ШАРАФСИЗ ЎРИС АРМИЯСИНИНГ ЯНА БИР ШАРМАНДАЛИГИ 16.08.2022 й. | Harbiy blok ️

ШАРАФСИЗ ЎРИС АРМИЯСИНИНГ ЯНА БИР ШАРМАНДАЛИГИ
16.08.2022 й.

Босқинчилик сиёсатисиз куни ўтмайдиган Россиянинг Украинага қарши бошлаган адолатсиз уруши, террор армияси томонидан бугунги кунда содир этилаётган геноцид амалиёти-ю, сон-саноқсиз жиноий қилмишлари Кремлнинг сиёсий йўлига нисбатан холис қолиб келган бир қатор давлатлар позициясига тегишлича таъсир ўтказиб бормоқда. Жумладан, азалдан ўрислар юртига дўстона муносабат билдириб келган Сербия раҳбарияти ҳам Путиннинг жиноий режимидан нари юришга аҳд қилган кўринади.

Ўтган ҳафта Россия Федерациясининг Белграддаги фавқулодда ва мухтор элчиси Александ Боцан-Харченко деганлари Сербия Республикаси ҳудудида Кремлнинг ҳарбий базаси жойлашиши ҳақида баёнот берган эди. Ушбу ўриснинг гапига қараганда: «Россиянинг Сербияда барпо этилажак ҳарбий базаси расмий Москванинг миллий манфаатларини ҳимоя қилади».

Бироқ орадан уч кун ўтар ўтмас бундай баёнот иккиюзламачи ўрисларнинг ёлғони, юзсиз Кремлнинг навбатдаги мунофиқлиги эканлиги маълум бўлди. Зеро, Сербия президенти Александр Вучич TV Prva’га берган интервьюсида ўрис элчисининг юқорида тилга олинган баёнотини рад этиб: «Республика раҳбарияти юрт ҳудудида Россиянинг ҳарбий базасини жойлаштириш ниятидан йироқ», - эканлигини таъкидлаб ўтди.

«Сербияга Россиянинг ҳарбий базаси керак эмас, зеро Сербия ўз ҳарбий нейтралитетини сақлаб қолажак, мустақил армиясининг қудратини ўзи мустаҳкамлаб, ўз халқини ўзи ҳимоя қилажак», - дея баёнот бериб ўтди у.

Ўрис элчисидан анча олдин ўзини Белорусь Республикаси президенти деб биладиган Александ Лукашенки исмли ҳокими мутлақ: «Сербия бир вақтнинг ўзида учта курсида: Европа Иттифоқи, АҚШ ва Россиянинг курсиларида ўтириб олишни истайди-ю, бироқ овора бўлади!», - дея расмий Белградни танқид қилиб ўтган эди.

Сербия раҳбарияти асосан картошка етиштиришга ихтисослашган юрт президентининг Кремль номидан берган ушбу баёнотини фақат Москванинг измида бўлиш борасида қўйилган қатъий талабдек қабул қилди. Бунга жавобан Александр Вучич: «Сербия раҳбарияти Европа Иттифоқи, Хитой, АҚШ каби давлатлар билан йўлга қўйган муносабатларидан ҳечам уялмаслиги»ни, - маълум қилди.

Боз устига, Сербия, ёлғончи ўрис элчисининг юқорида тилга олинган баёнотидан сўнг НАТО ҳарбий блоки билан йўлга қўйган ҳамкорлигига янада фаол тус беришга аҳд қилди. Олинган маълумотларга қараганда, серб ҳарбийлари ўз юртининг жанубидаги Буяновац қишлоғи яқинида жойлашган «Жануб» АҚШ ҳарбий базаси билан янада кенг ҳамкорлик қила бошлашди. Ушбу маълумотни Сербия армиясининг Пентагон билан йўлга қўйган ҳарбий ҳамкорлигини мувофиқлаштириб бораётган Office for Defence Cooperation, ODC АҚШ идорасининг раҳбари Александро Педраза ҳам расман тасдиқлаб ўтди.

Унинг гапига қараганда: «Вашингтон билан Белград АҚШнинг «Жануб» ҳарбий базасини Сербия армияси шахсий таркибининг жанговар тайёргарлигини НАТО стандартларига монанд олиб борадиган ҳамда Сербия Қуролли Кучларининг махсус бўлинмаларини тинчлик ўрнатиш операцияларида иштирок этишга тайёрлайдиган бош ҳарбий марказ сифатида ривожлантиришни режалаштирган».

Сербиянинг Минскдаги собиқ элчиси Сречко Жукичнинг фикрича: «Сербия ўзини Россиянинг дўсти деб билса-да, Ғарб билан яхши муносабатда қолаётгани Кремль раҳбариятига умуман ёқмаяпти. Бу эса, ўрис раҳнамоларининг маслагига кўра, Белград, ё охиригача Минск билан Москва томонида қолиши, ё батамом рақиб томонга ўтиб кетиши шарт эканлигини англатади».

Сербияда янги ҳукумат шаклланиб, Россияга қарши жорий этилган санкцияларга қўшилиш масаласи ҳал этилаётган экан, расмий Белград Ғарб оламининг кузатуви остида қолмоқда. Чунки Вучич Сербияни Европадаги энг арзон газ билан таъминлаб, Косово масаласида қўллаб-қувватлаб бораётган Москва билан йўлга қўйган муносабатларини бузишни истамайди.

Бироқ Сречко Жукичнинг танқидий фикрига қараганда: «Расмий Белград бундан буён «туяқуш сиёсати»ни давом этиб, бошини қумга суққан ҳолатда қола олмайди».

#coment
@harbiyblok