2022-03-02 18:03:48
БЕРГАНИНГИЗНИ ОЛАСИЗ... Ёхуд қайтар дунё
Ижобий нарсани бера туриб, сиз ижобий нарса оласиз; Салбийни бериб, салбий оласиз.
Сиз нимани берганингизга қараб, ҳаётингиз ёки муваффақият ва қувончларга тўлади, ёки кўнгилсизликлар ва қайғуга ботади. Аммо сиз ижобий ёки салбий нарсаларни қай тарзда берасиз?
Ўз ҳиссиёт ва фикрларингиз орқали!
Вақтнинг ҳар лаҳзасида сиз ижобий ёки салбий фикрларни тарқатасиз. Сиз ифодалаган ҳиссиётлар ё салбий, ё ижобий бўлади. Сизга кейин қайтиб келганлар, сизнинг фикрингизга ва ҳис- сиётларингизга боғлиқ бўлади.
Ҳаётингизнинг ҳар лаҳзасини яратган ҳар бир одам, вазият ва воқеалар сиз оламга юборган фикр ва ҳиссиётлар орқали қайтиб келади. Ҳаётимиздаги ҳеч бир нарса шунчаки юз бермайди, барча олган нарсаларингиз берганларингизга боғлик.
Нима берсангиз, шуни оласиз. Дўстингизга янги уйга кўчганида қўллаб-қувватласангиз ва ёрдам берсангиз, бу ёрдам ва қўллашингиз яшин тезлигида етиб келади.
Якинларингиздан бири сизга панд берса-ю, ғазаблансангиз — ғазабингиз ҳаётингиздаги вазият сифатида қайтиб келади.
Ўз фикр ва ҳиссиётларингиз ёрдамида сиз ўз ҳаётингизни яратасиз.
Сиз ҳозир дуч келаётган ва хавотир олаётган нарсалар, фикрингиз ва ҳиссиётларингиз орқали яратилган.
Агар сиз “бугун куним қийин ва оғир бўлади” деб уйласангиз, ўзингизга шундай одам ва шароитларни тортасизки, кунингиз ҳақиқатан ҳам қийин бўлади.
“Ҳаёт менга нисбатан меҳрибон!” деган ҳис ҳаётингиз айнан шундай бўлиши учун ҳамма нарса қилади.
Тортиш кучи қонуни орқали ҳамма берган нарсаларингиз ўзингизга қайтади.
Сиз бераётган нарсаларингизни магнитлайсиз, сўнг фаровонлик, саломатлик, одамлар билан муносабат, фикрингиз ва ҳисларингиз шунга яраша бўлади.
Агар фикрларингиз пулга нисбатан ижобий бўлса, кўринмас магнит ўзига магнитдай пулларни тортиб, ҳаётингиз фаровон бўлиб, пулингиз кўпайиб кетади.
47 views15:03
Г
