Gilos.uz|Rasmiy kanal

2020-09-14 10:29:11 PSJ Fransiya chempionatida 42 yillik antirekordini takrorladi
Qayd etish joiz, Parij klubining Chempionlar Ligasidagi ishtiroki sabab 1-tur uchrashuvi 16-sentabrga qoldirilgan.Jamoa 2-tur bahsida esa “Lans” maydoniga safar qilib, 0:1 hisobida imkoniyatni boy berib qo‘ygandi.Opta’ning yozishicha, PSJ 42 yil ichida ilk marta Fransiya chempionatining dastlabki ikki o‘yinida gol ura olmagan. Parijliklar oxirgi marta 1978/79-yilgi mavsumda shunday muvaffaqiyatsizlikka uchragandi.Ma’lumot o‘rnida, koronavirus pandemiyasi sabab muddatidan oldin yakunlangan 2019/20-yilgi mavsumda PSJ chempionga aylangandi. Ochish/sharhlash

2020-09-14 10:19:28 Ohangaronda 22 yoshli haydovchi urib yuborgan piyoda voqea joyida vafot etdi
Toshkent viloyati Ohangaron tumanida 22 yoshli haydovchi belgilanmagan joydan yo‘lni kesib o‘tayotgan piyodani urib ketdi, deya xabar bermoqda YHXBB.Ma’lum qilinishicha, 2020-yilning 14-sentabr kuni soat 07:20 larda Toshkent viloyati Ohangaron tumani hududidan o‘tgan A-373 M-39 avtomobil yo‘lining 165-kilometrida haydovchi, 1998-yilda tug‘ilgan M.P. “VAZ-2107” rusumli avtomobilni Angren–Ohangaron yo‘nalishida boshqarib ketayotib, belgilanmagan joydan yo‘lni kesib o‘tayotgan 50-55 yosh atrofidagi erkakni (shaxsiga aniqlik kiritilmoqda) urib yuborib, YTH sodir etgan.Natijada shaxsi noma’lum piyoda og‘ir tan jarohatlari olib voqea joyida vafot etgan.Mazkur YTH yuzasidan Ohangaron tumani IIB huzuridagi tergov bo‘limi tomonidan tergovoldi surishtiruv ishlari olib borilmoqda. Ochish/sharhlash

2020-09-14 10:14:54 «Microsoft» kompaniyasi «TikTok»dan quruq qoldi
«TikTok» servisiga egalik qiluvchi «ByteDance» kompaniyasi AQShdagi biznesini «Microsoft» kompaniyasiga sotmaydigan bo‘ldi. Xitoy kompaniyasi bu haqda AQSh IT-gigantini boxabar qilgan.
«Microsoft» kompaniyasi ta’kidlashicha, ushbu bitim imzolanganda ham «TikTok» foydalanuvchilari yutardi, ham milliy manfaatlar talablari qondirilardi.
Navbatdagi ikkinchi xaridor — «Oracle». «ByteDance» «TikTok»ning AQShdagi, qolaversa, Avstraliya va Yangi Zelandiyadagi biznesi allaqachon yangi egali bo‘lganini bildirdi, ammo nomlarni keltirmagan. Ochish/sharhlash

2020-09-14 10:12:31 Bugun Yaponiyada bosh vazir saylovi bo‘lib o‘tmoqda
Avval xabar berganimizdek, bugun, 14-sentyabr kuni Yaponiyada yetakchi Liberal-demokratik partiya yangi rahbarligi uchun saylovlar bo‘lib o‘tmoqda. Partiya rahbari Yaponiya bosh vaziri lavozimini ham egallaydi.
Ushbu lavozim uchun uch nomzod kurashmoqda. Yaqqol yetakchi — partiya bosh kotibi Yosixide Suga (yuqoridagi suratda o‘rtada). U Sindzo Abe boshlagan ishlarni davom ettirishga va’da bergan.
Suga partiya aksariyat fraksiyalari tomonidan qo‘llab-quvvatlanmoqda, shuningdek, partiya a’zolarining yarmidan ko‘pi uning tomonida. Ochish/sharhlash

2020-09-14 10:05:48 Qashqadaryo viloyati markazidagi oilaviy poliklinikada onkolog shifokor bo‘lib ishlagan fuqaro Qarshi davlat universitetida o‘rindoshlik asosida faoliyat yuritib, talabalarga saboq berib kelgan shaxs aldov yo‘li bilan o‘zgalarning pul mablag‘ini o‘zlashtirmoqchi bo‘lgan.
Mazkur fuqaro bir abituriyentni Qarshi davlat universitetiga o‘qishga kiritib qo‘yish evaziga 5000 AQSh dollari, ikkinchi abituriyentni M.Auezov nomidagi Janubiy Qozog‘iston davlat Universitetiga o‘qishga kiritib qo‘yish uchun 2000 AQSh dollari, jami 7000 AQSh dollari olgan vaqtida DXX Qashqadaryo viloyati boshqarmasi va Bosh prokuratura huzuridagi Departamentning hududiy boshqarmasi xodimlari tomonidan ashyoviy dalillar bilan ushlandi.
Ta’kidlash lozimki, u muqaddam firibgarlik bilan bog‘liq jinoyatlar sodir etganligi uchun 2018 va 2019-yillarda jinoyat ishlari bo‘yicha Qarshi tuman sudining hukmi bilan 2 marotaba sudlangan. Ochish/sharhlash

2020-09-14 10:00:38 Koronovirus kasalligi kimlarga yuqmasligi haqida ma’lumotlar mavjudmi? Bu savolga Koronavirusga qarshi kurash shtabi a’zosi Sevara Ubaydullayeva javob berdi.

JSST tomonidan bu kasallikka hamma chalinishi mumkinligi to‘g‘risida ma’lumot berilgan.

Bugungi kunda niqob taqib yurish, ijtimoiy masofa saqlash, qo‘llarni doim sovunlab yuvish yoki antiseptik vositalar bilan ishlov berish hamda imkon qadar o‘zini alohidalagan shaxslarga kasallik yuqish ehtimoli pasayadi yoki virus organizmga tushishi kamayadi.

Odamlar bilan muloqotni umuman cheklagan insonlarga virus yuqmasligi mumkin.

Biroq ta’kidlash lozimki, bugungi pandemiya davrida inson hayoti davomida bu infeksiya bilan baribir to‘qnashadi va o‘shal davrda koronovirusning kasallik chaqirish qobiliyati kamaygan bo‘lsa bu kasallikni yengil kechirishi mumkin. Ochish/sharhlash

2020-09-14 09:58:05 Belarus Prezidenti Aleksandr Lukashenko Rossiyaga amaliy tashrif bilan uchib ketdi va Prezident Vladimir Putin bilan uchrashadi. Bu Belarus rahbarining 9 avgustda respublikada prezident saylovlaridan keyin boshlangan norozilik namoyishlari boshlanishidan buyon birinchi xorijiy safari.

"Mamlakatlar rahbarlari turli sohalardagi ikki tomonlama hamkorlikning holati va rivojlanish istiqbollarini, ittifoq munosabatlari mavzusini, xalqaro muammolar va mintaqadagi vaziyatni, paydo bo‘layotgan muammolarga birgalikda javob berish masalalarini muhokama qiladilar", — dedi Lukashenkoning matbuot xizmati. Belarus Prezidenti Putin bilan Sochida uchrashadi, muzokaralar yakkama-yakka shaklda o‘tkaziladi.

Avvalroq Rossiya Federasiyasi Prezidentining matbuot kotibi Dmitriy Peskov ikki davlat rahbarlari o‘rtasida bo‘lib o‘tadigan muloqot dolzarb ekanligini ta’kidlagandi. Ochish/sharhlash

2020-09-14 09:56:58 Namangan viloyati IIB Axborot xizmati Gulsanam Alijonova ishi tugatilganini ma’lum qildi.

Yoshlar ishlari agentligi Namangan viloyat boshqarmasi tomonidan Gulsanam Alijonovaning jinoyat ishi yuzasidan viloyat prokuraturasiga jazoni yengillashtirish bo‘yicha amaliy yordam so‘rab murojaat etilgan.

Shuningdek, Yoshlar ittifoqi Norin tuman kengashi Gulsanamning jamoat ishlarida faolligi, 2019 yildan buyon volontyor sifatida faoliyat yuritishi va sportdagi yutuqlarini inobatga olib, qayta jinoyat sodir etmasligi bo‘yicha kafillikka olgan.

Shunga ko‘ra Norin tuman IIB huzuridagi TB tomonidan JPKning 84-moddasi, 5-qismi, 2-bandiga asosan, Gulsanam Alijonovaning muqaddam sudlanmaganligi, qilgan ishidan pushaymonligi, jabrlanuvchilarning da’vosi yo‘qligi, sodir etgan harakati uncha og‘ir bo‘lmagan jinoyatlar turiga kirishi, shuningdek, Yoshlar ittifoqi kafilligini inobatga olib, ayblilik to‘g‘risidagi masalani hal qilmay turib, jinoyat ishini tugatish to‘g‘risida qaror qabul qilingan. Ochish/sharhlash

2020-09-14 09:02:51 Qisqa qilib aytganda, tez ozish uchun:

1. Kamida 2 hafta davomida ovqatlanishni keskin kamaytirish lozim. Ya'ni oldingi yeyilgan porsiyangizni 4-5 barobariga kamaytirib, ovqatlanish oralig'ida umuman hech narsa yemay faqat suv ichib yurish kerak bo'ladi;

2. Haftada 1 marta suvdan tashqari hech nima yemaslik zarur;

3. Haftada 1 marta 1 mahsulotlik parhezda bo'lish lozim. Ya'ni kun mobaynida bir mahsulot(qatiq, banan, olma va hokazolar) bilangina tamadi qilish mumkin bo'ladi.

4. Nonushtadan oldin 2 stakan qaynagan suv ichib olish zarur.

5. Har kuni kamida 30 daqiqa davomida yuqori tezlikda yurish maqsadga muvofiq bo'ladi. Ochish/sharhlash

2020-09-14 08:46:06 Har bir faslning o‘z tarovati bor. Yoz fasli yakun yasaganiga man o‘n to‘rt kun ham bo‘ldi. Kuz oyining kirib kelishida ob-havoda ham o‘zgarish kuzatildi. Ayni kunlarda havo harorati ham avvalgiga qaraganda, ancha pasaydi.
Yulduzlarimiz ham kuz kelganidan mamnun holda sahifalarida ko‘ngildan chiqqan samimiy so‘zlar bilan izohlamoqdаlar. Ulardan biri Shahzoda Matchonova. Aktrisa kuzni juda yaxshi ko‘rishini qalbidan chiqgan dil izhorlari bilan chiroyli bayon etdi.
"Gilos" muharriri Dilnoza ABDUQODIROVA Ochish/sharhlash