimlar iltimosiga ko'ra to'liqsiz ish kuni yoki to'liqsiz ish haftasi belgilashga majbur:

homilador ayollar;
14 yoshga to'lmagan bolasi (16 yoshga to'lmagan nogiron bolasi) bor ayollar, homiyligida shunday bolasi bor ayollar;
oilaning betob a'zosini parvarish qilish bilan band shaxslar.

To'liqsiz ish vaqtida ishlash xodimning yillik asosiy mehnat ta'tili muddatini, mehnat stajini hisoblashni hamda boshqa mehnat huquqlarini biron bir tarzda cheklashga asos bo'lmaydi va ishlangan vaqtga yoki ishlab chiqarilgan mahsulotga mutanosib ravishda haq to'lanadi.

Kanalga ulanish
@Ijtimoiyish kanalimizga obuna boʻling Ochish/sharhlash

2023-01-09 17:49:03 #Bilasizmi

Qonunchilikka ko'ra, ariza beruvchilar quyidagi huquqlarga egadirlar:

so'rovnomada maktabgacha ta'lim tashkilotining bola uchun to'g'ri keladigan yoshdagi bo'sh o'rinlarga ega bo'lgan guruhini (yo'llanma olish uchun) yoki bo'sh o'rinlarga ega bo'lmagan guruhini (navbatga kiritilishi uchun) ko'rsatish (tanlash);

bolani tug'ilgan vaqtdan boshlab maktabgacha ta'lim tashkilotiga navbatga qo'yish;

bir vaqtda uchtagacha maktabgacha ta'lim tashkilotiga bolani navbatga qo'yish;

xato kiritilgan ma'lumotlarni tuzatish;

davlat xizmati ko'rsatilayotgan har qanday bosqichda undan foydalanishni rad etish.

Kanalga ulanish
@ijtimoiyish kanalamizga aʼzo boʻling Ochish/sharhlash

2023-01-06 05:19:42 #Bilasizmi

Energetik ichimliklar tasviridan foydalanilgan futbolka va bosh kiyimlarni tarqatish mumkin emas

Energetik ichimliklar reklamasida quyidagilar taqiqlanadi:

soat 7:00 dan soat 22:00 ga qadar energetik ichimliklarni televidenie va radio orqali reklama qilish;

tashqi reklama va axborot obyektlari (konstruksiyalari) orqali energetik ichimliklarni reklama qilish;

energetik ichimliklar namunalarini voyaga yetmaganlar o'rtasida reklama qilish maqsadida bepul tarqatish;

voyaga yetmaganlarga energetik ichimliklarni reklama qilish;

asosan voyaga yetmaganlar uchun mo'ljallangan tadbirlarga homiylik qilish, agar bunda energetik ichimliklarning nomidan, tovar belgisidan (xizmat ko'rsatish belgisidan) yoki tasviridan foydalaniladigan bo'lsa;

voyaga yetmaganlar orasida energetik ichimliklarning nomidan, tovar belgisidan (xizmat ko'rsatish belgisidan) yoki tasviridan foydalanilgan tovarlarni (futbolkalar, bosh kiyimlar, o'yinlarni va boshqalarni) tarqatish, shu jumladan sotish;

asosan bolalar va o'smirlar uchun mo'ljallangan bosma nashrlarda, shuningdek tibbiyot, sport va ta'lim muassasalarida hamda tashkilotlarida energetik ichimliklarni reklama qilish;

energetik ichimliklardan foydalanilgan holda rag'batlantiruvchi aksiyalar o'tkazish.

Kanalga ulanish
@ojtimoiyish kanalimizga obuna boʻling Ochish/sharhlash