Fikrbank - Xurshid Maroziqov kanali

2022-06-30 14:17:04 Ish avjida, lekin kayfiyat ko'tarishni ham unutmaymiz!

Xurshidbek akadan qiziq latifa.

Hoziroq buyurtma berib, tezligimizni sinab ko'ring!

Call-center:
+998781130123 (Toshkent shaxri)
+998732290044 (Farg'ona va Qo'qon)

Telegram | Instagram | Facebook Ochish/sharhlash

2022-06-25 13:28:03 Rasta orqali buyurtmalarni yetkazib berish Toshkent shahrida ham boshlandi.

Sekin sekin bizga ulangan kafe va restoranlar soni ortmoqda. Chapani o’zbekcha professional yondashuv bilan in sha Allah o’z foydalanuvchilarimizni hursand qilamiz. Hozircha ilovamiz Qo’qon, Farg’ona va Toshkent shaharlarida ishlamoqda.

Sinab ko’ring buyurtma berib.

PS: Agar buyurtma berishga imkoniyatingiz bo’lmasa, samimiy 2 ta odamga tavsiya qilsangiz, dasturni takomillashtirishga katta hissa qo’shgan bo’lar edingiz.

Hurmat bilan
Xurshid Maroziqov

@fikrbank Ochish/sharhlash

2022-01-06 09:43:26 Hozirgi globallashuv davrida mediadan munosib o'rin egallash va uni foydali kontentlar bilan to'ldirish kerak bo'lyapti. Biznesni rivojlantirishda ham medianing kuchli qurolligi sizlarga ma'lum. Bular uchun bizga ijtimoiy tarmoqlar bilan yaxshi ishlaydigan SMM menejerlari kerak bo'ladi.

Shu o'rinda men Najot Ta'lim markazini ushbu ehtiyojlarni qanoatlantirib kelayotgan markazlardan biri sifatida bilaman. Chunki ko'plab tadbirkorlarning o'zlari markazga kadr so'rab murojaat qilishadi.

Mening e'tiborimni tortgan narsa ushbu SMM Pro kursi uchun kirish imtihonlari qo'yilgani bo'ldi. Markaz avval ham o'zidagi dasturlash kurslari uchun imtihon joriy qilgan bo'lib, unda qatnashgan 690 nafar kandidatlardan 300 nafarini saralab olgandi.

Bu endi, hatto o'quv markazda ham, tanlangan va saralanganlar bilan o'qish imkonini beradi sizga! Bu yerda superkontrakt degan narsalar yo'q )

Kurs uchun navbatdagi sinov imtihoni 16-yanvar kuni bo'lib o'tar ekan.

SMM Pro kursi kirish imtihoni uchun roʻyxatdan oʻtish

P.S.: Xorijiy tillar va zamonaviy kasblardan bittasini o'rganinglar. Xolis tavsiyam.

@fikrbank Ochish/sharhlash

2022-01-04 12:16:30 Тақдирлаш маросимида Шахматнинг РАПИД йўналиши бўйича 17 ёшли жаҳон чемпиони - Нодирбекнинг онасига эътибор бердингизми? Ҳижобда, сатрланган эди. Нодирбекнинг акаси харбий учувчи экан. Нодирбек - жаҳон чемпиони.

Айрим одамларнинг миясида шаклланган "диндорлар қолоқ бўлади" деган стериотипни парчалаш учун бу яхши малҳам бўлади деб умид қиламан.

@fikrbank Ochish/sharhlash

2022-01-03 13:31:07 Ochish/sharhlash

2022-01-02 18:17:52 Псевдо «Либераллар» ҳақида

Шу кунларда TentakMinds ва яна бир қатор шунга ўхшаш ўзлари либералликни даъво қилиб, лекин ўзларини қарашларидан фарқ қилган ҳар қандай фикр эгасига масхараомуз постлар ёзадиган айрим «Псевдо-либераллар»нинг жазаваси тутган.

Уларга раддия ёзганларга ҳам жавоблари оддий, осонгина «радикал» ёки "радикализм аломатлари" ташхисини қўйишади ва уёғига баҳсдан қочишади.

Аслида эса уларда шаклланган комплекс бирёқламалик бўлиб, улар ҳеч қачон жамият ва ундаги муносабатларга объектив ёндашмайдилар. Ўқиган давлатлари муҳити, кўрган ҳужжатли фильмларидан илҳомланадилар. Уларни жамиятшунослик ёки антропология бўйича бизни ерларда қўллаш, амалиёти ва оқибатлари ҳақида фикр юритишга ҳам ожизлар. Лекин ўзларини айни шу соҳада эксперт санайдилар.

Албатта инсон онги ўз атрофидагилар ва уларнинг фикри билан ҳам таъсирланади ва бу табиий жараён. Ўзбек «Либераллари»нинг секюларизм ва атеизмга мойиллигини ҳам тўғри тушуниш керак бўлади.

Бир тарафда айрим имомларимиз гапирилаётган масалани илмий асосламасдан “571 рақами мани мошинамни камроқ шикаст ейишига сабаб бўлди" дейиши каби гаплар бўлса, иккинчи тарафда Ричард Давкинс ва Сам Ҳаррис кабиларнинг асарларидан илҳомланиб, чуқурроқ изланишни ўзларига эп кўрмасликлари уларни тобора мутаассиб қилиб боради.

Теологик билимлари ҳаваскор даражада деб қараладиган Ричард Давкинснинг ўзи Дарвинизм қайта ёзилиш ёқасида эканлигига амин бўлиб турган пайтда Улар Сам Ҳарриснинг "End of Faith" ("Иймоннинг тугаши") асарида Гитлер ва Сталинни диндор одамлар деб ёзганига шунчаки ишонадилар.

Шуларни ёзганларини муқобил манбаларга мурожаат қилиб қайта текширмайдиганлардан яна нима кутасиз? Ман бу кабилар билан қачонки ҳиссиз баҳс бўлсагина киришаман.

Чунки бошқа обрўли фан олимлари ҳақида билишмайди ёки шунчаки билишни исташмайди. Инсон ҳуқуқларини ўзларини қолипларига тушсагина тарғиб қиладилар. Ислом динига эргашувчиларга нисбатан қандайдир ҳолатлар содир этилса, сукут сақлайдилар.

Алоҳида қараши бўлган индивид билан баҳс қилиш бошқа нарса. Аммо, ўзлари тамғалаётгандек радикал, бир ёқлама қарайдиганлар билан баҳсга киришиш бефойда. Булар ҳам радикал - фақат камалакнинг бошқа спектрумида. Булардаги комплекс - исломофобия деб аталади.

Бундан қутулишнинг ягона ечими бор. Кўпроқ китоб ўқиш ва альтернатив манбааларга мурожаат қилиш. Лекин шу пайтгача булар бунга қодир эмаслигини кўрсатишди.

@fikrbank Ochish/sharhlash

2021-12-31 22:51:31 2022-yil mahalla yili deb e’lon qilinibdi. Shu munosabat bilan bir taklifim bor. Yil nomini odamlarni esida qolishi uchun qanaqadir shartli kodlar yoki qandaydir kreativ nomlash kerak.

Masalan, “Yashil Bayroq” yili. Eshitgan odam darrov so’raydi - “Nimaga yashil bayroq?”. O’z o’zidan proyektga qiziqish ortadi va proyekt bilan odamlarni o’zaro bog’liqligi yuzaga keladi. Shartlari ham oddiy bo’ladi - Masalan, Gaz bilan ta’minlangan mahallaga bitta ochko (point), daraxt ekkan mahallaga bir point, internet simi kelgan mahallaga alohida point, asfalt qilingan mahallaga alohida point va ho kazo. Qaysidir mahalla belgilangan pointlarni to’liq yig’a olsa, shu mahallaga “Yashil bayroq” beriladi.

Buni vizual tarzda ham ifodalash mumkin bo’ladi - masalan ko’chalarni nomi oldiga yashil kvadrat qo’yiladi va buni davom ettirsa bo’ladi. Shunchaki taklif. To’liqroq vaqtim bo’lsa yana yozaman.

@fikrbank Ochish/sharhlash

2021-12-31 22:02:35 Qo’qonda shunaqa tuman — bechora mushak otib nimadir qilaman deganlar, hechnima ko’ra olmayapti, pul yo’q deb noliymiz, lekin pulni havoga uchiramiz, yorug’ini ko’rmasak ham… Ochish/sharhlash

2021-12-31 21:24:31 Huddi urush bo’layotgan joyga o’xshaydi - Alloh asrasin. Shuncha pirotexnika vositalari beeeeeemalol o’tgan bojhonadan. Lekin, dronga ruxsat yo’q.

@fikrbank Ochish/sharhlash

2021-12-28 08:09:11 Halollikni da'vo qilib lekin hayitda emas, yangi yilda hamma influencerlarga sovg'a yuboradigan kolbasa ishlab chiqaruvchilari - marketolog va strateglaring bilan nima muhimligi haqida kelishib olinglar.

@fikrbank Ochish/sharhlash