2022-05-18 13:41:41
Ассалому Алайкум ва роҳматуллоҳу ва барокатуҳ!
Яқин кунларда кўпчиликни ўйлашга ундаган видеога нисбатан айрим мулоҳазаларимиз билан ўртоқлашишни ният қилдик. Бу кўпчилик учун фойдали бўлади ва бизнинг фаолиятимизга нисбатан бўлаётган фикрларни тўғри оқимга буради деган умиддамиз.
Авваламбор бу видеода келган одамларни
алдаш ишларига мутлоқ қарши эканлигимизни билдирамиз ва ёлғон маълумотлар асосида одамлар ишончига кириб уларнинг пулини ўзлаштираётганларни кўпчиликка фош қилиб бергани, кўрсатгани учун видео муаллифларига ташаккур изҳор этамиз. Бу кўпчилик учун фойдали бўлганига умид қиламиз.
Аммо шу билан бирга бу видеода айтмасдан туриб айтилган айрим жиҳатларига ҳам ўз муносабатимизни ҳам билдириб ўтмоқчимиз.
Келинг аввало
«Субъектив» атамасининг маъносига диққат қилайлик.
Субъектив деб субъектнинг (яъни, одамнинг) ўз фикрлаш тарзига мос келадиган идрок, фикр ёки далил ҳақида айтилади. Шу тарзда у нуқтаи назар объектга йўналтирилган объектив тушунчасига зид келади.
Яъни ҳақиқий ҳолатни акс эттирмайди дегани.
Субъектив - бу объектнинг ўзига емас, балки уни одамнинг тил орқали ифода этадиган идрокига ишора қилувчи сифат. Яъни, қилинган хулосалар нисбий эканлигини, бунда хулосага хулоса қилувчининг манфаатлар олами таъсир қилишини англатади.
Қисқа қилиб айтганда субъектив дегани ҳақиқат эмас, балки шахсий фикр дегани, холос.
Хўш тушунчага ойдинлик киритиб олгач Сизга қуйидагича таклиф қилмоқчимиз.
Дейлик, олдингизда даромадингизни 2-3 баробарга ошириш масаласи турибди. Буни ҳал қилишнинг қуйидаги йўлларини кўриб чиқамиз:
1. Ўзингиз ўйлайсиз, ҳаракат қиласиз ва ечасиз.
2. Субъективчиларга шу масалада ёрдам сўраб мурожаат қиласиз.
3. Бирорта миллионерга бу масалада ёрдам сўраб мурожаат қиласиз.
4. Бизга шу масалани ечишда ёрдам сўраб мурожат қиласиз.
Энди бу йўлларни бир оз батафсил кўриб чиқайлик.
Биринчи йўл. Агар ўзингиз бу масалани еча олсангиз – зўр-ку! Омадингиз берсин. Бу масалани ечишда ҳаммага амалий фойдаси тегадиган ечим топган бўлсангиз бизга айтинг қолганларга ҳам бу ҳақда БЕПУЛ етказамиз. Шу орқали кўпчиликка фойдангиз тегади. Ёки бепул беришни истамасангиз пулга ўргатинг. Муҳими бундан ҳар икки тараф ютади.
Иккинчи йўл. Ўзингиз даромадингизни қандай оширишни билмадингиз ва Субъективчиларга шу масалада ёрдам сўраб мурожаат қилдингиз. Улар Сизга ёрдам беришса – бу жуда зўр! Аллоҳ Сизнинг ҳам уларнинг ҳам омадини берсин. Бу ҳақда бизга билдирсангиз биз ҳам ҳаммани Субъективчиларга йўллаймиз. Натижада ҳамма учун манфаатли ишни қилган бўламиз.
Аммо улар Сизнинг мурожаатингизга жавоб сифатида ўзлари айтганидек «Бу ҳаётда бир нарсага эришиш учун сабр, меҳнат, ўз устида ишлаш
(тренингларга бормасдан бу қандай бўлишини ҳозирча мен тасаввур қила олмаяпман) ва иродаси билан эришади» дейиш билан кифояланишса. У ҳолда бу қимматли маслаҳатга амал қилишга уриниб кўринг. Натижа бўлса – яна айтамиз Аллоҳ омадингизни берсин. Натижа бўлмаса кейинги йўлни кўрамиз.
Учинчи йўл. Даромадингиз ошириш масаласини ечишда ёрдам сўраб бирорта миллионерга мурожаат қиласиз. Одатда миллионернинг вақтини сотиб олишга етадиган кўп пулингиз бўлмаслиги мумкин. Чунки уларнинг вақти Сизникидан анча қиммат туради. Устига устак Сиз кўп пулингиз йўқлиги учун унга мурожаат қилаётган эдингиз-ку!? Бундан ташқари ҳамма миллионерларнинг ҳам ўқитишга вақти бўлмаслиги ёки буни истамасликлари ҳам мумкин. Шу каби тўсиқларга қарамасдан у Сиз билан ишлашни хоҳласа ва даромадингизни ошира олсангиз – яна айтамиз Аллоҳ омадингизни берсин!
Аммо бу учта йўл ҳам фойда бермаса, яъни ўзингиз ҳал эта олмадингиз, Субъективчиларнинг маслаҳатига амал қилиб даромадингизни ошира олмадингиз. Ёки бошқа ўзингиз ишонган, ҳурмат қилган миллионер Сиз билан ишлашга вақт ажрата олмади дейлик. Нима қилишни билмаяпсиз.
129 views10:41