IIV Jamoat xavfsizligi departamenti | Rasmiy kanal

#madaniy_ma‘rifiy_tadbir

Ayoli e‘zozlangan yurt

Oqqo‘rg‘on tumani markazidagi “Yoshlar bog‘i”da “Ayoli e‘zozlangan yurt” nomli ma‘naviy-ma‘rifiy tadbir bo‘lib o‘tdi.

Darhaqiqat, ayollarimizga yurtimizda yuksak ehtirom va e‘tibor qaratilmoqda. Ayollarning jamiyatdagi o‘rnini yanada mustahkamlash, kasb-hunarga yo‘naltirish, tadbirkor xotin-qizlarimiz safini yanada kengaytirish borasida keng qamrovli islohotlar olib borilmoqda.

Tuman oila va xotin-qizlar bo‘limi tashabbusi bilan tashkil etilgan tadbirga Bosh vazir o‘rinbosari Zulayho Mahkamova, tuman hokimi Alisher Karimdjanov ishtirok etdi.

Tadbirda tumanda faoliyat ko‘rsatayotgan hunarmand, kasanachi va tadbirkor ayollar ishlab chiqarayotgan mahsulotlar ko‘rgazmasi ham tashkil etildi.

Oqila ayollar, mahallardagi xotin-qizlar faollari sumalak tayyorlab tadbir ishtirokchilariga tarqatildi.

Elimiz suygan san‘atkorlar va tuman madaniyat bo‘limi xodimlarining kuy-qo‘shiqlari barchaga manzur bo‘ldi.

@IIVJXDUZ

G'ijduvon tumanida faoliyat olib boruvchi mahallalardagi profilaktika inspektorlari ishtirokida jinoyat va huquqbuzarliklarni oldini olish bo‘yicha «fuqarobay» ishlashning Buxoro tajribasini tatbiq qilish borasida seminarlar o‘tkazilmoqda.

Bunda hududlarning kriminogen vaziyatiga taʼsir qilayotgan shart-sharoit va omillar, umumiy, maxsus va yakka tartibda, shuningdek, kompleks yondashuv asosida amalga oshirilishi lozim bo‘lgan profilaktik tadbirlar samaradorligini oshirish, salmog‘i yuqori bo‘lgan jinoyatlarni oldini olishning o‘ziga xos xususiyatlarini inobatga olgan holda maxsus kontingent bilan ishlash borasida so‘z yuritildi.

Shuningdek, “Xavfsiz mahalla” tamoyili asosida respublika mahallalarida xavfsiz muhitni yaratish mexanizmlarini belgilash to‘g‘risida”gi qo‘shma Qarordan kelib chiqqan vazifalar ham birma-bir muhokama qilinmoqda.

@IIVJXDUZ