G‘uzor tumani hokimligi

2021-01-30 15:50:15 Ғузорда ёшлар ўртасида спортнинг яна бир тури бўйича мусобақаси бўлиб ўтди

Ғузор туманида Ўзбекистон Республикаси Президентининг тегишли фармон ижросини таъминлаш мақсадида "Спортни сев, спорт билан яша" шиори остида спорт мусобақалари ташкил этиб борилмоқда.

Мазкур фармон ижроси юзасидан сектор раҳбарлари, жисмоний тарбия ва спорт бўлими, Ёшлар ишлари агентлиги ва Ёшлар иттифоқи туман бўлими ҳамда халқ таълим бўлими ҳамкорлигида туманда спортнинг яна бир тури яъни "Бадминтон" бўйича 15-18 ёшли ўсмирлар ўртасида туман биринчилиги мусобақаси бўлиб ўтди.

Тумандаги 45-ихтисослаштирилган давлат умумтаълим мактабида бўлиб ўтган мусобақада 100 нафарга яқин ўғил ва қиз болалар иштирок этишди.

Мусобақанинг якуний натижасига кўра, ўғил болалар ўртасида 1-ўринни 64-мактаб, 2-ўринни 45-ИДУМ ва 3-ўринни 8-сонли мактаб жамоаси ҳамда қиз болалар ўртасида 1-ўринни 64-мактаб, 2-ўринни 61-мактаб ва 3-ўринни 10-сонли мактаб жамоалари эгаллашди.

Ғузор тумани ҳокимлиги Ахборот хизмати
Каналга уланиш @guzorpress Ochish/sharhlash

2021-01-30 15:49:19 Ҳоким “Совлиғор” маҳалласидаги касб-ҳунарга ўқитиш марказ фаолияти билан танишди

Аввалроқ, ҳоким, туман ҳокими, сектор раҳбарлари, ҳоким ўринбосарлари, тегишли ташкилот раҳбарлари иштирокида “Совлиғор” маҳалла фаоллари ва аҳоли вакиллари билан учрашув бўлиб ўтганлиги ҳақида маълум қилган эдик.

Учрашувдан сўнг, туман ҳокими Бекзод Суюнов маҳаллада ташкил этилган касб-ҳунарга ўқитиш маркази фаолияти билан танишди.

Марказда тикувчилик, гўзаллик салони, ахборот технологиялари ва бошқа йўналишлар бўйича ёшлар касб-ҳунарга ўқитилмоқда.

Ғузор тумани ҳокимлиги Ахборот хизмати
Каналга уланиш @guzorpress Ochish/sharhlash