Ijodiyot

2023-01-07 19:51:46 “Meni hali eslab yurasiz”, —
dedi bir ayol.
“Yo'q, — dedi u. — Sizni
eslaydiganlar juda ko'p.
Men esa, hech kimi yo'q
bir ayolni eslayman,
Xudo xoxlasa;
hech kimi yo'q
bir ayolni sog'inaman,
Xudo xohlasa”.
Tashqarida —
xazon yog'ar.
“Qaysi yilning xazoni?
Bu suhbat
qaerdan keldi?
Nega buncha g'ussali? Nega
birdan sog'inch o'rtadi jonimni?
Hech kimi qolmadimikan u ayolning?
Bir o'zi yurganmikan dunyoda tentirab?
Izlab borsammikan?..”
Tashqarida —
Xazon. Shamol.
Kuz yomg'iri.
Nimalarni
xohlayapti
Parvardigor?
Yo'l esa,
uncha olis emas:
o'ttiz besh kuzakdan
o'tilsa,
bo'ldi.

Usmon Azim

@ijodiyot1 Ochish/sharhlash

2023-01-07 17:47:04 #ga_maktublar
Bir shahar, bir qishloq bagʻrida
Unchalik uzoqmas oramiz...
Hasratdan uy yasab gohida
Yolgʻizlik shahriga boramiz

Boramiz, men sensiz, sen mensiz
Koʻrmoqqa topilmas choramiz...
Ne uchun araz bor bilmaymiz
Chidolmay boshimiz yoramiz...

Qoʻy endi, dunyoda beayb kim?
Hammamiz banda-bechoramiz
Kel, yana dunyoni unutib
Sevgining shahriga boramiz...

Samijon Juraqulov

@ijodiyot1 Ochish/sharhlash

2023-01-07 17:46:14 Ona haqda sheʼr

Ona... Yotib olay oyoqlaringga
Indama. Unutay dunyo gʻamini,
Toʻldiray hayotim koʻsti kamini
Yoqayin shodlikning oʻchgan shamini
"Bolam de"- pichirla quloqlarimga...

Beozor boʻlmadim goʻdakligimda
"Beozorim" deding ichdim qoningni
Qoʻlimga tutqazding yeyar noningni
Bugun...
Bugun sogʻintirdim qiynab joningni
Ona, Yotib olay oyoqlaringga...

Qara, yorilibdi tovonginang ham
Meni deb shu holga tushganlaring rost
Kulganimda koʻkka uchganlaring rost
Yomgʻirdan panalab quchganlaring rost
Ona, yotib olay oyoqlaringga

Ona oʻzi bitta...
Ikki dunyomdamda ham oʻzing yagonam
Tabassuming uchun jonimni beray
Yelkamda koʻtaray, boshda koʻtaray
Agarda yoʻq desang munisim onam
Mayli, yotib olay oyoqlaringga

Samijon Juraqulov

@ijodiyot1 Ochish/sharhlash

2023-01-07 17:45:48 #ga_maktublar

Yozay deyman, yoza olmayman
Sen tomonga ikki jumla xat...
Qogʻoz uni koʻtarolmaydi
Yonib ketar, kul boʻlib ketar...

Aytay deyman, ayta olmayman
Sen tomonga ikki jumla soʻz.
Tilim uni soʻzlay olmaydi,
Tonib ketar, gung boʻlib ketar...

Boray deyman, bora olmayman
Sen tomonga ikki qadam. Bas,
Oyoqlarim yura olmaydi
Sinib ketar, yoʻq boʻlib ketar

Boʻldi seni oʻylamayman hech,
Oʻz kuningga baxtli boʻl dildor.
Ikkimizning hayotimiz ham
Yashnab ketar, gul boʻlib ketar...

Samijon Juraqulov

@ijodiyot1 Ochish/sharhlash

2023-01-07 17:45:21 #ga_maktublar

Muhabbatni erga berdi, Muhabbatni
Muhabbatxon yerga berdi muhabbatni
Yuragimni shagʻam qilib yoqib ketdi
Alam qildi, sheʼrga berdim muhabbatni.

Jim ketsang ham boʻlar edi, ey bevafo
Yor yor aytdi koʻchalarim toʻlib ketdi.
Yugurganmas, buyurganga nasib ekan
Qoʻl yetmadi bir begona ilib ketdi.


Onam aytdi: bitta qizga shuncha gʻavgʻo
Boʼldi endi men ham sening baxting koʻray.
Taqdir ekan qoʻy yigʻlama bolajonim
Alam qilsin, qoʻshnisini olib beray".

Muhabbatni erga berdi, Muhabbatni
Muhabbatxon yerga berdi, muhabbatni.
Sevgim bilan yashay dedim bir umrga
Vafodor deb sheʼrga berdim muhabbatni.


Samijon Juraqulov

@ijodiyot1 Ochish/sharhlash

2023-01-07 17:44:33 #ga_maktublar

Yaradorsan ona tabiat
Burningda qon, nafasing qora
Bir sen emas, oq sochli onam
Butun dunyo farzanding yara...

Yaradorsan, mushfiq munisim
Koʻzingda yosh, siynangda sut yoʻq.
Yuragingga olmagin soʻzim,
Bolalaring baʼzisi duduq

Yaralama dilni, yigʻlama
Darding ayon, oshkora menga
Bulari hech, hali qarab tur,
Ancha tovon toʻlaymiz senga..

Yaradorsan, quchoqqinang chok
Koʻzlaring ham qizarib qolgan.
Yer yuzida qancha zamondosh
Oʻzginangdan namuna olgan...

Senga oʻxshar maʼyus boqishi...

Samijon Juraqulov

@ijodiyot1 Ochish/sharhlash

2023-01-07 17:40:24 #ga_maktublar

Sevdik ham sevildik, kuldik, kuldirdik
Mahzun yuraklarni ishqqa toʻldirdik
Lek oʻzdan xafamiz..
Yurakdan xafa...

Kimlarga uzatdik, kimdan  tortdik qoʻl
Onaga shoh boʻldik, bir tannozga qul,
Oʻzdan ranjiganmiz,
Yurakdan xafa...

Samijon Juraqulov

@ijodiyot Ochish/sharhlash

2023-01-07 17:39:37 #ga_maktublar

Aytolmaysan, ayta olmayman
Yillar ortga qayta olmaydi
Sensizlikka chidamoq qiyin
Sensiz kulib yashab boʻlmaydi.

Aytolmaysan, soqovman men ham
Kipriklarda muhabbat soʻzlar
Bu dunyoda tirik ekansan
Yurak faqat, bir seni izlar

Aytolmaysan "sevaman" deya,
Jim boʻlishga mahkumman men ham...

Samijon Juraqulov

@ijodiyot1 Ochish/sharhlash

2023-01-07 17:39:10 #ga_maktublar
  Roʻyi rostni dedim haqiqat
  Saroblarni yolgʻonga yoʻydim.
  Oʻzim bilmay, oʻzim oʻylamay
  Qancha dushman orttirib qoʻydim.

  Miyigʻida kulib turardi
  Shubha gumon barini soʻydim.
  Ammo bir kun chalganda bildim
  Qancha dushman orttirib qoʻydim.

  Men kulmadim, loaqal bir bor
  Bevafolar kasridan kuydim.
  Toʻrt kun yashab koʻrmadim chin doʻst
   Qancha dushman orttirib qoʻydim

  Samijon Juraqulov

@ijodiyot1 Ochish/sharhlash

2023-01-07 17:38:21 ***


Endamaysan jim...
Hayot shuda: baʼzan kulasan
Goh yigʻlaysan. Gʻam-alamlardan
Jim ketasan: kulib oʻlasan.

Endamadim jim.
Oyoq bilan bosdi yurakni
Pichirladim, gʻudrandim asta
Bu olamda kimga keraksan?

Endamadi jim.
Na gapirdi, na bir bor boqdi
Dunyoga oʻt qoʻysa mayliydi
Dilda ne ayb: koʻngilni yoqdi

Bu olamda hech kim indamas
Hamma koʻrdir, hamma kar-saqov
Holing ne deb soʻramas birov
Dilni xorlar yana indamay

Samijon Juraqulov

@ijodiyot1 Ochish/sharhlash