Huqıqıy málimleme QR

2022-08-27 06:58:57 Ochish/sharhlash

2022-08-26 16:01:58 #Bilesiz_be?

Birinshi klass, “Mehribanlıq” úyi, arnawlı mektep, mektep-internatları hám sociallıq járdemge mútáj shańaraqlar oqıwshıları mekteptiń kitapxana qorı tárepinen sabaqlıqlar toplamı menen biypul támiyinlenedi.

Bunda sociallıq járdemge mútáj shańaraqlar oqıwshıları dizimi 1-sentyabrge shekem puqaralar jıyını iltimasnaması hám ata-analar komiteti juwmaǵı tiykarında mekteptiń pedagogikalıq keńesi tárepinen tastıyıqlanadı.

Kanalǵa jalǵanıw
@huqiqiymalimleme Ochish/sharhlash

2022-08-26 13:17:24 Orınbaev Amanbay Tleubaevich Qaraqalpaqstan Respublikası Joqarǵı Keńesiniń baslıǵı lawazımına saylandı.

Qaraqalpaqstan Respublikası Konstituciyasınıń 80-statyasına tiykar Qaraqalpaqstan Respublikası Joqarǵı Keńesiniń Baslıǵı Joqarǵı Keńes tárepinen Ózbekstan Respublikası Prezidentiniń kelisimi menen Qaraqalpaqstan Respublikası Joqarǵı Keńesiniń deputatlarınıń arasınan jasırın dawıs beriw jolı menen saylanadı.

Sessiyada Prezidentimiz Amanbay Orınbaevtiń basshılıq qábileti, watan súyiwshiligi hám adamgershilik pazıyletlerin, sonday-aq, aymaqtı rawajlandırıw baǵdarındaǵı usınısların esapqa alıp, onıń kandidaturasına óz razılıǵın bildirdi.

Usınnan soń, Joqarǵı Keńes Baslıǵın saylaw máselesi dawısqa qoyıldı. Jasırın dawıs beriw jolı menen Orınbaev Amanbay Tleubaevich bir dawıstan Qaraqalpaqstan Respublikası Joqarǵı Keńesiniń baslıǵı lawazımına saylandı.

Derek: https://t.me/Press_Secretary_Uz

Kanalǵa jalǵanıw
@huqiqiymalimleme Ochish/sharhlash

2022-08-26 10:06:21 #2022_jıl_1_sentyabrden

Sociallıq qamsızlandırıw qorı esabınan mámleketlik sociallıq qamsızlandırıw boyınsha minimal tutınıw qárejetlerinen kelip shıǵıp hámiledarlıq hám tuwıw napaqaları tólenedi.

Bunda, xızmetkerdiń is stajında 1 ayǵa shekem bolǵan tánepisler bar bolsa usı tánepislerden aldınǵı hám keyingi aylar izbe-iz is stajın esaplawda qollanıladı.

Aldaǵı waqıtta mámleketlik sociallıq qamsızlandırıw boyınsha beriletuǵın napaqalar “Sociallıq qorǵaw birden-bir reestri” málimleme sisteması arqalı basqıshpa-basqısh tólenedi.

Kanalǵa jalǵanıw
@huqiqiymalimleme Ochish/sharhlash

2022-08-26 09:02:11 Kóshpes múlk satıp alıw qarsańında bolsańız hámde hár túrli qolaysız hám jaǵımsız jaǵdaylarǵa túsip qalmawdı qáleseńiz, onda usı obekt buzılıwǵa túsken yamasa túspegenligi haqqında maǵlıwmatqa iye bolıwdı usınıs etemiz.

Bunı qalay ámelge asıramız?

Júdá ápiwayı. Siz onlayn túrde– my.gov.uz yamasa oflayn túrde – Mámleketlik xızmetler orayları arqalı múrájat etip, málim bir kóshpes múlk buzılıwǵa túsken yamasa túspegenligi haqqında maǵlıwmatnama alıwıńız múmkin.

Xızmetten paydalanıw ushın tek ǵana kóshpes múlk obektiniń kadastr nomeri kerek boladı.

Xızmetten fizikalıq hám yuridikalıq shaxslar paydalanıwı múmkin.

Xızmet bahası BEMnıń 4,5 – 5 procenti muǵdarında.
Xızmet kórsetiw múddeti – 3 jumıs kúni.

Kanalǵa jalǵanıw
@huqiqiymalimleme Ochish/sharhlash

2022-08-26 08:07:29 #Nızamshılıqtaǵı_jańalıqlar

Abu Rayxan Beruniy tuwılǵanınıń 1050 jıllıǵı keńnen belgilenedi

“Ullı oyshıl hám enciklopediyalıq alım Abu Rayxan Beruniy tuwılǵanınıń 1050 jıllıǵına xalıqara kólemde keń belgilew haqqında”ǵı Prezident qararı (PQ–361-san, 25.08.2022-j.) qabıl etildi.

Qararǵa kóre, 2022–2023-jıllarda ullı oyshıl hám enciklopediyalıq alım Abu Rayxan Beruniy tuwılǵanınıń 1050 jıllıǵı YuNESKO shafeliginde xalıqaralıq kólemde keń belgilenedi.

Soǵan tiykarlanıp, atap aytqanda:

“Ullı Beruniy miyrası” xalıqara sayaxatlıq marshrutları jolǵa qoyıladı;
2023-jıl aqırına shekem Qaraqalpaqstan Respublikası Beruniy rayonında Abu Rayxan Beruniy kompleksi qurıladı;
alım ilimiy-dóretiwshilik miyrasına tiyisli qoljazba hám basqa mádeniy baylıqlar restavraciya etiledi;
Pánler akademiyasınıń Qaraqalpaqstan bólimi hám Xorezm Mamun akademiyasında mádeniy miyras obektlerin restavraciya etiw hám konservaciya etiwge qánigelesken laboratoriya shólkemlestiriledi;
oqıwshılar arasında Xorezm wálayatında tiyisli pán boyınsha Abu Rayxan Beruniy atındaǵı xalıqaralıq pán olimpiadası ótkeriledi.

Sonday-aq, Abu Rayxan Beruniy atındaǵı xalıqaralıq sıylıq shólkemlestiriledi.

2022-jıl dekabrge shekem “Beruniy hám jaslar” arnawlı dástúri islep shıǵılıp, oyshıl ómirine baylanıslı maǵlıwmatlar, onıń ilimiy-aǵartıwshılıq shıǵarmaları toplanǵan mobil qosımsha jaratıladı.

Qararǵa kóre, alımnıń tolıq shıǵarmaları toplamın ózbek, qaraqalpaq, rus, inglis, arab hám fars tillerinde baspadan shıǵarıw ilajları kóriledi.

Kanalǵa jalǵanıw
@huqiqiymalimleme Ochish/sharhlash

2022-08-26 08:04:18 #Nızamshılıqtaǵı_jańalıqlar

Qaraqalpaqstan Respublikası hám Xorezmdegi baslanǵısh klass oqıwshıların awqatlandırıw tártibi belgilendi.

Kanalǵa jalǵanıw
@huqiqiymalimleme Ochish/sharhlash

2022-08-25 15:17:33 #2022-jıl_1-sentyabrden

Nızamshılıqqa kóre:

fizikalıq shaxslarǵa tiyisli islep shıǵarılǵanına 10 jılǵa shekem bolǵan jeńil avtomototransportlar texnikalıq kórikten ıqtıyarlı ráwishte ótkeriledi;

jeńil avtomototransportlar tómendegi múddetlerde májbúriy texnikalıq kórikten ótkeriledi:

islep shıǵarılǵanına 11 jıldan 14 jılǵa shekem bolǵan jeńil avtomototransportlar – 2 jılda bir márte;

islep shıǵarılǵanına 15 jıl hám onnan artıq bolǵan jeńil avtomototransportlar – 1 jılda bir márte.

Bunda usı múddetler kommerciya tiykarında jolawshılar tasıw jumıslarında paydalanılatuǵın jeńil avtomototransportlar ushın qollanılmaydı.

Kanalǵa jalǵanıw
@huqiqiymalimleme Ochish/sharhlash

2022-08-25 12:49:42 #Bilesizbe

Xalıq bilimlendiriwi xızmetkerlerin olardıń kásiplik iskerligi menen baylanıslı bolmaǵan jıynalıslar hám basqa ilajlarǵa qatnastırıw, olardıń baspa basılımlarǵa (gazeta, jurnal hám basqada) májbúrlep jazılıwın shólkemlestiriw qadaǵan etiledi.
Bas prokuratura Bántlik hám miynet qatnasıqları ministrligi menen birgelikte pedagog xızmetkerlerdiń huqıq hám erkinliklerin sheklew jaǵdayların óz waqtında anıqlap, ayıpker shaxslardıń juwapkerlikke tartılıwın támiyinleydi.

Kanalǵa jalǵanıw
@huqiqiymalimleme Ochish/sharhlash

2022-08-25 08:26:03 #Nızamshılıqtaǵı_jańalıqlar

Endi hesh kim óz múlkinen sud qararısız ayırılmaydı

“Múlk huqıqınıń qol qatılmaslıǵın isenimli qorǵaw, múlkiy múnásibetlerge tiykarsız aralasıwǵa jol qoymaw, jeke múlktiń kapitallasıw dárejesin asırıw ilajları haqqında”ǵı Prezident Pármanı qabıl etildi.

Pármanǵa tiykar, múlk qol qatılmaslıǵı qorǵawın jánede bekkemlew hámde jeke múlktiń kapitallasıw dárejesin asırıwdı názerde tutıwshı bir qatar jańa tártipler engizildi.

Kanalǵa jalǵanıw
@huqiqiymalimleme Ochish/sharhlash