Huquqiy axborot | Lotin

2022-08-27 15:04:14 #Bilasizmi

Bolaning tug'ilishini qayd etish majburiy bo'lib, bola tug'ilgan joydagi yoki ota-onasidan birining doimiy yashash yoki vaqtincha turgan joyidagi FHDY organi tomonidan bevosita yoki DXM orqali amalga oshirilishi lozim.

Tug'ilganlikni qayd etish uchun quyidagilar taqdim etiladi:

bola tug'ilganligi to'g'risidagi tibbiy ma'lumotnoma;
ota-onalarining pasportlari yoki ularning o'rnini bosuvchi hujjatlar;
nikoh tuzilganligi to'g'risidagi gerbli guvohnoma yoki otalikni belgilash haqidagi ariza yoxud nikohda bo'lmagan onaning arizasi.

Tug'ilganlik haqidagi ariza bola tug'ilgan kundan boshlab 1 oy muddat mobaynida og'zaki yoki yozma shaklda berilishi zarur.

Kanalga ulanish
https://t.me/huquqiyaxborot_lotin Ochish/sharhlash

2022-08-27 11:07:48 #Bilasizmi

Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, undan keyingi birinchi ish kuni muddatning tugash kuni hisoblanadi.

Kanalga ulanish
https://t.me/huquqiyaxborot_lotin Ochish/sharhlash

2022-08-27 08:29:42 #Bilasizmi

Tibbiyot sohasida nogironligi bo‘lgan shaxslar uchun beriladigan ayrim imtiyozlar

I va II guruh nogironligi bo‘lgan shaxslar:

barcha respublika ixtisoslashtirilgan ilmiy-amaliy tibbiyot markazlarida bepul davolanadi;

Sog‘liqni saqlash vazirligi tizimining turg‘un davolash-profilaktika muassasalarida ovqatlanish to‘lovidan ozod qilinadi;

viloyat ko‘p tarmoqli tibbiyot markazlarida bepul yordam olish huquqiga ega;

Bandlik va mehnat munosabatlari vazirligining keksalar va nogironligi bo‘lgan shaxslar, urush va mehnat faxriylari uchun sanatoriylariga bepul yo‘llanmalar olish huquqiga ega.

Shuningdek, I va II guruh nogironligi bo‘lgan shaxslar va nogironligi bo‘lgan bolalar xususiy tibbiyot muassasalarida (stomatologiya va kosmetologiya xizmatlari ko‘rsatuvchi muassasalar bundan mustasno) bepul tibbiy xizmatlardan foydalanish huquqiga ega.

Kanalga ulanish
https://t.me/huquqiyaxborot_lotin Ochish/sharhlash

2022-08-26 16:28:51 #Bilasizmi

Ayrim faoliyat turlari bo'yicha litsenziyalar 5 yil muddatga beriladi

Faoliyatning litsenziyalanadigan turlarini (kichik turlarini) amalga oshirish uchun litsenziyalar ularning amal qilish muddati cheklanmagan holda beriladi, quyidagilarni amalga oshirish uchun litsenziyalar bundan mustasno:

tibbiy faoliyat;
farmasevtika faoliyati;
mineral o'g'itlarning, o'simliklarni himoya qilish uchun foydalaniladigan kimyoviy vositalarning ulgurji va chakana savdosi bo'yicha faoliyat;
giyohvandlik vositalari, psixotrop moddalar va prekursorlarning muomalada bo'lishi bilan bog'liq faoliyat;
tarkibida tetragidrokannabinol giyohvandlik vositasining miqdori 0,2 foizgacha bo'lgan kannabis o'simligini giyohvandlik vositalari va psixotrop moddalarni ishlab chiqarish yoki tayyorlash bilan bog'liq bo'lmagan sanoat maqsadlarida yetishtirish, olib kirish (olib chiqish), qayta ishlash, saqlash, realizatsiya qilish (berish), olish va tashish faoliyati;
ko'chma radiotelefon (uyali) aloqadan va teleradioeshittirishlarni tarqatish tarmoqlaridan foydalanish hamda ularning xizmatlarini ko'rsatish bilan bog'liq faoliyat;
neftni, gazni (shu jumladan siqilgan tabiiy va suyultirilgan uglevodorod gazini) hamda gaz kondensatini qazib olish, qayta ishlash va realizatsiya qilish sohasidagi faoliyat;
affinaj faoliyati.

Ushbu faoliyat turlarini amalga oshirish uchun litsenziyalarning amal qilish muddatlari faoliyatning ayrim turlarini litsenziyalash to'g'risidagi nizomlarda va ularning pasportlarida belgilanadi, lekin bu muddatlar 5 yildan kam bo'lmasligi kerak.

Litsenziyaning amal qilish muddati tugagach, u litsenziatning arizasiga ko'ra uzaytirilishi mumkin.

Kanalga ulanish
https://t.me/huquqiyaxborot_lotin Ochish/sharhlash

2022-08-26 15:03:51 #Bilasizmi

Birinchi sinf, “Mehribonlik” uyi, maxsus maktab, maktab-internatlari va ijtimoiy yordamga muhtoj oilalar o'quvchilari maktabning kutubxona jamg'armasi tomonidan darsliklar to'plami bilan bepul ta'minlanadi.

Bunda ijtimoiy yordamga muhtoj oilalar o'quvchilari ro'yxati 1-sentyabrgacha fuqarolar yig'ini iltimosnomasi va ota-onalar qo'mitasi xulosasi asosida maktabning pedagogik kengashi tomonidan tasdiqlanadi.

Kanalga ulanish
https://t.me/huquqiyaxborot_lotin Ochish/sharhlash

2022-08-26 13:13:51 #Bilasizmi

Yotoqxona bilan qamrab olinmagan va o'ziga, shu jumladan ota-onasi (qonuniy vakillari)ga tegishli bo'lmagan uyda ijarada yashaydigan davlat OTM talabalarining 60 foiziga ular tomonidan to'lanadigan oylik ijara to'lovining 50 foizi Davlat byudjeti hisobidan qoplab beriladi.

Bunda:

ijara to'lovining qoplab beriladigan qismi Toshkent shahrida – BHMning 1 baravari (300 ming so'm), qolgan hududlarda – BHMning 0,5 baravaridan (150 ming so'mdan) oshmasligi lozim;

ijara to'lovining qoplab beriladigan qismi birinchi navbatda ehtiyojmand oila farzandlariga, o'rnak ko'rsatgan va faol talabalar uchun qoplab beriladi;

OTM tomonidan ularning byudjetdan tashqari mablag'lari hisobidan ijara huquqi asosida yashaydigan boshqa talabalarga ham oylik ijara to'lovining bir qismi qoplab berilishi mumkin.

Kanalga ulanish
https://t.me/huquqiyaxborot_lotin Ochish/sharhlash

2022-08-26 11:13:51 #Bilasizmi

Haydovchilar yo'l-transport hodisalari bo'yicha IIB xodimlarisiz hodisa to'g'risidagi xabarnomani tuzishi mumkin

Xabarnomani tuzish uchun bir vaqtning o'zida quyidagilar asos bo'ladi:

jabrlanuvchiga yengil jarohat yetmaganida yoki mol-mulk shikastlanmaganida;
ishtirokchilardan biri o'z aybiga iqror bo'lganida;
hodisa piyoda ishtirokisiz sodir etilganida;
hodisa faqat 2 ta transport ishtirokida bo'lganida;
ishtirokchilarning fuqarolik javobgarligi sug'urta qilingan bo'lsa;
haydovchilik guvohnomasi, ro'yxatdan o'tkazganlik to'g'risidagi guvohnoma, ishonchnoma, yo'l varaqasi mavjudligi;
haydovchilar mast bo'lmasa;
transportlarning shikastlanishi nizoni keltirib chiqarmasa.

Xabarnoma hodisa sodir bo'lgan joyda darhol ikki nusxada tuziladi.

Xabarnoma quyidagi hujjatlar bilan 3 ish kunida sug'urtalovchilarga yuboriladi:

hodisa joyining, transportlarning fotosurati;
haydovchilarning sug'urta hodisasini to'g'ridan-to'g'ri hal etish to'g'risidagi arizalari;
haydovchilarning mastligini aniqlash to'g'risidagi bayonnoma;
haydovchilarning hujjatlari, ro'yxatdan o'tkazilganlik haqidagi hujjatlarning ko'chirma nusxalari, sug'urta polisining ko'chirma nusxalari.

Kanalga ulanish
https://t.me/huquqiyaxborot_lotin Ochish/sharhlash

2022-08-26 09:13:52 #2022_yil_1_sentyabrdan

Ijtimoiy sug'urta jamg'armasi hisobidan davlat ijtimoiy sug'urtasi bo'yicha minimal iste'mol xarajatlaridan kelib chiqib homiladorlik va tug'ish nafaqalari to'lanadi.

Bunda, xodimning ish stajida 1 oygacha bo'lgan tanaffuslar mavjud bo'lsa ushbu tanaffuslardan oldingi va keyingi oylar ketma-ket ish stajini hisoblashda qo'llaniladi.

Kelgusida davlat ijtimoiy sug'urtasi bo'yicha beriladigan nafaqalar “Ijtimoiy himoya yagona reyestri” axborot tizimi orqali bosqichma-bosqich to'lanadi.

Kanalga ulanish
https://t.me/huquqiyaxborot_lotin Ochish/sharhlash

2022-08-26 07:42:06 #Qonunchilikdagi_yangiliklar

Qoraqalpog'iston Respublikasi va Xorazmdagi boshlang'ich sinf o'quvchilarini ovqatlantirish tartibi belgilandi

“Qoraqalpog'iston Respublikasi va Xorazm viloyatida joylashgan umumiy o'rta ta'lim muassasalarida sog'lom ovqatlantirish tizimini yanada takomillashtirish chora-tadbirlari to'g'risida”gi Hukumat qarori (472-son, 25.08.2022-y.) qabul qilindi

Qoraqalpog'iston Respublikasi va Xorazm viloyatida tajriba tariqasida boshlang'ich sinf o'quvchilariga byudjet hisobidan bepul ovqat bilan ta'minlash tizimi joriy etilgan.

Qaror bilan yuqoridagi hududlardagi maktablarda sog'lom ovqatlantirish tizimini keytering usulida tashkil etishga oid nizom tasdiqlandi.

Nizomda keytering usulida xizmat ko'rsatuvchi tashkilotlar tanlovini o'tkazish, hisob-kitob qilish, taomlar ustidan nazorat qilish tartibi belgilangan.

Xususan, o'quvchilar maktabda bir kunda bir mahal ovqatlantiriladi.

Ovqatlarni nazorat qilish uchun maktablarda 5 kishilik (direktor, hamshira va ota-onalar vakillari) maxsus komissiya tuziladi.

Kundalik taomnomaning ro'yxati “kundalik.com” platformasi orqali yuritiladi.

Keytering – hududlarda masofaviy usulda umumiy ovqatlanish xizmatlarini ko'rsatish orqali ovqatlanishni shartnoma asosida tashkil etish, ovqatlarni tayyorlash, yetkazib berish va tayyor pazandachilik mahsulotlarining chakana savdosini amalga oshirish xizmatlarini ko'rsatish.

Kanalga ulanish
https://t.me/huquqiyaxborot_lotin Ochish/sharhlash

2022-08-25 17:53:52 #Qonunchilikdagi_yangiliklar

Abu Rayhon Beruniy tavalludining 1050 yilligi keng nishonlanadi

“Buyuk mutafakkir va qomusiy olim Abu Rayhon Beruniy tavalludining 1050 yilligini xalqaro miqyosda keng nishonlash to'g'risida”gi Prezident qarori (PQ–361-son, 25.08.2022-y.) qabul qilindi

Qarorga ko'ra, 2022–2023-yillarda buyuk mutafakkir va qomusiy olim Abu Rayhon Beruniy tavalludining 1050 yilligi YUNESKO shafeligida xalqaro miqyosda keng nishonlanadi.

Shunga asosan, jumladan:

“Buyuk Beruniy merosi” xalqaro sayyohlik marshrutlari yo'lga qo'yiladi;
2023-yil yakunigacha Qoraqalpog'iston Respublikasi Beruniy tumanida Abu Rayhon Beruniy majmuasi quriladi;
alloma ilmiy-ijodiy merosiga mansub qo'lyozma va boshqa madaniy boyliklar restavratsiya qilinadi;
Fanlar akademiyasining Qoraqalpog'iston bo'limi va Xorazm Ma'mun akademiyasida madaniy meros obyektlarini restavratsiya qilish va konservatsiya qilishga ixtisoslashgan laboratoriya tashkil qilinadi;
o'quvchilar o'rtasida Xorazm viloyatida tegishli fan bo'yicha Abu Rayhon Beruniy nomidagi xalqaro fan olimpiadasi o'tkaziladi.

Shuningdek, Abu Rayhon Beruniy nomidagi xalqaro mukofot ta'sis etiladi.

2022-yil dekabrgacha “Beruniy va yoshlar” maxsus dasturi ishlab chiqilib, mutafakkir hayotiga oid ma'lumotlar, uning ilmiy-ma'rifiy asarlari jamlangan mobil ilova yaratiladi.

Qarorga ko'ra, allomaning to'liq asarlari turkumini o'zbek, qoraqalpoq, rus, ingliz, arab va fors tillarida nashr etish choralari ko'riladi.

Kanalga ulanish
https://t.me/huquqiyaxborot_lotin Ochish/sharhlash