Газетчи

2021-12-15 13:04:48 Шушадаги “шаҳид ҳайкаллар" кимлар эди?

Шуша шаҳри 28 йил тан олинмаган тоғли Қорабоғ (Арманистон) такибида бўлган даврларда харобага айлаган. 1992 йилга қадар Шушада миллий тимсоллар Узейир Хажибеёв, Хуршидбану Натаван ва Булбулларнинг бюстлари ўрнатилган. Арманистон Шушани босиб олгандан сўнг бу ҳайкаллар Ереванга олиб кетилиб, Грузияга металл сифатида сотиб юборилади.

Минг ҳаракатлар ва яширин йўллар билан улар Грузиядан Бакуга олиб келинган. 2-Қорабоғ муҳорабасидан сўнг 2021 йил 14 январда бюстлар Шушага яна қайтарилади. Мазкур уч бюстлар “отилган ва шаҳид қилинган ҳайкаллар” деб номланади.

Улар кимлар эди?

Узейир Ҳажибеёв барча мусулмон Шарқида опера санъати асосчиси, Озарбойжон мадҳияси бастакори, “Аршин молчи” комедияси муаллифи.
Хуршидбону Нотавон шоира, сўнгги Қорабоғ хони Мехтиқули Жаванширни қизи. Шушада турли маданий даргоҳлар қурдирган ва ичимлик суви келтирган севимли хоним.
Булбул. Муртуза Мешади Ризо ўғли Мамедов опера хонандаси, педагог ва халқ артисти.

@gazetchi_live Ochish/sharhlash

2021-12-14 18:12:39 “Бу ҳаммаси газ раҳбарларининг айби” — президент. Сурхондарё ҳокими ҳам Деновдаги ҳолатга муносабат билдирди

Президент Шавкат Мирзиёев иштирокидаги видеоселектор йиғилишида Деновда содир бўлган портлаш сабабларига тўхталиб ўтилди, дея хабар бермоқда "Газетчи" манбаси.

“Бу ҳаммаси газ раҳбарларининг айби. Бўлмасам айтилган экан, у ерда бино қуриш мумкин эмас, деб. Ҳали ҳам бизни Худо асради. 2 киши ўлиб кетди. Шунча нарса бўлди. Буни очиқ айтиш керак. Ҳокимлар 1 январгача ўз туманларидаги газ тизимини хатловдан ўтказади”, деди президент.

Сурхондарё вилояти ҳокими Тўра Боболовнинг айтишича, бино ўрганилганда, газ тизимида паст босимли трубага ўрта босимли труба улаб олинган. Шу сабабли бино ертўласида портлаш содир бўлган.

Каналга уланиш: @gazetchi_live Ochish/sharhlash

2021-12-11 16:18:14 "Муаммо пул билан боғлиқ бўлгани яхши", - дейди яқин бир дўстим, - Яқинларим ёнимда. Ҳаммаси соғ-омон. Бой бўлмасак-да, қора қозон қайнайди. Оиламиз тинч ва тўкис".

Унинг бу фалсафаси нақадар ҳақиқат?! Инсон борки, муаммоси бор. "Кимдадир мол қайғуси, кимдадир жон қайғуси" деганларидек, муаммоларимиз доим топса бўладиган нарсалар билан бўлсин.

Ҳеч биримизни ўрнини тўлдириб бўлмас хасталик, айрилиқ, нотинчлик ва бахтсизлик билан синамасин. Яқин-у биродарларимиз доим бағримизда, ёнимизда соғ-омон елиб-югуриб юраверишсин. Ризқимиз эса ўлчангани қадар берилаверади.

Мен эса қаторимда шундай нафсини жиловлай олган яхши инсонларим борлигидан фахрдаман! Ўзи бахтингни ҳам, соғлигингни ҳам, рисқингни ҳам тўкис қилсин, дўстим!

@gazetchi_live Ochish/sharhlash

2021-12-11 13:01:43 "Пул бор! Берсанг, "Ўғирлайман", - дейди"

Айни дамда Тошкент шаҳри Мирзо Улуғбек туманида бўлиб турган президент Шавкат Мирзиёев тайинланганига бир ҳафта бўлган маҳаллалардаги ҳоким ёрдамчилари билан ҳам учрашиб, уларнинг бир ҳафталик таасуротлари билан қизиқди ва уларга:

"Бир кун эртадан кечгача маҳаллада юриб, аҳволни ўрганиб, уларга ёрдам берингларчи... Тасаввур қилинглар, бир йилдан кейин аҳвол қандай ўзгаради? Икки йилдан кейин-чи? 1-2 йилдан кейин ўзларингиз ҳам менга тайёр яхши кадр бўлиб келасиз. Маҳаллаларда 3-7 минг одамни оёққа турғизган одам мен учун яхши эмас, буюк одам! " - деди.

Суҳбат чоғида президент бир пайтлар маҳаллаларда калий, калций сингари турли дори воситалари бепул тарқатилгани, бугунга келиб эса тизимда муаммолар юзага келгани ҳақида ҳам: "Пул бор! Берсанг, "Ўғирлайман", - дейди. Тартиб йўқ, тизим йўқ. Қани миллатпарварлик? Нега юракдан "Колумбда бор аламим маним, Ўзбекистон - Ватаним маним!" дея олмаймиз?" - деди.

Ташриф давом этмоқда.

Каналга уланиш: @gazetchi_live Ochish/sharhlash

2021-12-09 18:06:23 Ёзмасанг бўлмайдиган мавзу: Ҳар соатда бир шумхабар

Эҳ, қайси бирини ёзасан? Хўш, ким айбдор бу уқувсизликларда? Наҳотки, инсон ўз ҳаётини бу қадар таҳликаларга қўйишдан, табиатга эса масхаратомуз муносабатда бўлишдан тийилмайди?

Ёзмай десам, соат ўтмай бир янгилик чиқиб асабингни бузади. Ахир булар ёнимиздагилар, бир замонда яшаяпмиз. Бир хаводан нафас олаяпмиз. "Ҳой" деб қўйингизлар!!!

Мактабда кечикдик. Боғчалардан экология, йўл ҳаракати ва айниқса, коррупция деган дарсларни бошлаш керак! Лекин биз у омон-омон кунларни кўрамизми-йўқми - билмадим. Сатқайи одам кетинглар. Пул топиб ақл топмаганлар!!! Нодонлар!!!

Каналга уланиш: @gazetchi_live Ochish/sharhlash

2021-12-09 08:50:08 Ҳайдовчиларга енгилликлар, ҳайдовчиларданчи?

Транспортни бошқаришда қулоқчинлардан, салоннинг олд қисмига монитордан (дисплей) фойдаланиш мумкинлиги, ҳайдовчи ёнида паспорти ёки ID-картаси бўлса, қолган ҳужжатлар талаб этилмаслиги (2022 йил 1 мартдан), белгиланган тезликни ошириб юборилганда қайд этилган тезликдан 5 км чегириб ташлаб жазо қўлланилиши Маъмурий жавобгарлик тўғрисидаги кодексга киритилган ўзгартиш ва қўшимчалар билан «михлаб» қўйилди.

Хурсанд қиларли янгиликлар?

Лекин мени бошқа нарса ўйлантиради. Йўл ҳаракати қоидаларига, ҳайдовчилик маданиятига доим амал қилсак, жарималарнинг миқдори-ю, «казёл»ларнинг бор-йўқлиги бизни қизиқтирармиди? Йўқ! Биз аввало, қоидаларни бузамиз. Жазога келганда «ачиб кетади». Ҳеч бир енгилликдан хулоса чиқармаймиз.

"Жазоловчи светофорлар"

Мумбай полицияси тирбандликда доимий сигнал чалувчиларга қарши яхши усулни ўйлаб топибди. Светофорларда ўрнатилган товуш ўлчагичларда сигнал овози 70-80 дБ.дан ошса, қизил чироқ ёнган сониялар яна нолга қайтади ва таблода: "Кўпроқ сигнал чал - кўпроқ турасан!" деган ёзув пайдо бўлади.

Бизда ҳам ҳар бир қоидабузарликларга мана шундай жазолар керак! Йўлларда одамлар ўляпти. Биз эса фақат «газ босамиз»…

Каналга уланиш: @gazetchi_live Ochish/sharhlash

2021-12-07 09:00:14 «Олоурилар, салтанатимиз қашшоқлашиб қолмайди»

Ўзбекистонда мансабдор шахсларнинг жиноятлари оқибатида давлат ва жамият манфаатларига:
2018 йилда 556 млрд. сўм;
2019 йилда 1,858 трлн. сўм;
2020 йилда 500,1 млрд. сўм;
2021 йилнинг 9 ойида 658 млрд. (жами 3 трлн. 572,1 млрд.) сўм моддий зарар етказилган.

Минг афсуски, биз "Ойлик майли, тушуми қанча?" дейдиган жамият аъзосимиз.

Барча қилинаётган ислохот-у, лойиҳалардан "пул ювиш" деган ёзилмаган пункт ўчмас экан, унинг халқ манфаати учун хизмат қилишига ишониб бўлмайди.

Каналга уланиш: @gazetchi_live Ochish/sharhlash

2021-12-05 18:26:21 Соҳибқирон Амир Темур(Темурлан)нинг ташқи кўриниши қандай бўлган?

Бу доимий бахсли мавзу. Озарбайжонда бўлган чоғимизда Шуша маданий меросига бағишланган бир китобда шушалик рассом Мир Муҳсин Наввоб томонидан ҳам чизилган "Амир Темур портрети"га кўзим тушди (1-расм). 1902 йилда чизилган суратда саркарда рассом тасаввурлари асосида тасвирланган.

Шундан сўнг бутун дунёда Амир Темурни қандай тасвирлашганларига қизиқиб кўрдим. Менимча, сизларга ҳам қизиқ бўлади.

Каналга уланиш: @gazetchi_live Ochish/sharhlash