Gilos.uz|Rasmiy kanal

2020-09-14 08:42:04 AQSh prezidentligi uchun kurashda nafaqaga chiqqan Nyu-Yorkning sobiq meri, milliarder Maykl Blumberg Floridadagi Demokratik partiyadan nomzod Jo Baydenni qo‘llab-quvvatlash uchun 100 million dollar yuboradi, deb yozadi The New York Times.

Blumberg bu haqda NBC News va Marist Poll tomonidan o‘tkazilgan so‘rov natijalari e’lon qilingandan so‘ng ma’lum qildi. Ushbu so‘rovnomaga ko‘ra, AQShning amaldagi prezidenti Donald Tramp va Florida shtatidagi Jo Bayden 65 yoshdan katta bo‘lgan saylovchilar tomonidan teng ravishda qo‘llab-quvvatlanmoqda, ammo Tramp shtatdagi Lotin Amerikasi saylovchilari orasida Baydendan oldinda, so‘rovda 46 foizga qarshi 50 foiz ovoz to‘plagan.

Blumberg vakilining so‘zlariga ko‘ra, ajratilgan mablag‘ ushbu saylovchilar guruhi bilan muloqotga yo‘naltiriladi. Ochish/sharhlash

2020-09-14 08:36:18 Rossiyada, Kuzbasda kon qulab tushdi.

Falokat Kemerovo viloyatidagi konda sodir bo‘ldi. Dastlabki ma’lumotlarga ko‘ra, ishchilardan biri vafot etgan, boshqalari bilan aloqa uzilgan.

TASS xabariga ko‘ra, favqulodda vaziyat paytida shaxtada 95 kishi bo‘lgan. Ulardan 87 tasi tashqariga chiqdi, birining jasadi keyinchalik topildi, yana oltitasi yer ostida qoldi.

Qutqaruvchilar voqea joyida ish olib bormoqda. Ochish/sharhlash

2020-09-14 08:15:03 Reper Shahriyorni eslaysizmi? Agarda Amerikada tanish-bilishlaringiz yoki yaqin insonlaringiz istiqomat qilib, ishsiz qolishgan bo‘lishsa, u holda siz ularga yordam qo‘lini cho‘zing. Qanday qilib, deysizmi? Unda quyidagi xabarni o‘qisangiz, savolingizga javob topasiz.
Shahriyor ijtimoiy tarmoqda kichik video joylab, unda Amerikada yashayotgan o‘zbeklarni ish bilan ta’minlab, moddiy ehtiyojlari to‘liq qondirilishini aytgan holda ular bilan bog‘lanish uchun telefon raqamlarni ham yozib qoldirgan.
"Gilos" muharriri Dilnoza ABDUQODIROVA Ochish/sharhlash

2020-09-14 08:12:00 Bizning sahifalarimizni kuzatib borayotgan bo‘lsangiz, turli xil taqdirlar, qiziqarli ma’lumotlar, sog‘lig‘imiz uchun kerakli bo‘lgan maslahatlar, jahonda sodir bo‘layotgan voqea-hodisalar, ayollarni qiziqtirgan savollarga javoblar, xullas bir so‘z bilan aytganda, eng sara ma’lumotlarni topishingiz mumkin.
Shou biznes sahifamizning muxlisi bo‘lsangiz, unda aktyor va aktrisalarimizning hayotda erishgan yutuqlari, boshlaridan o‘tkazgan qayg‘uli hamda quvonchli voqealarni so‘zlab berganlarini guvohi bo‘lgandirsiz. Shuningdek, xozirgi vaziyatga to‘g‘ri baho bermay, uyida 40 dan ziyod odamni to‘plagan kabi shou biznes vakillarining amalda qo‘llayotgan ishlaridan xabardor bo‘lib bormoqdasiz.
Yuqorida aytib o‘tilgan fikrlarni, diqqat bilan o‘qigan bo‘lsangiz, mashhurlarimizning hayotlarida yuz bergan hodisalardan dars olib, hayotiy darslardan o‘rnak olaylik. Xato va kamchiliklarni aqlimizni ishlatgan holda to‘g‘ri yechim topib, mazmunli hamda tinch-totuv hayot kechiraylik.
"Gilos" muharriri Dilnoza ABDUQODIROVA Ochish/sharhlash

2020-09-14 08:10:00 2020 yil 14 sentyabr soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 47 620 (+197) nafarni tashkil etmoqda.

Yangi kasallanish holatlarining 144 nafari Toshkent shahrida, 23 nafari Toshkent viloyatida, 10 nafari Namangan viloyatida, 8 nafari Surxondaryo viloyatida, 7 nafari Farg‘ona viloyatida, 5 nafari Qashqadaryo viloyatida tana harorati ko‘tarilganligi bois profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Shu bilan birga, Sergeli tumanida yashagan 57 yoshli R.R. (ayol) hamda Yunusobod tumanida yashagan 33 yoshli L.M. (ayol), jami 2 nafar koronavirusga chalingan bemor vafot etdi.

Ayni paytda yurtimizda 44 002 nafar koronavirus infeksiyasiga chalingan fuqarolar (93 foiz) sog‘aygan.

Hozirda mamlakatimizda 3 224 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.

Ulardan 483 nafari og‘ir, 246 nafari esa o‘ta og‘ir ahvolda. Ochish/sharhlash

2020-09-14 08:09:05 14-sentyabr valyutalar kurslari Ochish/sharhlash

2020-09-11 07:27:05 Sahifalarimizda "Bravo" jamoasi Ahmad Temurovning nikoh to‘yi haqida yozib o‘tgandik. Bu to‘y barchaning og‘zida shov-shuv bo‘ldi. Nikoh kechasining ovozi bo‘lishiga yana bir sabab karantin choralariga rioya qilinmagani ko‘ngilsizlikka sabab bo‘ldi.
To‘yda karantin choralariga amal qilinmagani bois, ya’ni nikoh kechasida 40 dan ziyod kishi qatnashgani bois ma’muriy bayonnoma tuzildi.
Ayni kunlarda to‘ylarimiz avji pallaga chiqgan davri. Oramizda karantin choralariga rioya qilmayotganlar ko‘p uchramoqda. Barchani karantin choralariga rioya qilishlarini so‘ragan bo‘lar edik. Aks holda yuzaga keladigan holatdan yaratganning o‘zi asrasin.
"Gilos" muharriri Dilnoza ABDUQODIROVA Ochish/sharhlash

2020-09-11 07:21:24 11-sentyabr valyutalar kurslari Ochish/sharhlash

2020-09-11 07:19:09 Koronavirus: O‘zbekiston, qo‘shnilar va jahondagi vaziyat, 11-sentyabr (infografika) Ochish/sharhlash