Homilador ayollar uchun Kegel mashqlari Tug’ruq kabi mura | Homiladorlik Onalik Ginekologiya
Homilador ayollar uchun Kegel mashqlari
Tug’ruq kabi murakkab jarayonga oldindan tayyorlanish juda muhim. Va bunga nafaqat yangi oila a'zosi uchun xonani tashkil qilish, tug'ruqxona va shifokorni tanlash, balki tos suyagi mushaklar tizimini mustahkamlash ham kiradi. Buning uchun o'tgan asrning o'rtalarida maxsus mashqlar ishlab chiqilgan.
Mashqlarning ta’siri qanday?
Homiladorlikdan oldin, keyin va homiladorlik paytida bajarilishi mumkin bo'lgan tos suyagi mushaklarini mashq qilishga qaratilgan maxsus Kegel mashqlari quyidagi muammolarni yengishga yordam beradi:
• tug'ruq paytida qin va chotning yirtilishi
• homiladorlik paytida noqulaylik xislari
• kichik tos suyagining surunkali yallig'lanish kasalliklari, venoz tiqilishi
• tug'ruqdan keyin siydikni tutmaslik
Bundan tashqari, ushbu mashqlar sizga tug'ruqdan tezda tiklanishingizga va jinsiy hayot sifatini yaxshilashga yordam beradi.
Mashqlar qanday bajariladi?
Ushbu mashqlarning mazmuni qinni qo'llab-quvvatlovchi tos mushaklarini qisqarishidir. Bu mushaklarni o'zingizda topish juda oson: ular ayol siyishni to'xtatganda yoki qinni siqqanda seziladi. Mashqlarni bajarish qiyin emas: mushaklarni bir yoki ikki soniya davomida qattiq qisib, so'ngra bo'shatishingiz kerak. Mashqlarni foydasini yanada tezroq sezish uchun ularni kuniga bir necha marta 5-30 martadan takrorlang. Shuni ta'kidlash kerakki, mashqlarni siydik pufagi va ichakni bo'shatgandan so'ng bajarish kerak.
Ushlab turish
Homilador ayollar ushbu oddiy Kegel mashqlarini 1-trimestrdan boshlab bajarishi mumkin. Tug'ruq paytidagi pozani olish kerak. Gimnastikani polda, karavotda yoki boshqa tekis yuzada bajarish mumkin.
Boshingiz ostiga kichik yostiq qo’yib, gorizontal holatda yoting. Oyoqlaringizni tug’ruq paytidagidek pozaga qo’ying. Qin devorlarini 5-10 soniya davomida qising, keyin bo’shating. Hujayralar yetarli miqdorda kislorod olishi kerakligi sababli, bir tekis nafas olishni unutmang.
Dastlabki bosqichda mashqlarni 10 marta bajaring, so'ngra 30 baravarigacha ko'paytiring.
To'lqin
Agar homilador ayollar uchun 2 trimestrda Kegel mashqlarini qidirayotgan bo’lsangiz, "To'lqin" mashqi qin va anus mushaklarini kuchaytirishga yordam beradi. Buning uchun quyidagi amallarni bajaring:
1. Yerga orqangiz bilan yoting.
2. Oyoqlaringizni fitbolga qo’ying. Agar fitbolingiz bo’lmasa, oyoqlaringizni divanga yoki boshqa tepalikka qo'yishingiz mumkin.
3. Keyin qin va anus mushaklarini navbat bilan taranglashtiring.
4. Bir necha soniya davomida dam oling. Shunday qilib 10-15 marta bajaring.
Dastlab, harakatlar asta-sekin bajarilishi kerak, so'ngra ritmni va yondashuvlar sonini asta-sekin oshirib boring.
Darvozabon
Uchinchi trimestrda homilador ayollar uchun ushbu Kegel mashqlari xavfli bo'lishi va istalmagan oqibatlarga olib kelishi mumkin. Bachadonning gipertonusi va boshqa muammolar bo’lgan payt bu mashqni bajarish taqiqlanadi. Bu mashqni faqat ginekolog ruxsat bergandan keyin qilishingiz mumkin.
Lotus holatini oling. O’zingizni iloji boricha bo’sh tuting, oyoqlaringizning kaftini birlashtiring, oyoqlaringizni o’zini esa ikki tomonga yoying. Nafasingizni ushlab turing va bir oz kuchaning, lekin tos a'zolari tushishini oldini olish uchun kuchanishni haddan oshirmang. 20-30 soniyadan keyin dam oling. Amallarni bir necha marta takrorlang. Tanaffus paytida tana yetarli miqdorda kislorod olishi uchun bir tekis va chuqur nafas oling.
Mashqlarni bajarish mumkin bo'lmagan holatlar
Homila tushish xavfi bo’lsa, operatsiyadan keyingi davrda, og'ir toksikoz, gestoz yoki bachadondan qon ketish holatlarida Kegel mashqlarini bajarish taqiqlanadi. Bundan tashqari, homiladorlikning ikkinchi yarmida pastki vena kavasiga bosim o'tkazmaslik uchun, orqada yotgan holda mashq bajarish tavsiya etilmaydi.
@Homiladorlik_Onalik_Ginekalogiya
