- ўрис қўшинларининг ҳужумкор ҳаракатларига тўсқинлик қилиш уч | Ҳарбий-сиёсий мавзуга оид янгиликлар ва таҳлилий мақолалар

- ўрис қўшинларининг ҳужумкор ҳаракатларига тўсқинлик қилиш учун олис масофаларга қўлланиладиган бараварига ўт очадиган реактив тизимлар. Хусусан, экспертлар Байдендан Украинага HIMARS реактив тизимларидан 300 км наридаги ўрис нишонларига қарата қўлланиладиган ATACMS русумли ўқ-дори турларини юборишни илтимос қилишди. Ушбу мутахассисларнинг гапига қараганда, бундай ўқ-дори турлари Украинанинг ҳар қандай бурчагидаги, шу жумладан, душман босиб олган Қрим яриморолидаги ўрисга қарашли ҳарбий объектларни йўқ қилиш учун зарур экан;

- артиллерия қуролларидан қўлланилган ўқ-дори ўрнини ўз вақтида тўлатиб бориб, ушбу қурол тизимлари учун эҳтиёт қисмларини етказиб бериш;

- босқинчи ўрис газандалари томонидан амалга оширилаётган ҳаво ҳужумларини бартараф этиб, ракеталарини уриб тушириш учун қисқа ва ўрта масофаларга қўлланиладиган ҳаво ҳужумидан мудофаа тизимлари билан етарлича таъминлаш.

Бундан ташқари, мактубда Путиннинг вақтдан ютиш йўлида амалга ошираётган ядровий шантажини писанд қилмасликка даъват қилинмоқда. Экспертларнинг фикрича, агар Кремль диктатори Украина устидан ғолиб чиқишга эришгудек бўлса, навбат Польша билан Болтиқбўйи давлатларига етади.

«Бизни, юртимиз иттифоқчиларини ва Украинани нималар кутаётгани аён. Ўзимизни ўзимиз алдамайлик. Ғалаба қозониши учун зарур бўлган қурол-аслаҳани Украинага етказиб берадиган вақтни чўзиш орқали биз билан Кремль ўртасидаги адоватдан қутуламиз деган хомхаёлга бормайлик», - дейилади мактубда.

«Пухта ўйлаб қилинган оқил иш – Путиннинг Украинада амалга ошираётган тажовузкор режаларини йўққа чиқаради. Ва бу ишни ҳозир амалга ошириб, вазиятни ўзгартириш керак», - таъкидлаб ўтишди мактуб муаллифлари.

Кеча мазкур очиқ хат АҚШ президенти Жозеф Байденга етказилди. Умид қиламизки, азалдан тажовузкор сиёсат юритиб келган ўрисларнинг танобини тортиб қўйиб, дунёда тинчлик ва осойишталик қарор топишини ният қилган мактуб муаллифларининг илтимослари ерда қолмайди.

Шокир Долимов
истеъфодаги подполковник