📚 Hikoyalar 📚

2021-07-20 19:01:41 ҚУРБОНЛИК

Қурбон ҳайити олдидан ўртаҳол оила бошлиғи жонлиқ олиш учун бозорга борди. Семиз, чиройли, кўнглидагидек қўйни сотиб олди. Ёнидаги оғайнисига:
- Дўстим, келинг, бу қўйни уйимга олиб боринг! Мени зарур ишларим бор. Улгурмай қоламан, - деди.
Оғайниси қўйни олиб дўстининг уйи томон кетди. Манзилга етганда дўстининг уйи билан қўшнисини уйи жуда ўхшаш бўлгани учун адаштириб ва Аллоҳнинг ҳикмати билан қўшнисини уйига қўйни ташлаб кетди. Хаёлидан кўтарилиб, жонлиқ кимники эканлигини айтмасдан жўнаб кетди.
У қўйни берган манзил аҳли жуда фақир яшашарди.
- Эй Аллоҳ, қайсидир солиҳ кишининг қалбига солибди - да, бизга эҳсон қилибди, - дейишди.
Қўй эгасининг аёли қўшниларини кўриб:
- Товба, буларнинг ўзи бир аҳволда яшашса, қўйга қаердан пул топишди экан, - деди.
Кеч тушди. Оила бошлиғи ишдан қайтди. Фарзандлари, аёли уни одатдагидай кутиб олишди. Уйда қурбонлик шукуҳи йўқ эди.
Аёлидан:
- Дўстим қўй олиб келиши керак эди, бугун сотиб олгандим, қани? - деб сўради.
Аёли:
- Ҳа, айтдим-а-а-а? Қўшниларимиз қўй олганларини кўрдим, дўстингиз ўшаларга ташлаб кетибдилар-да! Боринг, хўжайин, қўйимизни келтиринг! - деди.
- Қўйсанг-чи, хотин! Уларнинг фарзандалари роса суюнишгандир. Мен қандай қилиб уларнинг қувончини тортиб олай? - деди.
Эртаси куни тонг отиши билан у киши яна бозорга борди. Қараса, бир сотувчи қўйларини жойлаштираётган экан.
- Эй, Аллоҳим, зора шу кишининг биринчи харидори бўлай-да, менга арзонроққа яхшироқ қўй берса, - деб секин бора бошлади.
Уни олдига келганида биласизми сотувчи нима деди?
- Йўлда келаётганимда қўйларим билан бахтсиз ҳодисага учрадик. Аллоҳга шукур, мен ҳам, жониворларим ҳам омон қолдик. Саломат қолганимизнинг шукронасига Аллоҳ учун биринчи келган харидорга энг яхши қўйимни бепул беришга назр қилдим. Қани биродар, танланг! Истаганингизни олинг! - деди.
Ҳали киши:
- Субҳаналлоҳ, Аллоҳим, бунчалар Меҳрибонсан, - деди.

Эй азиз қадирдоним қурбонлик қилиб камбағал бўлиб қоламан деманг аксинча сизни бой қиладиган зотни унутманг қурбонлик учун шошилинг янаги йилга ким бор ким йўқ...

@hikoyalar2019 Ochish/sharhlash

2021-07-20 19:01:18 @hikoyalar2019 Ochish/sharhlash

2020-06-04 03:13:58 ​Оқила она...

Эрта тонг турмуш ўртоғимни ишга кузатгач, тез-тез нарсаларимни йиғдиму уч ёшли ўғлимни олиб, онамникига жўнадим. Онажоним ва адажоним мени очиқ юз билан кутиб олдилар. Аммо мен уйга кирдиму, онамни қучиб йиғлай бошладим. Бу ҳолатни кўрган адажоним қўлимдан набираларини олдилару, бошқа хонага набирасини олиб ўтдилар..
"Онажон, мен ортиқ чидай олмайман, ажрашаман куёвингиз билан. Жонимдан тўйиб кетдим онажон" - деб, махкам қучиб йиғлай бошладим. Онажоним: "Хўп қизим, хўп қизалоғим, сен нима десанг биз розимиз. Адажонинг билан мен доимо сени қўллаб қувватлаймиз. Ўзингни бос кизалоғим, доим ёнингдамиз" - деб мени овутдиларда ошхонага олиб ўтдилар.
"Ўтир қизим, чой ичамиз, ўзингни бос кизалоғим" - деб онам мени жонимга оро кирдилар. Мени юпатдилар. Бирга ўтириб чой ичдик. Мен аста ўзимни қўлга олиб, онажоним билан суҳбатлаша бошладим. Онажоним нима гаплигини сўрадилар. Мен айтдим:
"Куёвингизни қилиқлари жонимга тегди. Ишдан кеч қайтадилар, доим баҳонаси тайёр, гоҳида мендан араз қиладилар, мен билан тузу-қуруқ дилдан гаплашмайдилар, мени ёмон кўрадилар. Мен бундай ҳаётда яшай олмайман. Гоҳида менга жахл қилиб бақирадилар, тўйиб кетдим онажон."
Онажоним сукут билан бир оғиз гап қўшмай тингладилар. Сўнгра бир оз вақт жим ўтирдиларда бир оқ коғоз ва қалам олиб, коғозга ўртасидан вертикал қилиб чизиқ чизиб менга узатдилар ва дедилар:
"Ушбу чизиқни чап томонига куёвимни айбларини бирма-бир ёзиб чиқ."
Мен "Нега онажон" - деб сўрашимга эътибор ҳам бермасдан.
-"Ёз, ёз сен ёзавер" - дедилар. Мен ҳам бир оз ўйланиб ўтириб, иштиёқ билан коғозга ёза бошладим.
”Ишдан кеч қайтади. Менга жахл қилади. Мен билан гаплашмайди. Менга бақиради” каби феълларини қоғозга ёзар эканман ўйладим "Онажоним яхши дейдиган куёвларини аҳволини бир кўриб қўйсинлар, бир боплаб ёзай, коғозлар тўлиб кетсин". Ёзиб тугатдимда онажонимга коғозни узатдим. Онажоним ёзганларимни ўқиб ҳам кўрмадиларда, коғозни ўзимга қайтариб, дедилар:
"Энди ҳар бир ёзган куёвимни ёмон феълини рўбарасига, чизиқни ўнг томонига уларни ўша феълига сени ўзингни, қиладиган жавобингни ёзиб чиқ" - десалар бўладими?
"Ёз, ёза қол" - мен жавоб ёзмай хеч қаёққа кетолмаслигимни англагач амаллаб ёза бошладим.
"Ишдан кеч қайтадилар" ни рўбарисига – “Кеч келгани учун қовоқ уйиб кутиб оламан.
"Менга жахл қиладилар" ни рўбарисига - ”Мен кейин хафа бўламан, овқат тайёрламайман. каби ўзимни ҳам уларга жавоб ҳисларимни амаллаб коғозга туширдим. Онажонимга узатар эканман "Куёвизда, хаммасини бошлайдиган" дедим. Онам қўлимдан коғозни олдиларда, қайчи билан ўрта чизикдан тенг иккига бўлиб қирқдилар. Куёвларини ёмон феъллари ёзилган бўлагини, ғижимлаб ахлат челагига ташладилар. Мени қўштирноқ ичидаги феълларим туширилган коғозни ўзимга узатдиларда:
"Кизалоғим, ҳаёт ўйинчоқ эмас, қўлингда ўз қўлларинг билан ёзилган феълларинг турибди. Хозир кийинасан, набирам биз билан қолади. Қўлингдаги коғоз билан уйингга борасан. Ўз уйингда ўз феълларингни ўқиб, хазм қиласан. Куёвим сени қандай феълларингга чидаётганини ўйлайсан. Аклингни йиғ. Ўшандан кейин хам "йўқ мен хақман" десанг биз рози." - дедиларда мени қўлимга коғозни тутқазиб кўчага чиқариб қўйдилар.
Мен нима бўлганини англаб, англамей уйга кириб келдим. Ошхона курсисига омонатгина ўтирдимда, ўз қўлларим билан ёзган чиройли феълларимни уқий бошладим. Ўқир эканман "Наҳот мен шунчалар аёл бўлсам, наҳот мени турмуш ўртоғим шунчалар феълимга чидаб яшаётган бўлсалар" - дедим. Мен ўзимни шайтонга қулоқ тутган нафсимни деб, бир ўғлимни тирик етим қилишга, ўзимни эса бебахт қилишга бир қадам қолганлигини сездим. Ҳушёр торттимда, турмуш уртоғим ишдан келишларига тансиқ овқат тайёрладим. Уйларни гўзаллаштирдим. Турмуш ўртоғим ишдан қайтдилар. Мени юзимда табассум, очиқ чеҳра билан уларни кутиб олдим. Ҳурматларини жойига қўйиб, аёллик мулозаматини қуюқлаштирдим. Хўжейним ҳайрон, хурсанд эдилар. Ва ниҳоят "бугун кун бошқачами?" дедилар. Мен дедим:"Сизни менга такдир қилиб берган Аллоҳимга хамдлар бўлсин.Энди хаёт бошқача".

@QUVONCHIMSAN_BAXTIMSAN Ochish/sharhlash

2020-06-03 03:57:58 ​​​​Ажал
(Бўлган воқеа)

Умр нақадар қисқа... Кўз олдимда қанчадан - қанча инсонлар бу дунёдан кетдилар. Ҳали ўрта ёшга ҳам, қариликка ҳам етмай кетганлари қанча... Эй, воҳ!
Бу воқеага ҳам 14 йил бўлар экан! Ўша кезлари ўзим анча ёш маҳалим эди! Кечқурунги овқатга хоним қилаётган эдим. Телефон чалди. Кўтарсам синглим: "Зулфияопа ҳали ҳеч кимга айтилмади. Сизга айтяпман. Мени айтганимни айтманг!", деди ховлиқиб. "Тинчликми? Нима бўлди?", деб сўрадим. Холамнинг ўғиллари сувга чўкиб кетганини, эркаклар қидиришга кетишганини айтди. Устимдан муздек сув ағдарилгандай, ошхонага югуриб чиқдим. Қайнонамга бўлган воқеани айтдим. Худди мен борсам, жияним топилади - ю, тирик қоладигандек руҳсат олиб, кийиниб йўлга тушдим. Борсам ҳамма бир алфозда. Ҳеч кимнинг саси чиқмас, ҳамманинг кўзи бир нуқтага тикилган эди. 2 соат деганда сувдан жасадни топиб чиқишди. Тўғри касалхонага текширувга олиб кетишди. (Яъни, жасадни ёришга) Болаларим ёш бўлгани туфайли уйга қайтдим. Эрталаб шоша - пиша жанозага кетдик. Тумонат одам. Ҳали ўлик келмаган экан. Бироздан сўнгра оқ дамасда жиянимни олиб келишди. Бизнинг оилада алҳамдулиллаҳ, диний ҳаёт ҳукмрон сургани учун, бақир - чақир бўлиб кетмади. Ҳамма инграб, ичига ютиб йиғлади. Холам бечора адойи тамом бўлган эдилар. Овозлари ҳам чиқмади. Ўликни ювишга олиб кириб кетишди. Биз 3 - 4 аёллар кафанни тикишни бошладик. Ҳамманинг дами ичида. Ювиб бўлгач, ғассол чиқиб: "Ўрамасимиздан оналари кириб, кўрсинлар", деди. Чаққонлик билан холам билан бирга хонага кириб олдим. Ё, Аллоҳ Қудратингдан!!! Жияним нур ичида ётар эди. Худди ухлаётган одамдек. Танасининг ҳеч бир ерида на тилинган, на кўкарган жойи йўқ эди. Кўзимга жуда чиройли, оппоқ бўлиб кўринди. Холам: "Болам мендан рози бўлгин! Дийдор Қиёматга қолди", дея олдилар холос. Мен ҳам нимадирлар деб рози - ризолик тилаган бўлдим. Аммо нима деганларимни эслай олмайман! Кафанланиб бўлганидан сўнг урф - одатимизга кўра духоба сўрашди. Ёш вафот этса, қизил духобага ўралар экан. Онам қаердандир қизил духоба олиб, холамга кўрсатдилар: "Опа, шунга ўраладими? Шуни берайми?". Шу пайтгача овозлари чиқмаётган холамнинг овозлари отилиб чиқиб кетди: "Буни тўйига деб олгандим. Бунча шошасизлар? Озгина сабр қилиб туринглар?", деб йиғлашга тушдилар. Қўшилишиб йиғладик. Барибир ўша қизил духобага ўралди.
Жияним 30 порани ёдлаган мураттаб қори эди. Коллеж, институт, университет деган жойларда ўқимади. Умрининг сўнгига қадар Аллоҳдан шаҳидликни сўраб яшади. Ўша куни эрталаб синглисига: "Бугун туш кўрибман! Тушимда сувда балиқ бўлиб, сузиб кетаётган эканман", деб айтган экан. Кечки пайт унинг туши рўёбга чиқди!
21 ёшида Аллоҳ ҳузурига йўл олди!!!
"Бирон жон эртага нима иш қилишини била олмас. Бирон жон қай ерда ўлишини ҳам била олмас". ( Луқмон: 34)

Зулфия Махмуд сахифасидан

@hikoyalar2019 Ochish/sharhlash

2020-06-03 03:57:31 ​​Ассалом алайкум ва роҳматуллоҳи ва барокатуҳ

Янги кун барчамизга муборак бу́лсин!
Аллоҳим ҳар бир қилаётган хайрли ишимиздан, босган ҳар бир қадамимиздан рози бўлсин.
Жисмимиздан соғлик, қалбимимиздан хотиржамлик аритмасин.
Ҳалол топганимиз фақат хурсандчилик, яхшиликка буюрсин.
Ибодатларимиз ажру савобларга тўла бўлсин!
Кунимиз файзу барокатли ўтсин!

@QUVONCHIMSAN_BAXTIMSAN Ochish/sharhlash

2020-06-02 19:43:14 Аллоҳ кун бўйи меҳнат қилиб, кейин дам олишлари учун бандаларига тунни оромбахш қилиб яратди.
Тун хам ўз навбатини эгаллаб, атрофга зулмат чўмди.
Азизлар, ором олинг, хордиқ чиқариб кучга тўлинг, тонгга куч -кувват тўпланг.
Ширин тушлар хамрохингиз бўлсин.

Хайрли тун азизлар
Тунингиз осуда ўтсин .

Якинларизга хам юборинг бизга кушилинг

https://telegram.me/joinchat/AAAAAElI5cOMtjd3VwcE3Q Ochish/sharhlash

2020-06-02 03:21:31 Фарзандларингизга билдиринг!

Аллоҳ мен билан

Аллоҳ мени кўриб турипти

Аллоҳ мени билип турипти


Шайх Муҳаммад содиқ Муҳаммад Юсуф роҳимаҳуллоҳ

@hikoyalar2019 Ochish/sharhlash

2020-06-02 03:21:10 ЖАЖЖИ МУАЛЛИМ

Жазирама ёз кунларининг бирида қўшнимиз Нозима опа бозорда иши борлигини, бир муддат икки ўғилчасига қараб туришимни илтимос қилди.
Мен бу илтимосни жон деб қабул қилдим. Чунки ўша куни ўзим ҳам уйда ёлғиз эдим, шунингдек, у ширинтойларни жуда яхши кўраман. Болажонларнинг каттаси Муҳаммад Юсуф олти ёш, кичиги эса Муҳаммад Нур уч ёш эди чамамда.
Болалар билан ўйнаб-кулиб тушлик маҳал бўлганини ҳам сезмай қилибман. Тушликдан сўнг, болажонларни музқаймоқ билан сийладим. Бундан улар жуда севинишди. Мазза қилиб музқаймоқ еётганимизда Муҳаммад Нур сокинлик билан:
-“Опажон бу музқаймоқни ким берди?” - деб сўради. Мен ҳам сода қилиб:
- “Аллоҳ берди асалим”, - дедим. Бу сўзимдан боланинг мунчоқ кўзлари қувониб:
- “Ростданми?” - дея такрор сўради.
Мен эса унинг бу ҳолатидан ҳайрон эдим. Билсам у эрталабги нонушта дастурхонига дуо қилишда, Аллоҳдан музқаймоқ сўраб дуо қилган экан.
Унинг бу ишидан бир сескандим.

Бундан ҳеч қанча вақт ўтмай, у негадир ташқарига чиқдида, маъсум нигоҳини кўкка қадаганча, жажжи қўлчаларинини кўтариб, бир нималарни пичирлади. Қайтиб кириб Аллоҳдан Пепси сўраб кирганини айтди. Акаси иккимиз унинг бу ишига бир кулиб қўйдик. Шу дамда ҳаёл олиб қочди.

“Аллоҳим, бу жажжи боланинг кўксида қандай буюк ишонч солибсан..
Қандай гўзал тарбия…
Гоҳида биз катталарнинг қўлимиздан бу иш келмай
Яратганни қўйиб, яралмишга ялинамиз… Бандасидан сўраб, бандасига суянамиз…
Кошки эди ҳамма ҳам мана шу болакайдек, Аллоҳга чин ишонч билан суянолса…”

Мана шундай ҳаёллар оғушида Нозима опанинг келганини билмай қолибман.
Опа болаларига қараб турганимга миннатдорлик биладираркан, ногаҳон кўзим бозор халта ичидаги Пепси ичимлигига тушди.
Ҳа бу ўша Муҳаммад Нур сўраган Пепси эди. Бу гал энди чидолмадим кўзларимдан беихтиёр ёш қалқиди…!

@hikoyalar2019 Ochish/sharhlash