АЁЛ ИРОДАСИ 3-ҚИСМ. ДАВОМИ. Роббимга шукр ,менга сендай | Ibratli Hikoyalar | Ibratli So'zlar
АЁЛ ИРОДАСИ
3-ҚИСМ. ДАВОМИ.
Роббимга шукр ,менга сендай ой парча, зийрак, сендай меҳрибон ақллик қизни берди. Аканг укаларинг сингилларингни берди."Жоним қизим ,отангга яхшилаб қарагин,хўпми?"
Мени йўқлигимни билдирма.Мен отангни деб яшадим.
Бир бора уларни розиликларини олмай,остона хатлаб кўчага чикмадим.
Ҳатто Отамни Онамни согинсамда, ўз она уйимга деярли бормас эдим.Чунки Отанг ишдан келса ,нигоҳи мени излашини ва мени кўрмаса кайфияти тушиб кетишини,билар эдим.
Уларни ҳар қандай ҳолатда ҳам, тушуниб келдим.
Ёдингда бўлса керак, бир куни Отанг тайёр бетон қоришма буюртма килган эди.Отанг ишдалигида,буюртмани олиб келиб ,"Илтимос, бизни тушунинг, биз тушунмай қолибмиз, ишимиз шундай ҳозир ҳамма кун иссиқда, бетон қоришма буюртма қиладиган вақт ,жон
холажон, биз ноқулай аҳволга тушиб қолмайлик, илтимос,"
деб ташлаб кетишганда иккаламиз йўлакларни бетон қоришма билан теккислаб чиккан эдик.
"Ҳа Онажон" ,дея Оналарини ҳар бир сўзларини диққат билан тинглаётган Хонзода опа гапга қўшилдилар...
Сиз ,мен ,иккимиз ҳам қаттиқ чарчаган эдик, ўзиям қоришма қотиб қолмасин дея, роса тинмай ишлаган эканмиз, Онажон.
Иш тугаб ,хатто чой хам ичмай, сизни оёқларингизга бошимни қўйиб ухлаб қолган эканман, сиз мени чарчади ,дам олсин деб, ўрнимдан қўзғатмаган эдингиз, дея гапни орасида Онажонларини рўмолларини тўғрилаб, хонадаги уларни гапларини эшитиб ётган Жамила опа қараб,
"Сизни хам зериктириб юбордикми ?"табассум билан савол қилдилар ,Жамила опага.
Йўқ қизим ,дея жавоб бердилар Жамила опа, нега энди безовта қиласизлар ,ахир сизларку мени кунимга яраяткан, мени фарзандларим барчаси ишда бўлса?
Улар келгунча эса кун кеч бўлади, ишламаса яна бўлмайди, ахир хар нарсага пул керак бўлса ,аслида мен сендан узр сўрайман қизим, менга худди ўз Онангга қарагандай қарайсан, ишонмайсан ,балким аммо сени кўришим билан енгил тортаман, негадур роса сенга ўрганиб қолибман қизим...
Мен хам сизга боғланиб қолганман ,ахир сиз Онажонимни яқин дугоналарисизку ,Жамила опа яхшиям сиз борсиз, биз хотиржаммиз.
Онажоним сиз ҳақингизда кўп гапириб берадилар...
Онажон дея Хонзода опа. Оналарини кундан кунга сўлиб бораяткан, гул юзларига ўзгача меҳр билан назар солар эканлар, алланечук қалбларидаги Оналарига бўлган мухаббат уларни кўзларига ёш келишига сабаб бўлиб ўзлари сезмаган ҳолда йиғлаб юбордилар.
Яна кўз ёшми? , йиғламагин, сен кетасан.Мен эса ,сен яна келгунингча, кўнглим сенда бўлади,жоним қизим...
"Ҳўп бўлади ,Онажоним, мен йиғламайман, сиз хам йиғламанг, илтимос," дея Оналарини кўз ёшларини арта бошладилар...
Ҳўп ,мен хам йигламайман.Мен, сени шундай кулиб, гул юзинг яшнаб турганини, хотирамда сақлаб қолсам, ахир кўнглим сенлардаю ,жоним болам. Опоқдадангни, Бувингни , тоғаларингни ва қуёшим синглим Маҳсудамни согиндим.Уларни бир кўрсам эди. Маҳсудахон, жоним синглим, мени кўрганда худди Онасини бағрига отиладигандай отилади ,мени ягона синглим, мени қуёшим, мени дугонам, мени опам, мени, маслаҳатгўйим ,сени жудаям согиндим...Йўқ, уларга индама, келгани билан ёрдам беролмай, хафа бўлгани қолади ,йўқ болам, уларга индама.Қўй болам, силама оёқларимни ,улар сезишмайди.Ўзингни уринтирма, чарчаб қоласан.
Бирдан қоришма ёдларига келиб, тушкун аҳволдаги қизларини кўнглини кўтармоқчи бўлдилар...
Ҳа рост, Отанг ишдан келиб, гапира олмасдан ,иккаламизга қараб, "Э ,маладес " деб кулиб юборган эдилар. Ҳа ,Отанг роса хурсанд бўлган эдилар ,ўшанда бетонли текисланган ерларни кўриб .Ўша кунларим, энг бахтли кунларим экан ,ҳозир ўзимга қараб, шуларни ўйлайман.Жоним болам ,мен чарчадим ,уйга борақол ,ҳали укаларингга овкат қилишинг,Отангни кутиб олишинг керак...
Онажон, ёнингизда қолсам ,сиз қийналасиз...
Йўқ, ундай дема, қизим ёнимда қолганинг билан нима ўзгаради ? Эртага яна келасан, Отангни кўнглини кўтар,унга ҳозир жуда ҳам қийин.Мен йўқ, нима килишни ҳам билмай ,бошлари қотган ,сизларни ўйласинми, мени ўйласинми? .Ҳатто ,иш жойларида тушлик қилмайдилар.Пулни тежайдилар.Аҳир ,сизлар мени еттита кўз қувончимсизлар.
Борингизга шукр.!!!
Қанийди ,сени тўйингни кўрганимда эди...
#ДАВОМИ_БОР
•https://t.me/+ksQFxKpuWoU2MTk6
