Ёмон кўрган нарсаларимдан бири ўзини биров билан солиштиришдир | Goup.uz

Ёмон кўрган нарсаларимдан бири ўзини биров билан солиштиришдир. Ҳамманинг ўз йўли бор. Ҳамма ўзига хос тажрибага, имкониятларга ва муҳитга эга. Камдан-кам одамлар бир-бирини ҳаёт йўлини такрорлайди.

Инсон ким биландир ўзини солиштириши керак бўлса фақатгина ўтмишдаги ўзи билан солиштириши керак. Кимдандир яхшироқ бўлмоқчи бўлса фақатгина бугунги ўзидан яхшироқ бўлишга ҳаракат қилиши керак.

Сен автобусда юрганингда қайсидир тенгдошинг Жентра олгани сени хато йўлда эканлигингни англатмайди. У Жентрани қандай ва ниманинг эвазига олганлигини билмайсан. Ўзи сенга Жентра керакми деган савол ҳам бор.

Худди шунақа сени тенгдошингни боласи боғча борса-ю, сен ҳатта турмуш қурмаган бўлсанг, сен хато яшаяпсан дегани эмас.

Ўзимиздан ўзайлик, ўзимизнинг энг яхши версиямиз бўлайлик. Ҳаётда ҳам жамият хоҳлаган эмас, ҳақиқатдан ўзимиз хоҳлаган нарсаларга интилайлик


@allaevuzb