АҚШ элчиси Бухорода Америка Қўшма Штатларининг Ўзбекистондаги | Hudud Inform
АҚШ элчиси Бухорода Америка Қўшма Штатларининг Ўзбекистондаги фавқулодда ва мухтор элчиси Джонатан Хеник ҳудуднинг ижтимоий-иқтисодий ривожланиши билан яқиндан танишиш ҳамда ўзаро ҳамкорлик масалаларини муҳокама этиш мақсадида Бухоро вилоятга ташриф буюриб, вилоят ҳокими Ботир Зарипов билан учрашди. Учрашувда Ўзбекистон-АҚШ давлатлари ўртасидаги кўпқиррали ҳамкорлик алоқалари стратегик аҳамият касб этиши, икки давлат ўртасидаги ўзаро дўстлик ва шериклик муносабатлари мустаҳкам пойдеворга эга экани таъкидланди. Шунингдек, Ўзбекистон билан Америка Қўшма Штатларининг сиёсий, савдо-иқтисодий, инвестициявий, маданий-гуманитар ва бошқа соҳалардаги ҳамкорлиги томонларнинг узоқ муддатли манфаатларига тўла мослигини айтиб ўтилди.
