Матбуот баёноти بسم الله الرحمن الرحيم Энергетика кризисинин | Hizb-uzbekiston.info
Матбуот баёноти
بسم الله الرحمن الرحيم
Энергетика кризисининг илдизи қаерда?
Кутилганидек, юртимизда ҳаво совуши билан #энергия тизимининг яроқсизлиги яна ўзини кўрсатди. Бироқ бу йилги энергетик инқироз ҳар қачонгидан ҳам чуқурроқ тус оляпти. Ҳали қиш бошланмай туриб ис газидан ўлаётган одамлар сони ортгани ҳақида хабарлар тарқалди. Электр энергиясидаги узилишлар, газ босимининг пасайиши ёки умуман ўчиб қолиши, корхоналарнинг газ ва электрдан узилиши ва бу соҳада бошқа тоғдек уюлиб ётган муаммолардан халқнинг сабр косаси тўлиб, кучли норозилик билдиряпти. Бундай ҳолат худдики аввал бўлмаганидек ҳукумат пала-партиш “чоралар” кўришни бошлади. Бу борада сўроққа тутилган энергетика вазири муаммонинг келиб чиқишида ҳукуматнинг айби борлигини қисман тан олган ҳолда нотўғри, чалғитувчи фикрларини ҳам билдирди. Масалан, вазир иқтисодий жиҳатдан фойдали бўлишига қараб ҳукумат келишувлар имзолашини ва музокаралар ўтказишини айтиб ўтди. Бундай бизнесменча ёндашувдан кўриниб турибдики, ҳукумат ўз фуқаролари муаммосига иқтисодий манфаат нуқтаи назаридан қарайди, асло инсон муаммоси деган эътиборда эмас. Бундай ёндашув ҳукумат татбиқ қилаётган демократик тузумнинг натижасидир. Вазир яна бепарволик билан айтдики, ҳозирги кризис фақат совуқ об-ҳаво шароитида юзага келди, бошқа вақт бундай муаммо йўқ экан. Қизиғи шуки, агар мамлакат энергия тизими энг совуқ об-ҳаво шароити ҳисобга олиниб ташкил қилинмаган бўлса, унда қайси ҳолат ҳисобга олинган?! Ёзнинг иссиқ кунларими?! Одамларни энг зарур бўлган вақтда энергия билан таъминлай олмайдиган бундай яроқсиз тизимни нима кераги бор?!
Вазир ВВСга берган интервьюсида “Ўзбекнефтгаз” АЖ бир қатор халқаро ва капиталистик давлатлар компаниялари билан ҳамкорлик қилаётганини айтиб ўтди. Масалан, “Rothschild & Co” молиявий холдинг компанияси, Американинг “Boston Consulting Group” компанияси, “McKinsey & Company” халқаро консалтинг компанияси. Бундай ўлаксахўр, ваҳший компаниялар билан фақат аҳмоқ ва хоин ҳукуматгина ҳамкорлик қилиши мумкин. Вазир мазкур компанияларнинг “тавсия”лари нега сир тутилаётганлигини шартномада шундай банд борлиги билан изоҳлади. Бу шубҳаларни янада кучайтиради. Бундан ташқари, матбуот анжуманида журналистларнинг Ўзбекистон газ конларига қайси компаниялар эгалик қилаётгани тўғрисидаги саволларига вазир ўринбосари ҳам “бу давлат сири” дейишдан нарига ўтмади. Янада шубҳа қўзғайдиган ҳол шуки, вазир Ўзбекистон энергетика тизимининг асосий таянчи ҳисобланган ўзбек газини Россия назорат қилаётгани, мамлакатдаги энергетик муаммо ҳам айнан газ тақчиллигидан келиб чиқаётгани ҳақида чурқ этмади. Аксинча, у халқни қасддан чалғитиб, ҳукумат энергетик соҳадаги шартномаларни фақат миллий манфаатлардан келиб чиқиб тузиши, бунда ташқи факторнинг таъсири мутлақо қабул қилинмаслигини айтди. Ваҳоланки, ҳукумат 2046 йилгача ўзбек газининг 90 фоизига Лукойл эгалик қилиши тўғрисидаги шартномани ҳимоя қилиб келяпти. Бу шартномадан руҳланган Россиянинг бошқа компаниялари ҳам газ ва бошқа конларимизни эгаллашда ким ўзарга мусобақа қилишяпти.
Россия учун ўзбек газини назорат қилиш Ўзбекистоннинг ички ва ташқи сиёсатига таъсир ўтказишига имкон беряпти. Совуқ қиш кунларида электрсиз, газсиз аянчли аҳволда яшаётган халқимизнинг муҳтожлигидан Россия Ўзбекистонни сиёсий ва иқтисодий лойиҳаларига тортишда фойдаланяпти. Масалан, Путин Россия, Қозоғистон ва Ўзбекистон иштирокидаги яна бир шубҳали лойиҳа – газ иттифоқини ўйлаб топиб, унда икки мусулмон юртни иштирок этишини хоҳлаяпти. Шундай ҳам Ўрта Осиё бойликларини бир асрдан бери талон-тарож қилиб келаётган бу жирканч давлатга етарли жавоб бериш вақти келганига қарамай, ҳукмдорларимиз унга ҳали ҳам юмшоқ муомала қилиб, ўз бойликлари ва тожу тахтларини сақлаб қолишдан бошқа ташвишлари йўқлигини аллақачон исботлаб қўйишган. Шунинг учун ҳам ҳукмрон сиёсий элита одамларнинг муаммоларига ечим беришга қодир эмас.
