ОАВ ходимлари диққатига!
Хабарингиз бор, Ўзбекистон Сoca Cola кубогининг чорак финалидан ўрин олган баҳсда “Навбаҳор” ўз майдонида Тошкентнинг “Пахтакор” жамоасини қабул қилади.
Ушбу ўйинни бевосита стадиондан ёритмоқчи бўлган ОАВ ходимлари Ўзбекистон Профессионал футбол лигаси (ЎзПФЛ) томонидан аккредитациядан ўтган, буни тасдиқловчи бейжикда бўлишлари лозим.
Таъкидлаш жоизки, ОАВ ва мухлисларнинг стадионга ташрифлари Наманган вилояти Ички ишлар бошқармаси (ИИБ), Миллий гвардия ва Давлат солиқ инспекцияси ходимлари томонидан қатъий назорат остига олинади.
Шу муносабат билан, тартиб посбонларининг хизмат вазифаларини бажаришларига халал бермаслик учун стадионга ташриф буюрадиган ОАВ вакилларининг ЎзПФЛ аккредитациясидан ўтган бўлишлари шартлигини эслатиб ўтамиз.
Шунингдек, аккредитациядан ўтган ОАВ ходимларининг стадионга имкон қадар эртароқ ташриф буюришлари сўралади.
“Навбаҳор” ПФК матбуот хизмати.
