_GINEKOLOGIYA_

2023-01-06 11:22:38 Homiladorlikda qon bosimi ko‘tarilganda nima qilish kerak?

Har bir homilador ayol tibbiy ko‘rikdan o‘tishi va albatta, qon bosimini nazorat qilib turishi lozim. Agarda qon bosimi oshgan bo‘lsa, uni davolash kerak bo‘ladi.

Homiladorlarda qon bosimining oshishiga quyidagilar sabab bo‘ladi:
buyraklarda surunkali kasalliklar mavjudligi;
homilador bo‘lishdan oldin qon bosimi baland bo‘lganligi.
⠀
Agar qon bosimi tushirilmasa, quyidagi asoratlarga olib kelishi mumkin:
yo‘ldosh ko‘chishi;
qon ketishi;
to‘r parda ko‘chishi va ko‘r bo‘lib qolish;
bosh miya qon aylanishining buzilishi;
tutqanoqlar;
homilaga kislorod yetishmasligi va nobud bo‘lishi;
bola rivojlanishining ortda qolishi.
⠀
Qon bosimi ko‘tariluvchi homilador ayollar shifokor nazoratida turishi lozim.


https://t.me/ginekologiya_ginekolog Ochish/sharhlash

2023-01-03 10:53:18 BACHADON ICHI SPIRALINING AFZALLIKLARI

BIS bir qator afzalliklarga ega, aynan shular uni ommalashib ketishiga sabab bo’lgan:

Ishonchli kontratseptsiya ta’siri (98%);
Uzoq muddatli ta’sir qilishi (3 yildan 10 yilgacha);
Iqtisodiy foyda;
Kontratseptiv tabletkalarni qabul qilish kerak emas, bu esdan chiqaruvchilar uchun ayniqsa qo’l keladi;
Mirena gormonal spirali davolash maqsadlarida kichik o’lchamdagi bachadon miomalari va 1 — 2 darajali genital endometriozda qo’llaniladi;
Kundalik nazorat talab qilmaydi;
Jinsiy aloqaga ta’sir qilmaydi;
BIS olib tashlangandan so’ng reproduktiv funktsiya (homilador bo’la olish) darhol tiklanadi;
Yosh onalar uchun ideal kontratseptiv vosita.

BACHADON ICHI SPIRALINING KAMCHILIKLARI

Barcha afzalliklarga qaramay, bachadon ichi kontratseptsiya usuli ham salbiy jihatlarga ega. Quyidagi nojo’ya ta’sirlar yuzaga kelishi mumkin:

Hayz ko’rishni kuchaytirish va / yoki uzaytirish;
Hayz paytida og’riq;
Menstruatsiyalar orasida qon ajralishlari;
BISning o’z-o’zidan tushib ketishi (ekspulsiya);
BISni kiritish paytida yoki taqish jarayonida bachadon perforatsiyasi;
Bitta doimiy jinsiy sherikni talab qiladi;
Tug’magan ayollarga spiral kiritish tavsiya etilmaydi;
Bachadondan tashqari homiladorlik xavfini oshiradi;
Kichik tos a’zolarining yallig’lanish kasalliklari xavfini oshiradi;
Har oy mustaqil nazorat qilishni talab qiladi;
Endometriyning to’laqonligini pasaytiradi, bu esa homiladorlik ehtimolini kamaytiradi.

Kanalga ulanish

https://t.me/ginekologiya_ginekolog Ochish/sharhlash

2023-01-01 09:38:10 Homila tushishiga olib keluvchi asosiy 10 sabab

Homiladorlik davrining ilk bosqichlarida homila tushib qolishi xavfi yuqoriroq bo'ladi. Ba'zida bunga aniq omillar sababchi bo'lsa, ba'zida buning sababi aniqlanmay qoladi.

Homiladorlik davrida yuzaga chiqishi mumkin bo'lgan xavfli belgilarni har bir ayol bilishi lozim.

Quyida homila tushishiga olib keluvchi eng ko'p tarqalgan omillar keltirilgan:

Homilada mavjud bo'lgan irsiy buzulishlar. Statistikani ta'kidlashicha, homila tushishining 73% hollarida homilada irsiy buzilish rivojlangan bo'ladi. Bunday holat tabiiy yodashuv hisoblanadi, ya'ni yashay olmaydigan, irsiy nosog'lom homila, o'z-o'zidan rivojlanmay tushadi va homiladorlik yakunlanadi.

Gormonal buzilishlar. Ayol organizmidagi gormonlar balansining buzilishi ko'pincha homilani tushib qolishiga qolishiga olib keladi.

Immunologik sabablar. Bunday holat keng tarqalmagan hisoblanadi. Ko'pincha rezus konflikt tufayli yuzaga keladi. Bunda ona organizmi homilani yod modda deb qabul qilib, uni yo'q qilishga immuniteti kurashadi.

Jinsiy infeksiyalar. Xususan, TORCH infeksiyasining ba'zilari homilaning to'g'ri rivojlanmay nobud bo'lishiga olib keladi.

Ayolning umumiy kasalliklari. Ayol tana haroratining 38 darajasidan oshishiga olib keluvchi infeksiya va viruslar homilani tushishiga sababchi bo'lishi mumkin.

Bundan oldin qilingan abortlar. Abortdan so'ng ayol jinsiy a'zolarida kuchli yallig'lanish jarayonlari paydo bo'lishi mumkin. Bu holat keyingi homiladorliklar yakunlanmay homila nobud bo'lishida namoyon bo'ladi.

Ba'zi dori vositalari va o't damlamalari. Homiladorlikning 1-trimestrida imkon qadar barcha dori vositalari va o't damlamalaridan voz kechgan ma'qul. Ba'zi vositalar homilani nobud bo'lishiga, rivojlanmay qolishiga olib kelishi mumkin.

Kuchli stress. Og'ir judolik yoki boshqa sabablar tufayli yuzaga kelgan stress holati nozik embrion holatiga salbiy ta'sir ko'rsatadi.

Yiqilish, urilish. Jismoniy zo'riqish homilani tushishiga turtki bo'lishi mumkin.

Nosog'lom hayot tarzi. Alkogol ichimliklarni ko'p iste'mol qilish, tamaki chekish kabi odatlar rivojlanayotgan homila salomatligiga jiddiy zarar yetkazishi mumkin.

Kanalga ulanish:

https://t.me/ginekologiya_ginekolog Ochish/sharhlash

2022-12-31 11:07:37 https://t.me/Faqat_oddiylik Ochish/sharhlash

2022-12-31 09:06:41 XAYZ NIMAGA KECHIKISHI MUMKIN???

Homiladorlikni kutayotgan ayolda hayz kechikayotganligi haqidagi xayol o‘rnini hech narsa bosa olmasa kerak. Nahotki homiladorman? Lekin hayz kechikishiga nafaqat homiladorlik, balki boshqa faktorlar ham sababchi bo‘lishi mumkin ekan.

Stress: Stress hayotimizdagi ko‘p narsaga ta’sir etishi mumkin. Shu qatorda hayz siklining buzilishiga ham. Ba’zida biz shunday kuchli siqilib stress olishimiz mumkinki, organizmda GnRH gormoni miqdori ko‘payib ovulyasiya bo‘lmasligi yoki hayz kelmasligiga olib kelishi mumkin. Stress holati o‘tganda, hayz sikli odatda normallashadi.

Kasallik: Og‘ir yoki uzoq vaqt davom etgan kasallik ham hayz kelmasligini keltirib chiqarishi mumkin. Bu vaqtinchalik muammo bo‘lib, kasallik davolangandan so‘ng hayz sikli yana normaga tushadi.

Vaqt o‘zgarishi: Ma’lum bir mamlakatdan boshqa mamlakatga tez-tez safarga borib turgan ayollarda ham hayz sikli buzilishi mumkin. Bir mamlakatda tun bo‘lib, boshqa mamlakatda shu payt kun bo‘lishi ayol organizmi soatlarini biroz adashtirib yuboradi. Natijada kutilayotgan hayz sikli boshlanmaydi.

Dori vositalari: Ba’zi dorilarning ta’siri natijasida hayz sikli o‘zgarib ketishi yoki hayz umuman kelmasligi mumkin. Agar siz yangi dori vositasini qabul qilayotgan bo‘lib, hayz siklingiz buzilib yoki hayz kuni kechikayotgan bo‘lsa, u holda ichayotgan dorini almashtirish yoki to‘xtatish to‘g‘risida shifokor bilan maslahatlashish talab etiladi.

Semirish: Vaznning ortishi organizmda ma’lum gormonal o‘zgarishlarni yuzaga keltiradi. Ortiqcha vazn natijasida hayz sikli buzilishi yoki umuman kelmasligi ham mumkin. Ko‘pincha ayol ozishi natijasida hayz sikli normaga qaytadi.

Ozib ketish: Keskin va qisqa vaqt ichida ozish natijasida hayz sikli normadan chiqib ketishi mumkin.

Menopauzadan oldin: Bu davr ayolning tug‘ish yoshidan tug‘maydigan yoshga o‘tadigan davrga aytiladi. Bunda hayz miqdori kamaygan bo‘lib, davomiyligi qisqara boshlaydi. Undan tashqari hayz sikllar soni ham kamayib boradi.

Menopauza: Menopauza davrida ayol hayz ham ko‘rmaydi ovulyasiya ham yuz bermaydi. Menopauza tabiiy ravishda ayolning yoshi 50dan oshganda va ba’zi kimyoviy operasiyalar tufayli boshlanadi.

Adashish: Hayz sikli har xil ayolda turlicha bo‘ladi. Norma deb qabul qilingan 28 kunlik sikl hammada ham uchramaydi. Bir ayolda 26 kunlik sikl bo‘lsa, boshqa ayolda hayz har 32 kunda ham kelishi mumkin. Ikkala holat ham normal hisoblanadi. Shuning uchun ba’zida ayol siklni noto‘g‘ri hisoblashi tufayli hayz kelishi kechikgandek tuyilishi mumkin.

Homiladorlik: Nihoyat, hayz kelmayotganligining yana bir sababi - homiladorlikdir. Aynan homiladorlik yuz berganda hayz kelmaydi.

Kanalga ulanish:

https://t.me/ginekologiya_ginekolog Ochish/sharhlash

2022-12-30 19:54:44 Momaqaymoq emizikli ayollarning sutini ko‘paytiradi

Uy sharoitida momoqaymoq o‘simligidan damlama tayyorlash uchun: biror idishga 200 ml. qaynoq suv solinadi, uning ustiga o‘simlikning maydalangan yer ustki qismidan yoki ildizidan 1 choy qoshiq olib, 1 soat davomida damlanadi.
Suzilgach, kuniga 50 ml.dan taomdan yarim soat oldin 3 mahal ichiladi Ochish/sharhlash

2022-12-30 09:58:14 Bo‘r, kesak yeyish me’yoriy holatmi?

Bo‘r va kesak yeyish me’yoriy holat hisoblanmaydi. Aslida inson organizmidagi vitamin va mikroelementlar yetishmovchiligida organizm ushbu vitaminga boy bo‘lgan yoki ta’mi o‘xshash bo‘lgan mahsulotni iste’mol qilishni xohlab qoladi.

Kesak, bo‘r iste’mol qilish istagi yosh bolalar va homilador ayollarda ko‘proq kuzatiladi. Bu holat KALSIY yetishmovchiligining alomatidir.

Ushbu holatlar kuzatilganda organizmdagi kalsiy miqdorini aniqlash va kalsiyga boy mahsulotlar (tvorog, pishloq, brinza, qatiq, yashil ko‘katlar) iste’mol qilish zarur. Kalsiy preparatlarini ham ichish mumkin. Faqat shifokor bilan maslahatlashish va yoshga mos dozalarda preparatlarni ichish lozim.

https://t.me/ginekologiya_ginekolog Ochish/sharhlash

2022-12-30 07:27:51 Agar homiladorlik paytida boshingiz aylansa nima qilish kerak?

Birinchidan, siz sekin o‘tirishingiz, suv ichishingiz va ko‘zingizni yummasligingiz kerak. Biror buyumga e’tibor bilan qarab turish yaxshidir.

Agar umumiy ahvolingizda yaxshilanish bo‘lmasa, unda qon bosimingizni o‘lchashingiz kerak.

Ehtimol bosh aylanishining sababi qon bosimi pasayishi bo‘lishi mumkin. Bunday holda siz derazalarni ochishingiz va yotishingiz lozim.

Agar ushbu holatga sabab, qonda qand darajasining pasayishi bo‘lsa, unda konfet yoki biror shirinlik iste’mol qilishingiz kerak.

Agar yuqoridagi choralar yordam bermasa, darhol tez yordam chaqiring.

Esingizda bo‘lsin, homiladorlikda bosh aylanishi homiladorlikning so‘ngi davrlarida kuzatilishi tezkor yordam talab qilishi mumkin!

Kanalga ulanish: https://t.me/ginekologiya_ginekolog Ochish/sharhlash

2022-12-30 07:27:04 Juma muborak Ochish/sharhlash

2022-12-29 21:13:34 Homiladorlik paytida olma iste'mol qilishning ko'plab foydalari bor.Olma bolangizning immunitet tizimini mustahkamlaydi.Homiladorlik paytida olma iste'mol qilgan onalarning bolalari tug'ilgandan keyin astma, ekzema va xirillash kasalliklaridan uzoq bo'lishadi.

https://t.me/ginekologiya_ginekolog Ochish/sharhlash