Huquqiy Jamiyat

2022-08-30 18:29:16 #Poraxorlik #Korrupsiya

Pora berganlik uchun ham jinoiy javobgarlik belgilanganligini bilarmidingiz?

Pora olganlik kabi pora berganlik uchun ham jinoiy jazo belgilangan. Bunda asosan pora berishlikda, davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsining o‘z xizmat mavqeidan foydalangan holda sodir etishi lozim yoki mumkin bo‘lgan muayyan harakatni pora bergan shaxsning manfaatlarini ko‘zlab bajarishi yoki bajarmasligi evaziga qonunga xilof ekanligini bila turib bevosita yoki bilvosita moddiy qimmatliklar berish yoki mulkiy manfaatdor etish tushuniladi.

Quyidagi jazo choralari qo‘llaniladi:

BHM ning 50 baravaridan 100 baravarigacha miqdorda jarima;
2 yildan 5 yilgacha ozodlikni cheklash;
5 yilgacha ozodlikdan mahrum qilish.

P/s: Ushbu postni do‘stlaringizga ulashing va biz ushbu jinoyatga beriladigan jinoiy javobgarlikdan qutulish yo‘li haqida keyingi postlarimiz orqali ma'lumot berib o‘tamiz.

Kanalimizga obuna bo'ling:
@huquqiyjamiyat Ochish/sharhlash

2022-08-29 06:44:07 #Kontrakt #OTM #Online

Toʻlov-shartnomalarni olish toʻliq raqamlashtirildi

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovvoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-27 21:21:42 ​​#Qabul2022 #Natija

Yakuniy tanlov natijalari (mandat) e’lon qilindi

2022-2023-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi.

Tanlov natijalarini 6 xil usulda bilish mumkin.

my.dtm.uz sayti orqali:

my.dtm.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda.

mandat.dtm.uz sayti orqali:

mandat.dtm.uz saytining “Bakalavr-2022” bo‘limiga abituriyentning ID raqamini kiritgan holda.

SMS xabarnoma xizmati orqali:

5100 raqamiga abituriyentning ID raqami yuborilganda, mazkur telefon raqamiga tanlov natijalari bo‘yicha SMS xabarnoma yuboriladi (xizmat haqi mavjud).

Davlat test markazining quyidagi telegram botlari orqali (abituriyentning ID raqamini yuborgan holda):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-kod orqali:

Abituriyent ruxsatnomasining quyi qismidagi QR-kod (natijani ko‘rish uchun havola) ni skaner qilgan holda.

Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-27 07:43:58 ​​#Aliment #Kelishuv

Aliment to‘lash to‘g‘risidagi kelishuv (aliment miqdori, shartlari va to‘lash tartibi) aliment to‘lashi shart bo‘lgan shaxs bilan aliment oluvchi (agar aliment oluvchi muomalaga layoqatsiz bo‘lsa, uning qonuniy vakili) o‘rtasida tuziladi.

Kelishuv yozma shaklda tuzilib, notarial tartibda tasdiqlanishi lozim hamda ushbu kelishuv ijro varaqasi kuchiga ega bo‘ladi.

To‘lanadigan alimentlarning miqdorini taraflar shu kelishuvda belgilaydilar.

Voyaga yetmagan bolalarga aliment to‘lash to‘g‘risidagi kelishuvga binoan to‘lanadigan alimentning miqdori aliment sud tartibida undirilganda bolalar olishi mumkin bo‘lgan miqdordan kam bo‘lmasligi kerak.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-21 05:00:01 ​​#hafta_dayjesti #mundarija

Aliment va uning miqdori qancha ekanligini bilasizmi?

Jarimalar miqdori bilan tanishing.

Mast holatda mashina haydash taqiqlanadi.

Ta'lim krediti haqida ma'lumotga ega bo‘ling.

Xotin-qizlarga 7 yilga foizsiz ta’lim krediti beriladi.

Pornografik mahsulotlarni tarqatish jinoiy javobgarlik keltirib chiqaradi.

Qarz shartnomasi haqida so‘z yuritamiz.

Tuhmat va haqorat qilganlik uchun jazo muqarrar.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-20 10:00:44 #Haqorat #Tuhmat

Sizga kimdir tuhmat qildimi yoki sizni haqorat qilishdimi? Ushbu harakatlar uchun qonuniy jazo muqarrar ekanligini bilasizmi?

Shaxsni haqorat yoki unga tuhmat qilganlik uchun birinchi galda ma'muriy jazo va ushbu harakat bir yil davomida takror sodir etilsa jinoiy javobgarlik kelib chiqadi.

Tuhmat - bu bila turib yolg‘on, boshqa bir shaxsni sharmanda qiluvchi uydirmalarni tarqatish.

Haqorat qilish - shaxsning sha'ni va qadr-qimmatini qasddan kamsitish.

O‘zbekiston Respublikasi Ma'muriy javobgarlik to‘g‘risidagi kodeksga ko‘ra:

Tuhmat qilganlik uchun BHM ning 20 baravaridan 60 baravarigacha miqdorda;(6 mln so'mdan 18 mln so'mgacha)
Haqorat qilganlik uchun esa BHM ning 20 baravaridan 40 baravarigacha miqdorda jarima solishga sabab bo‘ladi. (6 mln so'mdan 12 mln so'mgacha)

Agar ushbu huquqbuzarlik 1 yil davomida takroran sodir etilsa, huquqbuzarlikka nisbatan jinoiy javobgarlik belgilanadi.

O‘zbekiston Respublikasi Jinoyat kodeksiga binoan shaxsga:

Tuhmat qilganlik uchun:

BHM ning 200 baravarigacha miqdorda jarima; (60 mln so'mgacha)
300 soatgacha majburiy jamoat ishlari;
2 yilgacha axloq tuzatish ishlari,

Haqorat qilganlik uchun esa:

BHM ning 200 baravarigacha miqdorda jarima; (60 mln so'mgacha)
240 soatgacha miqdorda majburiy jamoat ishlari;
1 yilgacha axloq tuzatish ishlari bilan jazolanadi.

Qo'shimcha malumot:

Nashr qilish yoki boshqacha usulda ko‘paytirilgan tarzda, shu jumladan ommaviy axborot vositalari, telekommunikatsiya tarmoqlarida yoki Internet jahon axborot tarmog‘ida joylashtirish orqali tuhmat qilish yoki haqorat qilish bevosita jinoiy javobgarlikni keltirib chiqaradi va aybdor:

60 mln so‘mdan 120 mln so‘mgacha jarima;
240 soatdan 300 soatgacha majburiy jamoat ishlari;
1 yildan 2 yilgacha axloq tuzatish ishlari bilan jazolanishi mumkin.

P/s: Ijtimoiy tarmoqlarda foydalanishda hushyorlikni saqlashni maslahat beramiz. Chunki yuqorida bayon qilganimizdek, ijtimoiy tarmoqlarda yozilgan izohlardagi tuhmat, haqoratlar uchun to‘gridan to‘g‘ri jinoiy javobgarlik kelib chiqadi.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-19 12:29:46 #Qarz

Qarz - bir taraf ikkinchi tarafga pul yoki boshqa ashyolarni mulk qilib berishi, qarz oluvchi esa qarz beruvchiga bir yo‘la yoki bo‘lib-bo‘lib, o‘shancha summadagi pulni yoki qarzga olingan ashyolarning xili, sifati va miqdoriga baravar ashyolarni (qarz summasini) qaytarib berish majburiyatini olishidir.

Qarz shartnomasi og'zaki yoki yozma shaklda tuziladi.

Agar qarz summasi BHM 10 baravaridan ortiq bo'lsa qarz shartnomasi yozma tuzilishi shart.

Agar qarz oluvchining tilxati yoki unga qarz beruvchi tomonidan muayyan summa yoki muayyan miqdordagi ashyolar topshirilganligini tasdiqlaydigan boshqa hujjat mavjud bo‘lsa, qarz shartnomasi yozma shaklda tuzilgan hisoblanadi.

Qarz shartnomasining yozma shakliga amal qilmaslik uning haqiqiy emasligiga olib kelmaydi, biroq nizo chiqqan taqdirda taraflarni bitimning tuzilganligini, mazmunini yoki bajarilganligini guvohlarning ko‘rsatuvlari bilan tasdiqlash huquqidan mahrum qiladi. lekin boshqa vositalar bilan isbotlash mumkin (masalan audioyozuv, telefon suhbati yozuvi)

Qarz oluvchi olingan qarz summasini qarz shartnomasida nazarda tutilgan muddatda va tartibda qarz beruvchiga qaytarishi shart.

Agar qarz summasini qaytarish muddati shartnomada (ogzaki ham) belgilangan bo‘lmasa, qarz oluvchi uni qarz beruvchi qarzni qaytarish haqida talab qo‘ygan kundan boshlab o‘ttiz kun mobaynida qaytarishi kerak.

Agarda qarz oluvchi qarzni vaqtida qaytarmasa yoki toliq qaytarmasa qarz beruvchi qarzni undirib berishini so`rab Fuqarolik sudiga da'vo arizasi bilan murojaat qilishi mumkin.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimizga obuna bo'ling:
@huquqiyjamiyat Ochish/sharhlash

2022-08-17 17:16:26 ​​#Stop_porno

Pornografik mahsulotlarni tarqatish jinoiy javobgarlik keltirib chiqarishini bilasizmi?

Aslida jinoiy javobgarlik kelib chiqishidan avval ma'muriy javobgarlik yuzaga keladi. O'zbekiston Respublikasi Ma'muriy javobgarlik to'g'risidagi kodeksning 189-moddasiga ko'ra:

pornografik mahsulotlarni tayyorlash;
olib kirish;
tarqatish;
uni reklama qilish;
namoyish etish;
OAV hamda telekommunikatsiya tarmoqlarida, shuningdek Internet jahon axboroti tarmog'ida reklama qilish, namoyish etish, tarqatganlik natijasida - pornografik mahsulotni, shu jumladan uni tayyorlash, tarqatish, reklama qilish va namoyish etish vositalarini musodara qilgan holda:

1. fuqarolarga - bazaviy hisoblash miqdorining ellik baravaridan to'rt yuz baravarigacha miqdorda jarima
2. mansabdor shaxslar uchun - yuz baravaridan to'rt yuz ellik baravarigacha miqdorda jarima solinishiga olib kelinadi.

Fuqaro yoki mansabdor shaxs ushbu harakatlarni ma'muriy jazo qo'llanilganidan keyin ham sodir etadigan bo'lsa O'zbekiston Respublikasi Jinoyat kodeksining 130-moddasida nazarda tutilgan quyidagi jazolardan biri qo'llanilishi mumkin:

- bazaviy hisoblash miqdorining to'rt yuz baravaridan olti yuz baravarigacha miqdorda jarima;
- uch yuz oltmish soatgacha majburiy jamoat ishlari;
- uch yilgacha axloq tuzatish ishlari.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimiz manzili:
@huquqiyjamiyat Ochish/sharhlash

2022-08-16 10:22:49 #Xushxabar

Xotin-qizlarga 7 yilga foizsiz ta’lim krediti beriladi.

Prezident qaroriga ko‘ra, oliy hamda o‘rta maxsus va professional ta’limda tahsil oluvchi xotin-qizlarga 7 yilga 14 foizlik ta’lim kreditlari ajratiladi. Bunda foiz stavkalarini Moliya vazirligining jamg‘armasi qoplab beradi. Xotin-qizlar esa asosiy qarzni o‘qishni tamomlagach, 7 yil davomida to‘laydi.

18 iyul kuni prezident «Oliy, o‘rta maxsus va professional ta’lim tashkilotlarida xotin-qizlarning ta’lim olishlarini qo‘llab-quvvatlashga doir chora-tadbirlar to‘g‘risida»gi qarorga imzo chekdi.

Unga ko‘ra, 2022/2023 o‘quv yilidan boshlab barcha xususiy, xorijiy va davlat oliy, o‘rta maxsus va professional ta’lim tashkilotlarida kunduzgi, sirtqi va kechki ta’lim shaklida xotin-qizlarning to‘lov-kontrakt asosida tahsil olishi uchun imtiyozli shartlarda ta’lim kreditlarini davlat budjetidan ajratishning yangi tizimi joriy etiladi.

Tijorat banklari Moliya vazirligi tomonidan joylashtiriladigan depozit mablag‘lari hisobidan ta’lim kreditlarini 7 yil muddatga 14 foiz stavkada ajratadi. Bunda kreditning foiz stavkalarini so‘ndirish Moliya vazirligi huzuridagi Ta’lim kreditini moliyalashtirish jamg‘armasi mablag‘lari hisobidan, ularni tijorat banklariga to‘lash orqali amalga oshiriladi.

Sodda qilib aytadigan bo'lsak, talaba qizlar kredit foizini to‘lamaydi. Faqatgina kreditning asosiy qismini rasmiy o‘qish muddati tugagandan so‘ng, yettinchi oydan boshlab 7 yil davomida to‘lashi kerak bo‘ladi.

Imtiyozli ta’lim kreditini rasmiylashtirish uchun quyidagilar talab etiladi:

imtiyozli ta’lim krediti olish to‘g‘risidagi tijorat bankiga ariza;
kredit oluvchining shaxsini tasdiqlovchi hujjati;
ta’lim muassasasining to‘lov-kontrakt shartnomasi;
kredit oluvchining doimiy daromad manbaiga ega bo‘lgan oila a’zolari (ota-onasi, aka-ukasi, opa-singlisi, turmush o‘rtog‘i) yoki uchinchi shaxs birgalikda qarz oluvchining tijorat bankining kredit siyosati va ichki tartibiga muvofiq imtiyozli ta’lim krediti qaytarilishining ta’minoti bo‘yicha hujjat.

Bunda, «Ijtimoiy himoya yagona reyestri»ga kirgan oilalarning xotin-qizlariga ajratiladigan imtiyozli ta’lim krediti bo‘yicha garov va kafillik talab etilmaydi.

Imtiyozli ta’lim krediti tabaqalashtirilgan to‘lov-kontraktni va tabaqalashtirilgan to‘lov-kontraktning minimal miqdoriga teng bo‘lgan bir martalik boshqa to‘lovlarni amalga oshirish uchun hamda qo‘shma ta’lim dasturlarining O‘zbekistondan tashqaridagi o‘qish davri uchun ajratilmaydi.

Qo'shimcha ma'lumot:

Ko‘plab fuqarolar tomonidan bildirilgan takliflar inobatga olingan holda qarorga muvofiq professional ta’lim muassasalari hamda ta’lim muassasalarining sirtqi va kechki ta’lim shaklida o‘qiyotgan talabalar uchun ham imtiyozli ta’lim krediti ajratilishi yo‘lga qo‘yilmoqda.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimiz manzili:
@huquqiyjamiyat Ochish/sharhlash

2022-08-16 10:05:20 #Talim_krediti

To‘lov-kontrakt asosida o‘qish uchun ta’lim kreditlarini ajratish tartibi quyidagicha:

Ta’lim kreditlari ta’lim tashkilotlari bakalavr hamda magistraturaning kunduzgi, sirtqi va kechki ta’lim shaklida to‘lov-kontrakt asosida o‘qishga tavsiya etilgan yoki qabul qilingan, shuningdek o‘qishini ko‘chirgan O‘zbekiston fuqarosi bo‘lgan talabalarga beriladi.

Bunda, kredit oluvchining doimiy daromad manbaiga ega oila a’zolari (ota-onasi, aka-ukasi, opa-singlisi, eri yoki xotini) yoki vasiylari birgalikda kredit oluvchi sifatida qatnashishi mumkin.

Ta’lim kreditining asosiy qarzi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi.

Ta’lim kreditini olish uchun Moliya vazirligining rasmiy veb-saytida e’lon qilingan tijorat banklariga quyidagi hujjatlar taqdim etiladi:

ariza;
to‘lov-kontrakt shartnomasi va unga ilova qilinadigan hisob varaqasi/fakturasi (mavjud bo‘lganda). Shartnomada o‘qishni tamomlashning belgilangan muddati va bir yil uchun to‘lov miqdori ko‘rsatilgan bo‘lishi lozim;
ta’lim krediti qaytarilishining ta’minoti bo‘yicha hujjat. Bunda “Ijtimoiy himoya yagona reyestri”ga kirgan oilalarning farzandlariga ajratiladigan ta’lim krediti bo‘yicha garov va kafillik talab etilmaydi;
“Ijtimoiy himoya yagona reyestri”ga kiritilganligini tasdiqlovchi ma’lumotnoma (“Ijtimoiy himoya yagona reyestri”ga kiritilgan oilalar farzandlari uchun);
birgalikda kredit oluvchiga tegishli ma’lumot.

Hujjatlar 5 ish kunida ko‘rib chiqiladi.

Ta’lim krediti shartnomasi to‘lov-kontrakt shartnomasida ko‘rsatilgan bir yillik to‘lov summasiga teng miqdordagi summaga tuziladi.

Ta’lim krediti kredit oluvchiga Markaziy bankning asosiy stavkasi miqdorida ajratiladi.

Bunda, Markaziy bankning asosiy stavkasi pasaytirilgan taqdirda, ta’lim krediti bo‘yicha foiz stavkasi mutanosib ravishda pasayadi, Markaziy bankning asosiy stavkasi oshirilgan taqdirda esa ta’lim krediti bo‘yicha foiz stavkasi o‘zgarishsiz qoladi.

Mazkur tartib:

chet el fuqarolari va fuqaroligi bo‘lmagan shaxslarga;
tijorat banklari tomonidan Jamg‘arma mablag‘laridan tashqari boshqa manbalar hisobidan beriladigan ta’lim kreditlariga nisbatan tatbiq etilmaydi.

Tabaqalashtirilgan to‘lov-kontraktni va uning minimal miqdoriga teng bir martalik boshqa to‘lovlarni amalga oshirish uchun ta’lim krediti ajratilmaydi.

Qo'shimcha ma'lumot:

Hozirgi kunga ta'lim kreditining Markaziy bank foiz stavkasi 14% ni tashkil etadi. Lekin boshqa tijorat banklarida ta'lim kreditining foiz stavkasi farq qilishi mumkin.

Agar ushbu ma'lumotlar foydali bo'lgan bo'lsa, uni boshqalarga ham ulashing:

Kanalimiz manzili:
@huquqiyjamiyat Ochish/sharhlash