.

2022-08-06 11:26:56 Мени ўйлантирадиган савол:

Жангда ютқазиши аниқ бўлган жангчини, жангга киришга нима мажбур қилади?

Билганлар айтиб юборинглар.. Ochish/sharhlash

2022-08-02 19:48:35 Бугундан бошлаб кечқурун 22:00 дан, эрталаб 09:00 гача бесабаб интернетга кирмайман.

Кечқурун телефон ишлатиш уйқуга, кўзга ва соғлиққа жуда катта зарар экан.

Эьлон қилишимнинг сабаби инсон ҳамманинг олдида ваъда бериб қўйса, амал қилиши осонлашади.

Сиз ҳам ўзингизга қўйган мақсадларни биз билан улашинг. Ochish/sharhlash

2022-07-31 09:26:02 Турсунали шаҳвоний ҳирс билан севги фарқини ажрата олувчи ақлга эга эмас эди..

Шайтанатнинг жин кўчалари асаридан Ochish/sharhlash

2022-07-30 21:39:33 Осилсанг баланд дорга осил, жасадингни бургутлар есин.

Ҳаким Телеграмий Ochish/sharhlash

2022-07-27 18:53:28 Тавба қабул бўлганини билдирувчи аломатлар

Бир олимдан сўрабдилар:

- Бир кимса тавба қилган чоғида тавбаси қабул қилинган ё қилинмаганлигини билиши
мумкинми?

Олим шундай жавоб берди:
- Йўқ, қабул қилингани ёки рад этилгани тўғрисида кескин бир ҳукм чиқарилиши мумкин
эмас. Лекин қабул этилганини кўрсатувчи баъзи бир аломатлар бор:

1. Киши ўзида гуноҳ қилишга майл бўлмаётганини кўради.

2. Қалбидан хотиржамлик кетганини кўради, ҳар нарсада Аллоҳни ҳозиру нозир ҳолда
топади.

3. Тўғри ва яхши ахлоқли кишилар билан бирга юради, ёмон феълли кишилардан ўзини узоқ
тутади.

4. Очкўзлик қилмайди. Оз бўлса ҳам ҳалол йўл билан топганига қаноат қилади. Ўзининг
озгина бўлса ҳам ҳалол йўл билан топгани унинг кўзига кўп кўринади, лекин қилган хайрли ва
гўзал амаллари кўп бўлса ҳам унинг кўзига оз кўринади.

5. Қалби доимо Аллоҳ фарз килган нарсалар билан банд бўлади.

6. Динини ёмон-кўзлардан ҳимоя қилади.

7. Давомий тафаккур ҳолида юради.

8. Ўтмишда қилган гуноҳлари туфайли надомат ичида юради.

«Иҳйоу улумид-дин»
асаридан Ochish/sharhlash

2022-07-24 20:59:20 Фақат сендамас, менда ҳам бўлади 

1. Ўзингни тенгдошларингдан орқада қолиб кетаётгандай ҳис қилишинг, битта сендамас тенгдошларингда ҳам бўлади.

2. Танлаган касбингга қараб: "Бу соҳа меники эмас, адашиб кириб қолдим шекилли" - деётган бўлсанг, қўрқма, ҳаммада шунақа давр бўлади.

3. "Шу ёшга кириб, ҳеч нарсага эришмабман-а" - деган хаёл фақат сендамас менда ҳам ўтади.

4. "Ёшлигимда яхшироқ ўқисам бўларкан" - деган ўй, битта сендамас, муваффақиятли инсонларда ҳам ўтади.

Сенда яна қандай хаёллар ўтади? Ochish/sharhlash

2022-07-20 17:18:17 Бизни тўйларда "Чақирмасам хафа бўлади" - деб чақирилади ва "Бормасам хафа бўлади" - деб борилади.

Ҳаким Ўзбекий Ochish/sharhlash

2022-07-14 09:13:39 Менга хотиржамлик келтирувчи ҳикматлар - 5

1. Ота-онангдан ҳам меҳрибон бўлган Роббинг сенга ҳеч қачон ёмонликни раво кўрмайди.

2. Қилиб қўйган гуноҳларингга афсус-надомат чекиб, азобланиб юришинг – тавбага қўйилган биринчи қадам.

3. Сени қилиб қўйган гуноҳингдан кўра Аллоҳнинг раҳмати катта.

4. Севганингга эришолмаган бўлсанг, биринчидан, у аниқ сенинг тақдиринг эмас эди, иккинчидан, у сени кучайтириш учун юборилган Аллоҳнинг неъмати эди.

5. Қийналяпсанми? Демак ривожланяпсан. Саҳобаларга озгина муддат синов келмай қолган пайти хавотирга тушишганиндан хабаринг бормиди?

6. Аллоҳ сендан натижани эмас ихлос билан қилинган максимал ҳаракатни кутади. Шундай экан, дунёни ўзгартиролмаётганингдан ёкида жамиятга фойда келтиролмаётганингдан сиқилма. Фақат қаттиқ ҳаракат қил.

7. Ўқишингда, ишхонангда, маҳаллангда сени душманинг борми? Демак сени шахсиятинг бор. Душманинг йўқлиги характеринг йўқлигини билдиради.

8. Қанчалик ўлиб ҳаракат қилма, ҳидоят сенинг қўлингда эмас. Нуҳ алайҳиссалом 950 йил даъват қилиб, ўз ўғли ва аёлини қутқариб қола олмаган. Сени ишинг сабабини қилиб қўйиш.

9. Иймон деган энг буюк неъматни олдинг. Энди ҳар қандай вазиятда ҳам ношукурлик қилишга ҳаққинг йўқ!

10. Ҳозирги келишмовчилик, тортишувлар келажакдаги тинчлик-хотиржамликка сабаб бўлади.

11. Қалбингга ғам ташвиш соя солса, ё Роббисини соғинган бўлади, ёки Роббиси уни.

12. Битта сен эмас ҳаётда ҳамма қандайдир адолатсизликка учрайди. Бу табиий жараён.

Менга хотиржамлик келтирувчи ўн икки ҳикмат

HAKIM | TELEGRAMIY Ochish/sharhlash