Ишлари юришиб кетганидан Аллохга хар куни холам рахматлар айти | 🌹Hayotiy Hikoyalar🌹
Ишлари юришиб кетганидан Аллохга хар куни холам рахматлар айтиб дуо киларди.
Бу орада Кодирни хам уз севганига уйлантиришди. Туй шахардаги энг чиройли туйхоналардан бирида булиб утди. Энди уларнинг хаёти уз урнига тушиб, бахтли ва тула тукис яшай бошлашганди. Туйларидан бир йил утиб кизчалик булишди.
Иктисод томонидан кийналганлиги сабабли, олдинлари катта углини кабрини зиёрат килиш учун Навоийга йилда бир марта бориб келарди холос. Кейинчалик куп борадиган булди. Шундай булса хам катта углини доим эслатиб туриши учун бир борганида кабристондан ёввойи атиргулни бир новдасини томири билан олиб келиб ховлисига утказди. Доим узи парваришлаб уша ёввойи атиргулни гуллаб яшнашига эришди.
Катта углини яхши курганлиги сабаб хар куни тонгда хайрли тонг тилаб у гул билан гаплашарди. Тунда хайрли тун хам тиларди холам.
Ёзда айни гуллар яшнаганда холамни тушида ховлида кимнидир чакираётгани эшитиларди. Аниги эса холам биларди ким чакираётганини.
-- Онажон!- секингина паст овозда катта угли чакирарди.
Хаттоки уйгониб кетганда хам уша овоз кулоги остида эшитилиб турарди. Олдин шунака туюлган булса, кейинчалик эса икки хафта хар тунда уша тушни кура бошлади. Кодир хам тушига акаси кираётганини такрор айтарди.
-- Кодир , Онам каерда? Хар куни чакираман лекин хеч каерда йук!- деркан тушида акаси.
Хаттоки кичкина Нозимача (набираси) ярим кечда болалар хонасидан югуриб, ота онасини ёки бувисини ёнига югуриб келар, уни хонаси деразаси ёнидан кандайдир бир амаки келар, ва нималарнидир тушунарсиз гапиришини айтарди.
Лекин Нозиманинг хонаси иккинчи каватда булиб, нафакат юриш хаттоки караш учун хам баланд эди. Бир куни тунда холам урнидан турдида овоз эшитилган томон юрди. Залга чикиб деразадан ташкарига каради. Дахшатдан юраги тез ура бошлади. Чунки усиб турган уша ёввойи атиргул барглари шамол булмаса хам кимирлаб турарди. Ва рахматли угли Нодирнинг овози аник эшитилиб турарди: ※ Она! Онажон!※ Ва кутилмаганда бармок учлари билан эшикни кимдир таккиллатаётгани эшитилди. Дахшатдан куркиб кетган холам эшикни очишга журъат килолмади. Чунки ярим тун, ташкари коп коронгу эди. Лекин эртанги кун нима булишини ёлгиз Аллох биларди.
Холам кейин анча афсусда юрди. Ушанда эшикни очиб, ташкарига чикиб у билан гаплашмаганлигидан афсусланди. Чунки жуда куркиб кетган холам тонггача уз хонасига кириб кетиб, угли хакида уйлаб дуо килиб чикканди.
Уша овоз энди умуман учганди. Умуман эшитилмасди хеч кимга. Лекин бир неча кундан кейин Кодир тусатдан ётиб колди. Уни тез ёрдам машинасида касалхонага олиб кетишди. Коринда турган огрик худди пичок санчгандек огрик берар ва шу огрик натижасида ётиб колганлиги сабаб, апендицит деб уйлаб хаттоки операция килишга хам оз колганди. Лекин текширув натижалари буни тасдикламади, аксинча соппа соглигини курсатиб турарди. Бирок бу огрик каердан келди, нима сабабдан буни хеч ким билмасди. Аммо шу огрик туфайли Кодир хаттоки юролмай колди.
Кодир касал булиб колган куннинг эртаси куниёк турт ёшли Нозимачанинг айтишича хонаси деразасидан кандайдир бир амаки караб, йиглаб норозилик аломатларини билдирган экан.
-- Бувижон , уша амакининг айтишича, у билан сиз гаплашмаган эмишсиз. Факат сиз билан гаплашиш учун келганлигини айтиб йиглади.- деди набирачаси.
Бу вокеалардан хабардор булган кушниларни гапи буйича фолчига бориш керак эмиш. Лекин холам хаммасини кунгли сезганди. Кушниларни гапига кириб Худога шак келтиришни хохламади. Уша ховлисидаги ёввойи атиргулни ковлаб олдида, тугри кабристонга борди. Эрининг кабри хозир яшаб турган шахарда эди. Худди уша кабристонга бордида, кабрни бироз тозалаб, дуои фотиха укиб, эри кабри ёнига гулни экиб куйди. Эрига бу гулни углини кабридан ковлаб олиб келганлигини айтиб дуо килди. Ва энди купрок шу гулни парвариш килиб кабрини зиёрат килишини ният килди.
Эртаси куни масжидга бориб, имомга тушунтириб, номозхонларга ва Аллохга багишлаб садака килиб, углини рухи шод булишини, кабридан гул олиб рухини безовта килганлиги учун кечирим сураб ниятини билдирди.
