Ибратли Ҳикоялар

2022-08-25 09:22:10 -Ҳа, ака.
-Буни ўзинг биладиган дачага олиб бор. Қамаб қўй.
Қизни олиб чиқиб кетишгач Зубайр яна бошини чангаллаб қолди.

Ҳозир Икромга қараб бир зумда ҳаёлидан ўтган гапларни қисқача тилига чиқарди.
-Менга панд берган бир ярамасни ушлаб олдим. У менга Асилхон нима учундир ўч олиш учун бир нечта одамни изидан иш қилаётганини айтди. Улар орасида Алияни эри, Икром ва мен бор эканман. Бу ўша ярамасни билгани, билмаганлари ҳам бўлиши мумкин экан.
-Асилхонни нима дарди бор биз билан.
-Мен ҳам шунга ҳайронман. Сен шу ярамасни яхшилаб кузат. У ҳам эҳтиётини қилиб олгандир.
Bexato:
-Сени бунақа ишларда танишларинг бор-ку.
-Яхши мен Алига айтаман. Аммо барибир уни нега биз билан ўчакишгани қизиқ.
-Энг қизиғи эса бу ёғига нима қилишимиз,- деди Зубайр. Энг кўп зарарни у кўрган эди. Иши деярли банкротлик даражасига етиб келганди.
-Асосийси жонимиз соғ бўлиши.
-Яна бир гап. Ёдгорни Асилхон билан тили бир.
-Ҳа. У ўзига яхши ҳомий топмади,- деди Алия.
-Уни ҳам кузатиш керак.
Уччаласи бу қийин вазиятдан қандай чиқиш ҳақида бош қотираётган бир пайтда Юсуф уларни қийнаётган саволга жавоб билан тўқнашиш арафсида эди.
Уч ойдан бери ҳомиладор бўлмаётгани учун шифокор кўригига борган Настаринга шифокор сиз соғломсиз турмуш ўртоғингиз анализ топширсин деб айтгач, Настарин хафа бўлмасин деб Юсуф ҳам шифокорга борди. Анализ натижалари унда ҳам яхши чиққач шифокор Настарин билан ёлғиз узоқ гаплашди. Уни олдидан қиз жуда хафа чиқди.
-Нима гап?- уйга келгунларича индамаган Юсуф Настаринни қаршисига ўтқизди.
- Муаммо мени миямда бўлиши мумкин экан. Бошимдан ўтган психологик жараёнлар таъсири деб таҳмин қиляпти.
-Вақт ўтиб ҳаммаси жойига тушиб кетади.
-Мени тезроқ фарзандли бўлгим келяпти. Сизга полвондек ўғилми, ширингина қизчами туғиб бергим келяпти.
Юсуф Настаринни бағрига босди.
-Ҳали бағримиз болаларга тўлиб кетади.
-Қачон?!
-Жуда бесабрсанда. Ўзинг айбдорсан,- кулди Юсуф,- мени қанча интизор қилдинг.
-Энди юзимга солаверманг,- деди эркалаб Настарин.
Юсуф аввалига қизни муҳаббатига эришишга ҳаракат қилган бўлса, энди уни муҳаббатини йигитни боғиб қўяй дерди. Бир гал ўқишдан қайтаётганларида Настаринни дугоналарини ҳам манзилларига ташлаб ўтишди. Машинада дугоналари билан суҳбатлашиб кетаётган эрига қизларни олдида тиржайиб турди-ю, уйга келишганида қовоқ солиб олди:
-Ҳамма қизларга шунақа ҳушмуомуламисиз?
-Бегона одамга яна қандай муомуола қилай.
-Яхши ҳам бегона экан. Яқин бўлса нима қилардингиз?
-Нега жаҳлингиз чиқяпти ўзи?
-Дугоналарим олдида шаҳзодаларга ўхшаб тутдингиз ўзингизни?
-Шаҳзодадан қаерим кам? Ёнимда маликам бўлса?- Настаринни бу гапдан чеҳраси очди-ю, барибир эрига пўпса қилиб қўйди
-Айтиб қўяй, агар биронта қизга менга қарагандек қарасангиз сизни ўлдираман.
-Вой-бў, шунақа қотил билан яшаяпманми ҳали?
-Ҳа,- аммо Настарин бу гапни эртаси куни ҳам давом этди.
-Дугоналаримга жуда ёқиб қолган экансиз. Айтиб унитишолмади-я.
-Яна шу гапми?
-Ҳа. Сиздек келишган, маданиятли, ҳушмуомула йигитни кўришмаган экан. Бунинг устига бойлигингизни қаранг.
-Энди гўзалим бекаму кўст бўлсам мендами айб,- гапни ҳазилга бурди йигит,- ҳа шунақа деб кетаверинг.
-Бўлди бугундан мени сизламанг. Сен деяверинг. Дугоналаримни роса ҳаваси келдия сиз дейишингизга. Вой шунақа эринг бўлса дейди. Тағин битта яримтаси йўлдан уришга тушмасин.
Юсуф Настаринни гапларини кулиб эшитиб ўтирарди.
-Бўпти. Сен нима десанг шу.
Настаринга аввалига эрини сенлаб гапириши бир оз ғалати эшитилдию, кейин кўникиб кетди. Юсуф қизга тўла эркинлик бериб қўйганди. Фақат кийиниши ўзгариши билан айтарди. Йигит танишлари билан шунчаки гаплашишини, учрашишини тақиқлаб қўйганди. Бир гал ўзи атайин эрини жаҳлини чиқса қандай тутаркан ўзини деб, телефонда курсдоши Малик билан узоқ кулиб гаплашди. Юсуфни кузатиб турганини сезиб турганди. У ўзига яқин келиши билан ҳайрлашиб, телефонини ўчирди. Ochish/sharhlash