Президент пойтахт ҳокимига 'шаҳар ичидаги қурилишлар' учун тан | Fikrat
Президент пойтахт ҳокимига "шаҳар ичидаги қурилишлар" учун танбеҳ берди
Ўзбекистон Президентининг матбуот хизмати Шавкат Мирзиёевнинг ўтган бир ҳафтадаги фаолияти ҳақида маълумот берувчи "Махсус ракурс" кўрсатувининг илк сонини эълон қилди.
Дастурда 25 январь куни бўлиб ўтган саноат ва логистика соҳасида умумий қиймати 8,6 триллион сўмга тенг инвестицион лойиҳаларнинг тақдимотига оид кадрлар намойиш этилган.
Давлат раҳбари Тошкент учун таклиф этилаётган саноат ва логистика лойиҳаларини маъқуллаган. Бироқ пойтахт ҳокими Жаҳонгир Ортиқхўжаевга алоҳида мурожаат қилиб, шаҳар ичидаги қурилиш ишларини танқид қилган.
"Мен Тошкентда 4—5 йил ишлаганман, оғайни. Бу ерга 120 миллиметрли кичкинагина канализация қўйганмиз (Президент труба диаметрини қўли билан кўрсатган — таҳр.)… Сен эса у ерда 9 қаватли уй қурибсан. Биз канализация насосини қуришимиз керакми ёки йўқ? Трубаларни кучайтиришимиз керакми? Мактабларчи? Боғчаларчи?", — дейди Шавкат Мирзиёев.
