Стадионга чипта билан ташриф буюринг, азиз мухлислар!
Ҳурматли футбол ихлосмандлари!
Хабарингиз бор, Ўзбекистон Сoca Cola кубогининг чорак финалидан ўрин олган баҳсда “Навбаҳор” ўз майдонида Тошкентнинг “Пахтакор” жамоасини қабул қилади.
“Навбаҳор” ПФК шуни маълум қиладики, “Финалдан олдинги финал” мақомига эга мазкур учрашувни бевосита стадионда томоша қилишни истаган мухлислар ўйингоҳга фақат чипта билан киритилади. Стадион ва унинг атрофига чиптасиз мухлислар киритилмайди.
Ушбу жараён Наманган вилояти Ички ишлар бошқармаси (ИИБ), Миллий гвардия ва Давлат солиқ инспекцияси ходимлари томонидан қатъий назорат остига олинади. Шу муносабат билан, тартиб посбонларининг хизмат вазифаларини бажаришларига халал бермаслик учун стадионга ташриф буюрган ҳар бир томошабинда чипта бўлиши шартлигини эслатиб ўтамиз.
“Навбаҳор” ПФК матбуот хизмати.
