Геосиёсат | News

2022-09-02 15:47:39 Европа космик агентлиги Покистондаги тарихий сув тошқини акс этган сунъий йўлдош тасвирларини эълон қилди:

“Ушбу ҳалокатли сув тошқини 1100 дан ортиқ одамнинг ҳаётига зомин бўлди ва 33 миллиондан ортиқ киши, яъни ҳар еттинчи покистонлик сув тошқинидан жабр кўрди. Уйлар, экин майдонлари ва инфратузилма объектлари ювилиб кетди.

Чапдаги расмда зарарланган ҳудуднинг кенг кўриниши кўрсатилган, ўнгдаги тасвир эса Дера Мурод Жамали ва Ларкана ўртасидаги ҳудудни катталаштиради. Ҳинд дарёси қирғоқларидан тошиб, ўнлаб километр кенгликдаги узун кўлни ҳосил қилди. Кўк-қора ранглар ернинг сув остида эканлигини кўрсатади."

@Geosiyosatuz Ochish/sharhlash

2022-09-02 14:56:06 Покистон расмийлари 30 миллион одам жабр кўрган ҳалокатли сув тошқинидан кейин қайта қуриш харажатларини 10 миллиард долларга баҳолади.

@Geosiyosatuz Ochish/sharhlash

2022-09-02 14:19:13 Аргентинанинг чап ҳукумат блоки ва марказий ўнг мухолифати сенаторлари биргаликда қўшма баёнот чиқариб, вице-президент Киршнерга қилинган ҳужумни қораладилар ва “Аргентинадаги сиёсий зўравонликлар” фонида оммавий сафарбарлик эълон қилишди.

@Geosiyosatuz Ochish/sharhlash

2022-09-02 11:30:37 Аргентина вице-президенти Кирчнер суиқасд нишонига айланди

Номаълум шахс Аргентинанинг собиқ президенти ва ҳозирги вице-президенти Кристина Киршнерга қурол ўқталди. У тепкини босди, лекин қурол нотўғри ўқ узди.

У ҳибсга олинган, Кирчнер жабрланмаган. Суиқасддан мақсад аниқланмаган.

@Geosiyosatuz Ochish/sharhlash

2022-09-02 11:03:01 АҚШдан иккита янгилик.

24 август: Калифорния янги бензинли автомобильларни сотишни тақиқлади.

30 август: Калифорния маҳаллий аҳолидан элэктр тақчиллиги сабабли элэктр транспорт воситаларини заряд қилмасликни сўради.

@Geosiyosatuz Ochish/sharhlash

2022-09-02 10:47:13 Швеция ва Финляндиянинг НАТОга қўшилиши тўғрисидаги протоколларни ратификация қилиш жараёнининг ҳолати

@Geosiyosatuz Ochish/sharhlash

2022-09-01 19:27:01 Литва 1991 йил январида Вилюнюсда содир бўлган воқеалар бўйича Михаил Горбачёвга қарши даъвони қайтариб олди

"Даъво аниқ шахсга — Совет Иттифоқи Президенти Михаил Горбачёвга қарши қўзғатилган. Масъулиятни бошқа бировга топшириш мумкин эмас, шунинг учун даъво қайтариб олинди", — дея суд вакилидан иқтибос келтиради BALTNEWS.

@Geosiyosatuz Ochish/sharhlash

2022-09-01 18:38:01 Бугун Лукашенко билан Минскдаги республика саройида мактаб ўқувчилари билан ўтказилган очиқ дарсда қизиқ ҳолат юз берди.

Бир йигит "Спасите" деб қоғозга ёзиб, уни камерага кўрсатди. Бошқа йигит эса президент “юқори технологиялар парки” ҳақида гапирганда кулиб юборди.

@Geosiyosatuz Ochish/sharhlash

2022-09-01 18:06:11 Рим папаси Ватикандаги ваъзи давомида инсоният Учинчи жаҳон урушига кирганини эълон қилди.

@Geosiyosatuz Ochish/sharhlash

2022-09-01 17:31:15 G7 мамлакатлари молия вазирлари Россиядан келадиган нефть нархини чеклаш режасини ишлаб чиқди.

Катта еттилик мамлакатлари (АҚШ, Канада, Германия, Италия, Буюк Британия, Франсия ва Япония) молия вазирлари 2 сентябрь куни бўлиб ўтадиган онлайн йиғилишда Россиядан нефтьнинг максимал нархини белгилаш режасини тақдим этади, деб ёзади Тhe Wall Street Journal нашри манбаларга таяниб.

Қайд этилишича, Ғарб молия расмийлари декабргача самарали сиёсат ишлаб чиқишни кутаётгани учун режани шу ҳафта охиригача муҳокама қилиш ниятида.

Нашрнинг ёзишича, режада мазут каби нефть маҳсулотларига маржинал нархларни жорий этиш ҳам кўзда тутилган.

“Бизнинг мақсадимиз – Россия нефтьининг бозорга чиқишига имкон берувчи, лекин ундан келадиган даромадни камайтирадиган тузилма яратиш”, — дейди АҚШ молия вазири ўринбосари Уолли Адеемо.

Бундан ташқари, маржинал нархлар Россия нефть маҳсулотларига, масалан, мазутга нисбатан ҳам жорий этилиши мумкин, дейди манбалар.

@Geosiyosatuz Ochish/sharhlash