2022-07-31 17:16:40
316. САҲИҲ АЛ-БУХОРИЙ | ҲАЙЗ | 23 ҲАДИС
حَدَّثَنَا مُوسَى بْنُ إِسْمَاعِيلَ، حَدَّثَنَا إِبْرَاهِيمُ، حَدَّثَنَا ابْنُ شِهَابٍ، عَنْ عُرْوَةَ، أَنَّ عَائِشَةَ، قَالَتْ أَهْلَلْتُ مَعَ رَسُولِ اللَّهِ صلى الله عليه وسلم فِي حَجَّةِ الْوَدَاعِ، فَكُنْتُ مِمَّنْ تَمَتَّعَ، وَلَمْ يَسُقِ الْهَدْىَ، فَزَعَمَتْ أَنَّهَا حَاضَتْ، وَلَمْ تَطْهُرْ حَتَّى دَخَلَتْ لَيْلَةُ عَرَفَةَ فَقَالَتْ يَا رَسُولَ اللَّهِ، هَذِهِ لَيْلَةُ عَرَفَةَ، وَإِنَّمَا كُنْتُ تَمَتَّعْتُ بِعُمْرَةٍ. فَقَالَ لَهَا رَسُولُ اللَّهِ صلى الله عليه وسلم
" انْقُضِي رَأْسَكِ، وَامْتَشِطِي، وَأَمْسِكِي عَنْ عُمْرَتِكِ ". فَفَعَلْتُ، فَلَمَّا قَضَيْتُ الْحَجَّ أَمَرَ عَبْدَ الرَّحْمَنِ لَيْلَةَ الْحَصْبَةِ فَأَعْمَرَنِي مِنَ التَّنْعِيمِ مَكَانَ عُمْرَتِي الَّتِي نَسَكْتُ.
Урвадан ривоят қилинади:
«Оиша розияллоҳу анҳо: «Видолашув ҳажида Росулуллох ﷺ билан бирга эҳром боғладим. Мен таматтуъ¹ қилган, лекин ҳадий² етаклаб келмаганлардан эдим». деди.
У ўзининг ҳайз кўриб, арафа кечаси кирганда ҳам пок бўлмаганини билгач: «Эй Аллоҳнинг Росули, бу кеча арафа кечаси, мен эса фақат умрага таматтуъ қилган эдим», деди. Шунда Росулуллох ﷺ унга:
«Сочингни ёзиб, тараниб ол ва умрангдан тийил», дедилар.
(Оиша айтади) «Шундай қилдим. Ҳажни адо қилиб бўлганимда хасба кечаси³ "Абдурроҳманга буюрдилар, у мени ўзим адо этишга қасд қилган умрам ўрнига Танъимдан⁴ умра қилдирди».
[1] Таматтуъ - хажнинг уч туридан бири. Бунда ҳаж қилмоқчи бўлган одам эҳромга кираётган пайтида аввал умра қилишни, умрадан кейин эса ҳаж кунларигача эҳромдан чиқиб юришни ният қилади. Ҳаж кунлари келганда яна эҳром боғлаб, ҳажни адо этади.
[2] Хадий - ҳожи ёки умра қилувчи ҳарам ҳудудида сўйиш учун олиб келган қурбонлик. Одатда, туя, қорамол, қўй ёки эчкилар хадий бўлади.
[3] Хасба кечаси - Муҳассабда туналадиган кеча. Муҳассаб Макка билан Мино орасидаги водийнинг номи бўлиб, ҳожилар хаж амалларини тугатиб, Минодан қайтишда ўша ерда тунаб қолишади. Таньим -
Мадинага юришда Маккага яқин бир жойнинг номи бўлган. У ер ҳозирда Макка шаҳрининг ичига кириб кетган бўлиб, Оиша розияллоҳу анҳо номидаги масжид шу ерда жойлашган. Бу ер умра учун эхром боғланадиган мийқот ҳисобланади. 294 ҳадис | 305 ҳадис
«САҲИҲ ҲАДИС»лар тӯплами Telegram.me/HADISuz
197 views14:16